ಅಽಕಾರಿ ಬೆವರಿಳಿಸಿದ ಅನ್ನದಾತರು

ವಡಗೇರಾ; ಕಳೆದ ಒಂದು ತಿಂಗಳಿAದ ಸಮರ್ಪಕ ವಿದ್ಯುತ್ ಪೂರೈಸುವಲ್ಲಿ ವಿ-Àಲವಾದ ಇಲ್ಲಿನ ಜೆಸ್ಕಾಂ ಕಚೇರಿಗೆ ಹತ್ತಕ್ಕು ಹೆಚ್ಚು ಗ್ರಾಮಗಳ ನೂರಾರು ರೈತರು ಗುರುವಾರ ಮುತ್ತಿಗೆ ಹಾಕಿ ಪ್ರತಿಭಟನೆ ನಡೆಸಿದರು.

ರೈತರಿಗೆ ಸತತ ೭ ಗಂಟೆ ವಿದ್ಯುತ್ ಪೂರೈಕೆ ಮಾಡಬೇಕು ಎಂಬ ನಿಯಮ ಇದ್ದರೂ ಒಂದೆರಡು ತಾಸು ನೀಡಿ ನಂತರ ಬಂದ್ ಮಾಡುವ ಮೂಲಕ ಜೆಸ್ಕಾಂ ಅಽಕಾರಿ ಮತ್ತು ಸಿಬ್ಬಂದಿ ಕಣ್ಣು ಮುಚ್ಚಾಲೆ ಆಟವಾಡುತ್ತಿದ್ದು, ಇದರಿಂದ ರೊಚ್ಚಿಗೆದ್ದ ವಡಗೇರಾ ಸುತ್ತಲಿನ ಗ್ರಾಮಗಳ ರೈತರು ಭತ್ತ ನಾಟಿ ಮಾಡಲು ಆಗದೆ ತೀವ್ರ ತೊಂದರೆಯಾಗುತ್ತಿದೆ ಎಂದು ಗುರುವಾರ ಬೆಳಗ್ಗೆ ೧೦ರ ಸುಮಾರಿಗೆ ಜೆಸ್ಕಾಂನ ೧೧೦/೩೩/೧೧ಕೆವಿ ವಿದ್ಯುತ್ ವಿತರಣಾ ಕೇಂದ್ರಕ್ಕೆ ಲಗ್ಗೆ ಇಟ್ಟು ಒಳಗಿದ್ದ ಸಿಬ್ಬಂದಿಯನ್ನು ಹೊರಗೆ ಹಾಕಿ ಮುತ್ತಿಗೆ ಹಾಕಿ ಆಕ್ರೋಶ ವ್ಯಕ್ತಪಡಿಸಿದರು.

ಮುಂಗಾರು ಬಿತ್ತನೆಗಾಗಿ ಭತ್ತ ನಾಟಿ ಮಾಡುವ ಸಮಯವಿದು. ಮಳೆ ಆಗಿಲ್ಲ, ನದಿ ಬತ್ತುತ್ತಿದೆ. ಈ ವೇಳೆ ಸಮರ್ಪಕ ವಿದ್ಯುತ್ ಪೂರೈಸಿದರೆ ಗದ್ದೆಗಳಿಗೆ ನೀರು ಸಂಗ್ರಹಿಸಿ ಭತ್ತ ನಾಟಿ ಮಾಡಬಹುದು. ಆದರೆ ಇಂತಹ ಸಮಯದಲ್ಲಿ ವಿದ್ಯುತ್ ಸರಬರಾಜು ಮಾಡದೆ ರೈತರೊಂದಿಗೆ ಜೆಸ್ಕಾಂ ಅಽಕಾರಿಗಳು ಚೆಲ್ಲಾಟವಾಡುತ್ತಿದ್ದಾರೆ ಎಂದು ರೈತರು ಆರೋಪಿಸಿದರು.

ಸ್ಥಳಕ್ಕೆ ಭೇಟಿ ನೀಡಿದ ಅಽಕಾರಿಗಳನ್ನು ಹಿಗ್ಗಾ-ಮುಗ್ಗಾ ತರಾಟೆಗೆ ತೆಗೆದುಕೊಂಡ ರೈತರು, ಕಳೆದ ಅನೇಕ ತಿಂಗಳಿAದ ಹೀಗೆ ರೈತರೊಂದಿಗೆ ವಿದ್ಯುತ್ ನೀಡುವ ವಿಷಯಕ್ಕೆ ಕಳ್ಳಾಟವಾಡುತ್ತಿದ್ದೀರಿ. ನಿಮಗೆ ಹೇಳುವವರು ಮತ್ತು ಕೇಳುವವರು ಯಾರು ಇಲ್ಲವೇ ಎಂದು ಬೆವರಿಳಿಸಿದರು.

ಬೇಕಾಬಿಟ್ಟಿ ವಿದ್ಯುತ್ ತೆಗೆಯುತ್ತೀರಿ, ಅನೇಕ ಸಲ ೨೪ ತಾಸು ಕರೆಂಟ್ ಇರುವುದಿಲ್ಲ, ನೀವು ಕೆಲಸ ಮಾಡಲು ಬಂದಿದ್ದಿರೋ? ಇಲ್ಲವೇ ಸಾರ್ವಜನಿಕರಿಗೆ ತೊಂದರೆ ಕೊಡಲು ಇದ್ದಿರೋ ಎಂದು ರೈತರು ಮುಖದ ಮೇಲೆಯೇ ಜಾಡಿಸಿದರು. ಸುಮಾರು ಮೂರು ತಾಸು ಇಡೀ ಜೆಸ್ಕಾಂನ ೧೧೦/೩೩/೧೧ಕೆವಿ ವಿದ್ಯುತ್ ವಿತರಣಾ ಕೇಂದ್ರವನ್ನು ಸುತ್ತುವರೆದ ರೈತರು ಅನೇಕ ತಿಂಗಳುಗಳಿAದ ಹಿಡಿದಿಟ್ಟುಕೊಂಡಿದ್ದ ಸಿಟ್ಟು ಹೊರ ಹಾಕುವ ಮೂಲಕ ಪ್ರಜಾಪ್ರಭುತ್ವದ ವ್ಯವಸ್ಥೆ ಜನರು ಬೀದಿಗೆ ಬಂದರೆ ಏನಾಗುತ್ತದೆ ಎಂಬುವುದನ್ನು ವಡಗೇರಾ ಸೇರಿ ಹತ್ತಾರು ಹಳ್ಳಿಗಳ ರೈತರು ಸಾಕ್ಷಿಕರಿಸಿದರು.

ಈ ವೇಳೆ ಸ್ಥಳಕ್ಕೆ ಆಗಮಿಸಿದ ಜಿಪಂ ಮಾಜಿ ಸದಸ್ಯ ಶ್ರೀನಿವಾಸರೆಡ್ಡಿ ಚನ್ನೂರ ಅವರು ರೈತರು ಮತ್ತು ಅಽಕಾರಿಗಳೊಂದಿಗೆ ಮಾತನಾಡಿ, ಪರಿಸ್ಥಿತಿ ಶಾಂತಗೊಳಿಸಿದರು. ಎಇಇ ಮಾರ್ಕಂಡೇಶ್ವರ, ಸೆಕ್ಷನ್ ಆಫೀಸರ್ ಥಾಮಸ್, ದೇವಪ್ಪ ಮತ್ತು ಸಿಬ್ಬಂದಿ ಇದ್ದರು. ಅಲ್ಲಿದ್ದ ಪೊಲೀಸ್ ಅಽಕಾರಿ ಮತ್ತು ಸಿಬ್ಬಂದಿ ಕೂಡ ರೈತರನ್ನು ಸಮಜಾಷಿಸಿದರು. ಬೆಂಡೆಬAಬಳಿ, ಗೊಂದೆನೂರ, ಚನ್ನೂರ, ಕೊಂಕಲ್, ತುಮಕೂರು, ಮಾಚನೂರ, ಬಿಳ್ಹಾರ, ಕಂದಳ್ಳಿ, ಕುರಿಹಾಳ, ಅರ್ಜುಣಗಿ ಗ್ರಾಮಗಳ ರೈತರು ಪ್ರತಿಭಟನೆಯಲ್ಲಿ ಭಾಗವಹಿಸಿದ್ದರು. ಚೇತನ ಸಾಹುಕಾರ, ರವಿ ಚನ್ನೂರ, ನರಸಿಂಹರಾಜು, ಮಂಜುನಾಥರಡ್ಡಿ ಚನ್ನೂರ, ಅಮಾತೆಪ್ಪ ಹುಬ್ಬಳ್ಳಿ, ಶಿವುಗೌಡ ಕುರಿಹಾಳ, ಉಮೇಶ ಪಾಟೀಲ್, ಶಾಂತಪ್ಪ ಅಂಗಡಿ, ದೇವಪ್ಪ ಚನ್ನೂರ ಸೇರಿದಂತೆಯೇ ಇತರರಿದ್ದರು. ಸ್ಥಳದಲ್ಲಿ ಹೆಚ್ಚಿನ ಪೊಲೀಸರಿದ್ದು ಬಂದೋಬಸ್ತ ಮಾಡಿದ್ದರು.