ರಾಜ್ಯ

ವಿಮಾನ ಪ್ರಯಾಣ ದರ ಏರಿಕೆ ಖಂಡನೀಯ / KUNDANA

ದೇವನಹಳ್ಳಿ ತಾಲೂಕಿನ ರಾಮನಾಥಪುರ ಹಾಲು ಉತ್ಪಾದಕರ ಸಹಕಾರ ಸಂದ ಕಟ್ಟಡ ನಿರ್ಮಾಣಕ್ಕೆ ಭೂಮಿ ಪೂಜೆ ನೆರವೇರಿಸಲಾಯಿತು. ಬಮುಲ್​ ನಿರ್ದೇಶಕ ಸಾವಕನಹಳ್ಳಿ ಎಸ್​.ಪಿ.ಮುನಿರಾಜು, ರಾಮನಾಥಪುರ ಹಾಲು ಉತ್ಪಾದಕರ ಸಹಕಾರ ಸಂಘದ ಅಧ್ಯಕ್ಷ ಪ್ರಸನ್​ ಕುಮಾರ್​, ಅಂತಾರಾಷ್ಟೀಯ ವಿಮಾನ ನಿಲ್ದಾಣ ಪ್ರದೇಶ ಯೋಜನಾ ಪ್ರಾಧಿಕಾರದ ಅಧ್ಯಕ್ಷ ವಿ.ಶಾಂತಕುಮಾರ್​ ಇದ್ದರು.
ದೇವನಹಳ್ಳಿ ತಾಲೂಕಿನ ರಾಮನಾಥಪುರ ಹಾಲು ಉತ್ಪಾದಕರ ಸಹಕಾರ ಸಂದ ಕಟ್ಟಡ ನಿರ್ಮಾಣಕ್ಕೆ ಭೂಮಿ ಪೂಜೆ ನೆರವೇರಿಸಲಾಯಿತು. ಬಮುಲ್​ ನಿರ್ದೇಶಕ ಸಾವಕನಹಳ್ಳಿ ಎಸ್​.ಪಿ.ಮುನಿರಾಜು, ರಾಮನಾಥಪುರ ಹಾಲು ಉತ್ಪಾದಕರ ಸಹಕಾರ ಸಂಘದ ಅಧ್ಯಕ್ಷ ಪ್ರಸನ್​ ಕುಮಾರ್​, ಅಂತಾರಾಷ್ಟೀಯ ವಿಮಾನ ನಿಲ್ದಾಣ ಪ್ರದೇಶ ಯೋಜನಾ ಪ್ರಾಧಿಕಾರದ ಅಧ್ಯಕ್ಷ ವಿ.ಶಾಂತಕುಮಾರ್​ ಇದ್ದರು.
ಬೆಂಗಳೂರು ಗ್ರಾಮಾಂತರ ಡೆಸ್ಕ್
Published on: 
ಕುಂದಾಣ : ಕೆಲ ದಿನಗಳಿಂದ ಇಂಡಿಗೋ ವಿಮಾನ ಪ್ರಯಾಣಿಕರಿಗೆ ಆಗುತ್ತಿರುವ ಸಮಸ್ಯೆಗೆ ಕೇಂದ್ರ ಸರ್ಕಾರ ಹೊಣೆ ಹೊರಬೇಕು ಎಂದು ದೇವನಹಳ್ಳಿ ಬಮುಲ್​ ನಿರ್ದೇಶಕ ಸಾವಕನಹಳ್ಳಿ ಎಸ್​.ಪಿ.ಮುನಿರಾಜು ಹೇಳಿದರು.
ದೇವನಹಳ್ಳಿ ತಾಲೂಕಿನ ರಾಮನಾಥಪುರ ಹಾಲು ಉತ್ಪಾದಕರ ಸಹಕಾರ ಸಂಘದ ಕಟ್ಟಡಕ್ಕೆ ಭೂಮಿ ಪೂಜೆ ನೆರವೇರಿಸಿ ಮಾತನಾಡಿದ ಅವರು, ಯುಪಿಎ ಸರ್ಕಾರದ ಅವಧಿಯಲ್ಲಿ ಪ್ರತಿ 500 ಕಿ.ಮೀಗೆ 7,500 ರೂಪಾಯಿಯಂತೆ ಟಿಕೆಟ್​ ಭರಿಸುವ ವ್ಯವಸ್ಥೆ ಇತ್ತು. ಇದೀಗ ಪ್ರಯಾಣದ ವೆಚ್ಚ ಶೇ.64ನಂತೆ 18,000 ವರೆಗೆ ಏರಿಸಿದ್ದು, ವಿಮಾನ ಪ್ರಯಾಣಿಕರು ದೇಶದಾದ್ಯಂತ ಕೇಂದ್ರವನ್ನು ಖಂಡಿಸುತ್ತಿದೆ ಎಂದರು.
ಗ್ರಾಮೀಣ ಭಾಗದಲ್ಲಿ ಹೈನುಗಾರಿಕೆ ಅವಲಂಬಿತ ರೈತರ ಅಗತ್ಯಕ್ಕೆ ಬರುವ ಚಾಪ್​ ಕಟರ್​, ಮ್ಯಾಟ್​, ಗೊಬ್ಬರ ಸೇರಿ ಕೃಷಿ ಉಪಯೋಗಿ ಸಾಧನ ಸಲಕರಣೆಗಳನ್ನು ಬೆಂಗಳೂರು ಹಾಲು ಒಕ್ಕೂಟದಿಂದ ಒದಗಿಸುತ್ತಿದೆ. ದೇವನಹಳ್ಳಿ ತಾಲೂಕಿನ ಬಹುತೇಕ ಹಾಲು ಉತ್ಪಾದಕರ ಸಹಕಾರ ಸಂಘದ ಕಟ್ಟಡಗಳು ಶೇ.80 ಪ್ರಗತಿಯಾಗಿವೆ. ಉಳಿದ ಡೇರಿಗಳಿಗೆ ಕಾಂಗ್ರೆಸ್​ ಹೆಚ್ಚಿನ ಅನುದಾನ ನೀಡಲು ಶ್ರಮಿಸಲಿದೆ ಎಂದರು.
ರಾಮನಾಥಪುರ ಹಾಲು ಉತ್ಪಾದಕರ ಸಹಕಾರ ಸಂಘದ ಅಧ್ಯಕ್ಷ ಪ್ರಸನ್​ ಕುಮಾರ್​ ಮಾತನಾಡಿ, ಧರ್ಮಸ್ಥಳ, ಕೆಎಂಎಫ್​ ಹಾಗೂ ಡೇರಿ ಹೂಡಿಕೆ ಹಣ ಸೇರಿ 75 ಲಕ್ಷ ರೂಪಾಯಿ ವೆಚ್ಚದಲ್ಲಿ ಕ್ಷೀರಭವನ ನಿರ್ಮಿಸಲು ಡೇರಿ ಸರ್ವ ಸದಸ್ಯರ ಸಹಕಾರ ದೊರೆತಿರುವುದು ಪ್ರಶಂಸನೀಯ ಎಂದರು.
ಹೈನುಗಾರಿಕೆಯಿಂದ ಲಾಭ : ಹೈನುಗಾರಿಕೆಯಿಂದ ರೈತರ ಆರ್ಥಿಕ ಪ್ರಗತಿ ಸಾಧ್ಯ. ಕುಂದಾಣ ಭಾಗದಲ್ಲಿ ಕೈಗಾರಿಕಾ ಪ್ರದೇಶಗಳ ನಡುವೆಯೂ ಜಾನುವಾರುಗಳಿಗೆ ಹಸಿ ಮೇವಿನ ಸಮಸ್ಯೆ ಎದುರಾದರೂ, ಹಾಲು ಉತ್ಪಾದಕರ ಜಮೀನಿನಲ್ಲೇ ಹಸಿ ಮೇವು ಬೆಳೆಸಿಕೊಳ್ಳುವ ಮೂಲಕ ರಾಮನಾಥಪುರದ ಡೇರಿಯಲ್ಲಿ ಪ್ರತಿದಿನ 600 ಲೀಟರ್​ ಹಾಲು ಶೇಖರಿಸಿ ಬೆಂಗಳೂರು ಡೇರಿಗೆ ಸರಬರಾಜು ಮಾಡಲಾಗುತ್ತಿದೆ ಎಂದು ಬೆಂಗಳೂರು ಅಂತಾರಾಷ್ಟೀಯ ವಿಮಾನ ನಿಲ್ದಾಣ ಪ್ರದೇಶ ಯೋಜನಾ ಪ್ರಾಧಿಕಾರದ ಅಧ್ಯಕ್ಷ ವಿ.ಶಾಂತಕುಮಾರ್​ ಹೇಳಿದರು.
kundana
bhumi pooje
dara erike
ವಿಜಯವಾಣಿ ನಂ.1 ದಿನ ಪತ್ರಿಕೆ | Vijayavani | Kannada News
www.vijayavani.net