ಮಹಾರಾಜ ಗಂಗಾ ಸಿಂಗ್ ವಿಶ್ವವಿದ್ಯಾಲಯದಿಂದ ಅಚ್ಯುತ ಸಮಂತಾಗೆ 75ನೇ ಗೌರವ ಡಾಕ್ಟರೇಟ್ ಪ್ರಧಾನ:

ಮಹಾರಾಜ ಗಂಗಾ ಸಿಂಗ್ ವಿಶ್ವವಿದ್ಯಾಲಯದಿಂದ ಅಚ್ಯುತ ಸಮಂತಾಗೆ 75ನೇ ಗೌರವ ಡಾಕ್ಟರೇಟ್ ಪ್ರಧಾನ:

ಭುವನೇಶ್ವರ: ಕಳಿಂಗಾ ಇನ್ಸ್‌ಟಿಟ್ಯೂಟ್ ಆಫ್ ಸೋಶಿಯಲ್ ಸೈನ್ಸಸ್ ಹಾಗೂ ಕಳಿಂಗಾ ಇನ್ಸ್‌ಟಿಟ್ಯೂಟ್ ಆಫ್ ಇಂಡಸ್ಟ್ರೀಯಲ್ ಟೆಕ್ನಾಲಜಿಯ ಸಂಸ್ಥಾಪಕರು, ಹಿರಿಯ ಶಿಕ್ಷಣತಜ್ಞ ಹಾಗೂ ಸಮಾಜ ಸುಧಾರಕ ಡಾ. ಅಚ್ಯುತ ಸಮಂತ ಅವರಿಗೆ ರಾಜಸ್ಥಾನದ ಬಿಕಾನೇರ್‌ನ ಮಹಾರಾಜ ಗಂಗಾ ಸಿಂಗ್ ವಿಶ್ವವಿದ್ಯಾಲಯವು (ಎಂಜಿಎಸ್‌ಯು) ಗೌರವ ಡಾಕ್ಟರೇಟ್ ಪ್ರದಾನ ಮಾಡಿ ಗೌರವಿಸಿತು.

ರಾಜಸ್ಥಾನದ ಲೋಕಭವನ (ರಾಜಭವನ)ದಲ್ಲಿ ವಿಶ್ವವಿದ್ಯಾಲಯದ ವತಿಯಿಂದ ಆಯೋಜಿಸಲಾಗಿದ್ದ ವಿಶೇಷ ಸಮಾರಂಭದಲ್ಲಿ ರಾಜಸ್ಥಾನದ ಅತ್ಯಂತ ಹಳೆಯ ಸರ್ಕಾರಿ ವಿಶ್ವವಿದ್ಯಾಲಯ ಎಂಜಿಎಸ್‌ಯು ಡಾ. ಸಮಂತ ಅವರಿಗೆ 75ನೇ ಡಾಕ್ಟರೇಟ್ ಪದವಿ ನೀಡಲಾಯಿತು.

ಶಿಕ್ಷಣದ ಮೂಲಕ ಸಾಮಾಜಿಕ ಅಭಿವೃದ್ಧಿ ಮತ್ತು ಕಲ್ಯಾಣಕ್ಕೆ ಸಮಂತ ಅವರು ನೀಡಿದ ಅಸಾಧಾರಣ ಕೊಡುಗೆ ವಿಶೇಷವಾಗಿ ಬುಡಕಟ್ಟು ಮಕ್ಕಳ ಶಿಕ್ಷಣವನ್ನು ಪ್ರೋತ್ಸಾಹಿಸಿರುವುದನ್ನು ಪರಿಗಣಿಸಿ ವಿಶ್ವವಿದ್ಯಾಲಯವು ಈ ಗೌರವವನ್ನು ನೀಡಿದೆ. ಸಮಂತ ಅವರನ್ನು ಗೌರವ ಡಾಕ್ಟರೇಟ್‌ಗೆ ಆಯ್ಕೆ ಮಾಡುವ ಮೊದಲು ಅವರು ಸೇವೆ ಸಲ್ಲಿಸುತ್ತಿರುವ ವಿವಿಧ ಕ್ಷೇತ್ರಗಳ ಕುರಿತು ವಿಶ್ವವಿದ್ಯಾಲಯವು ಮಾಹಿತಿ ಪಡೆದಿತ್ತು ಎನ್ನಲಾಗಿದೆ.ಹಾಗೂ ಇತ್ತಿಚೆಗಷ್ಟೆ ಧಾರವಾಡದ ಕರ್ನಾಟಕ ವಿಶ್ವವಿದ್ಯಾಲಯವು 71ನೇ ಗೌರವ ಡಾಕ್ಟರೇಟ್ ಪ್ರದಾನ ಮಾಡಿ ಗೌರವಿಸಿತ್ತು.

ರಾಜಸ್ಥಾನದ ರಾಜ್ಯಪಾಲ ಹಾಗೂ ಎಂಜಿಎಸ್‌ಯು (ಎಖಖಿ) ಕುಲಾಧಿಪತಿಗಳಾದ ಹರಿಭಾವು ಬಾಗ್ಡೆ, ರಾಜಸ್ಥಾನದ ಉಪಮುಖ್ಯಮಂತ್ರಿ ಹಾಗೂ ಉನ್ನತ ಶಿಕ್ಷಣ ಸಚಿವರಾದ ಡಾ. ಪ್ರೇಮ್ ಚಂದ್ ಬೈರ್ವಾ, ಎಂಜಿಎಸ್‌ಯು ಕುಲಪತಿ ಪ್ರೊ. ಮನೋಜ್ ದೀಕ್ಷಿತ್ ಮತ್ತು ಕುಲಸಚಿವ ಪ್ರೊ. ಯಶ್‌ಪಾಲ್ ಅಹುಜಾ ಅವರು ಉಪಸ್ಥಿತರಿದ್ದ ಸಮಾರಂಭದಲ್ಲಿ ಗೌರವ ಡಾಕ್ಟರೇಟ್ ಅನ್ನು ಪ್ರದಾನ ಮಾಡಲಾಯಿತು. ಈ ಸಂದರ್ಭದಲ್ಲಿ ರಾಜಸ್ಥಾನದ ಹಲವು ಸಚಿವರು, ಶಾಸಕರು ಮತ್ತು ಗಣ್ಯರು ಉಪಸ್ಥಿತರಿದ್ದರು.ಇದೇ ವೇಳೆ ರಾಷ್ಟ್ರೀಯ ಮಹಿಳಾ ಆಯೋಗದ ಅಧ್ಯಕ್ಷರಾದ ವಿಜಯಾ ಕಿಶೋರ್ ರಹತ್ಕರ್ ಅವರಿಗೂ ಗೌರವ ಡಾಕ್ಟರೇಟ್ ಪ್ರದಾನ ಮಾಡಲಾಯಿತು.

ಕೋಟ್

ತಮ್ಮ ಕಾರ್ಯವನ್ನು ಗುರುತಿಸಿ ಗೌರವ ಡಾಕ್ಟರೇಟ್‌ಗೆ ಆಯ್ಕೆ ಮಾಡಿ ಪ್ರದಾನ ಮಾಡಿದ್ದಕ್ಕೆ ಡಾ. ಸಮಂತ ಅವರು ರಾಜ್ಯಪಾಲರಾದ ಬಗಾಡೆ ಹಾಗೂ ಎಂಜಿಎಸ್‌ಯು ಕುಲಪತಿ ಪ್ರೊ. ಮನೋಜ್ ದೀಕ್ಷಿತ್ ಅವರಿಗೆ ಧನ್ಯವಾದಗಳನ್ನು ಸಲ್ಲಿಸುತ್ತೇನೆ ಹಾಗೂಈ ಡಾಕ್ಟರೇಟ್ ಪಡೆದಿರುವುದು ನನ್ನ ಹೃದಯಕ್ಕೆ ಸದಾ ಹತ್ತಿರವಾಗಿರುತ್ತದೆ. ಆಗಸ್ಟ್ 2 ರಂದು ತಾಯಿ ನೀಲಿಮಾರಾಣಿ ಅವರ 10ನೇ ಪುಣ್ಯತಿಥಿಯನ್ನು ಆಚರಿಸಲಾಗುತ್ತಿದೆ. ಇದಕ್ಕೂ ಮೊದಲು ಈ ಗೌರವ ಬಂದಿದೆ. ಆದ್ದರಿಂದ ಈ ಗೌರವವನ್ನು ತಾಯಿಗೆ ಅರ್ಪಿಸಿ, ಅವರ ಆತ್ಮಕ್ಕೆ ಶಾಂತಿ ಕೋರುತ್ತೇನೆ