ಮತದಾರರ ಹಕ್ಕು ಕಿತ್ತುಕೊಳ್ಳುವ ಹುನ್ನಾರ

ಕಲಬುರಗಿ: ಸರ್ಕಾರ ನಡೆಸುತ್ತಿರುವ (ಎಸ್​ಐಆರ್​) ಪರಿಷತ ಮತದಾರರ ಪಟ್ಟಿಯಲ್ಲಿ ಪ್ರಜಾಸತ್ತಾತ್ಮಕ ಮತದಾನದ ಹಕ್ಕಿನಿಂದ ಜನಸಾಮಾನ್ಯರ ಹಕ್ಕು ಕುತಂತ್ರದಿಂದ ಕಿತ್ತುಕೊಳ್ಳಲು ಕೇಂದ್ರ ಸರ್ಕಾರ ಹುನ್ನಾರ ನಡೆಸಿದೆ ಎಂದು ಲೇಖಕ ರಘುನಾಥ ಚ.ಹ ಹೇಳಿದರು.

ಗುಲ್ಬರ್ಗ ವಿಶ್ವವಿದ್ಯಾಲಯದ ಕನ್ನಡ ಅಧ್ಯಯನ ಸಂಸ್ಥೆಯ ಹರಿಹರ ಸಭಾಂಗಣದಲ್ಲಿ ಕಲಾ ನಿಕಾಯದ ಡೀನ್​ ಪ್ರೊ.ಎಚ್​.ಟಿ.ಪೋತೆಯವರ ವರ್ತಮಾನದ ವಿವೇಚನೆಯ ದಿಕ್ಕುಗಳು ಕೃತಿ ಬುಧವಾರ ಲೋಕಾರ್ಪಣೆಗೊಳಿಸಿ ಮಾತನಾಡಿದರು.

ಅಂಬೇಡ್ಕರ್​ ನಮಗೆ ಆದರ್ಶ ಎಂದು ಹೇಳುತ್ತ, ಅಂಬೇಡ್ಕರ್​ ಅವರ ಪ್ರಗತಿಪರ ವಿಚಾರ, ಸಿದ್ಧಾಂತದ ವಿರುದ್ದವಾಗಿ ನಡೆಯುತ್ತಿರುವ ವಿದ್ಯಮಾನಗಳು ತಲ್ಲಣವುಂಟುಮಾಡುತ್ತಿವೆ. ವಿಮೋಚನೆಯ ದಿಕ್ಕುಗಳನ್ನು ತೋರುವಂತಹ ವಿಚಾರಧಾರೆಗಳೇ ಇಲ್ಲಿ ಮುಖ್ಯವೆನಿಸುತ್ತವೆ. ಗಾಂಧಿ-ಅಂಬೇಡ್ಕರ್​ ವಿಚಾರಧಾರೆಗಳೇ ವರ್ತಮಾನದ ದಿಕ್ಕು-ದೆಸೆಗಳಾಗಬೇಕಿದೆ ಎಂಬ ಮೌಲಿಕ ವಿಚಾರಗಳು ಈ ಪ್ರೊ.ಪೋತೆ ಕೃತಿಗಳಲ್ಲಿ ಮೂಡಿಬಂದಿವೆ. ಪ್ರತಿಮೆ, ರೂಪಕಗಳನ್ನು ಕಲಾತ್ಮಕವಾಗಿ ವಿವೇಚನೆಯಿಂದ ದುಡಿಸಿಕೊಂಡಿದ್ದಾರೆ. ಜ್ಯೋತಿಬಾ ಫುಲೆ-ಸಾವಿತ್ರಿಬಾಯಿ ಫುಲೆ, ಶಾಹೂ-ನಾಲ್ವಡಿ, ಅಂಬೇಡ್ಕರ್​ ಅವರ ಶಿಕ್ಷಣ ಕುರಿತಾದ ಚಿಂತನೆಗಳು ಶೂದ್ರ-ಅತಿಶೂದ್ರರಿಗೆ ಶಕ್ತಿಯೆಂಬುದು ಪೋತೆಯವರ ಸಾಹಿತ್ಯದಲ್ಲಿ ಹೆಪ್ಪುಗಟ್ಟಿದೆ. ಅವ್ಯಾಜ್ಯ ಅಂತ-ಕರಣದ ಮೂಲಕ ಅನ್ಯಾಯ, ಅಸಮಾನತೆ, ಅವ್ಯವಸ್ಥೆ ಪ್ರಶ್ನಿಸುವ ಚಿಕಿತ್ಸಕ ಮನೋಭಾವ ವ್ಯಕ್ತಗೊಂಡಿದೆ ಎಂದು ಪ್ರತಿಪಾದಿಸಿದರು.

ಈ ಕೃತಿಯಲ್ಲಿ ಮನುಷ್ಯ ಕುಲದ ಪ್ರಾರ್ಥನೆ, ಬಹುತ್ವ ಭಾರತದ ನಿಲುವುಗಳು ಹರಳುಗಟ್ಟಿವೆ. ದಾರ್ಶನಿಕರ ವಿವೇಚನೆ ದಿಕ್ಕುಗಳು, ಇಂದಿನ ಕಾಲಮಾನಕ್ಕೆ ಅಗತ್ಯವೆಂದು ಅಭಿಪ್ರಾಯಪಟ್ಟರು.

ಪೋತೆಯವರು ಡಾ.ಅಂಬೇಡ್ಕರ್​ ಪ್ರೆ ಮರುಸೃಷ್ಟಿಸುತ್ತಿರುವ ಕ್ರಿಯಾಶೀಲ ಬರಹಗಾರರು. ಪ್ರಗತಿಪರ ಚಿಂತನೆ, ಜನಪರ-ಜೀವಪರ, ಮಾನವೀಯ ಮೌಲ್ಯ, ವಿಚಾರಧಾರೆಗಳನ್ನು ಪ್ರಜ್ಞಾಪೂರ್ವಕವಾಗಿ ನಿರೂಪಿಸುತ್ತ ಬರುತ್ತಿದ್ದಾರೆ. ಗಾಂಧಿ-ಅಂಬೇಡ್ಕರ್​ ವಿಚಾರಧಾರೆಗಳನ್ನು ತೌಲನಿಕರಿಸಿ ನೋಡುವಂತಹ ಪ್ರಾಮಾಣಿಕ ಪ್ರಯತ್ನ ಮಾಡುತ್ತಿದ್ಧಾರೆ. ಕಳೆದ ಎರಡು ದಶಕಗಳಿಂದ ಅಂಬೇಡ್ಕರ್​ ಚಿಂತನೆ ಹೊರತುಪಡಿಸಿ ಗಾಂಧಿ ಚಿಂತನೆ ಅಪೂರ್ಣವೆಂದು ಆಶಯ ವ್ಯಕ್ತಪಡಿಸಿದರು.

ಕೃತಿ ಕುರಿತು ಕರ್ನಾಟಕ ಕೇಂದ್ರೀಯ ವಿಶ್ವವಿದ್ಯಾಲಯದ ಪ್ರಾಧ್ಯಾಪಕ ಡಾ.ಕಿರಣ್​ ಗಾಜನೂರ ಮಾತನಾಡಿ, ಸಾಂಸ್ಕೃತಿಕ ರೂಪರೇಷಗಳನ್ನು ತಿದ್ದುವ ಅಗತ್ಯತೆ ಕುರಿತು ಈ ಕೃತಿಮಾತನಾಡುತ್ತಿದೆ. ದಿಕ್ಕೆಟ್ಟ ಸ್ಥಿತಿಗತಿ ಕುರಿತು ಚಿಂತನ ಮಂಥನ ನಡೆದಿದೆ. ಅಂಬೇಡ್ಕರ್​ ಅವರ ಇಜಂ ವಿಚಾರಧಾರೆ ನೈತಿಕ ಮೌಲ್ಯ, ಮಾನವೀಯ ಚಿಂತನೆಗಳನ್ನು ಬದುಕಿನಲ್ಲಿ ಅಳವಡಿಸಿಕೊಳ್ಳಬೇಕಾದ ತುರ್ತಿನ ಕುರಿತು ಪ್ರತಿಪಾದನೆ ಗೊಂಡಿವೆ. ಪ್ರಜ್ಞಾಪೂರ್ವಕ ನೋಡಿದಾಗ ಶಿಕ್ಷಣವೇ ಸಮಾಜ ಸುಧಾರಣೆಗೆ ಮುಲಾಮು ಎಂಬುದು ಗಮನಕ್ಕೆ ಬರುತ್ತದೆ ಎಂದು ಹೇಳಿದರು.

ಕೃತಿ ರಚನೆಕಾರ ಪ್ರೊ.ಎಚ್​.ಟಿ.ಪೋತೆ ಮಾತನಾಡಿ, ಈ ನೆಲದ ಸ್ವಾಯತ್ತ ಪ್ರೆಯ ಕಾರಣದಿಂದ ಶೈಕ್ಷಣಿಕ, ಸಂಘಟನಾತ್ಮಕ ನೆಲೆಯಿಂದ ಸಾಹಿತ್ಯ ಕೃಷಿಯಲ್ಲಿ ತೊಡಗಿಸಿಕೊಂಡೆ. ಅಕ್ಷರ ಜಗತ್ತಿಗೆ ಬಂದ ನಂತರ ಸಿಕ್ಕ ಅವಕಾಶಗಳನ್ನು ಸದ್ವಿನಿಯೋಗಿಸಿಕೊಳ್ಳಬೇಕು. ಬರಹಕ್ಕೆ ಪ್ರೊತ್ಸಾಹಿಸಿ, ಗುರುತಿಸಿ, ಮತ್ತಷ್ಟು ಪ್ರೇರಣೆ ನೀಡಿರುವ ಪತ್ರಿಕೆಯ ಅಂಕಣ ಬರಹಗಳನ್ನು ವೈಚಾರಿಕವಾಗಿ ವಿಶ್ಲೇಷಿಸುವ ನೋಟ ಇಲ್ಲಿ ನಿರೂಪಣೆಗೊಂಡಿವೆ. ಜನಪರ, ಪ್ರಗತಿಪರ, ಜೀವಪರ, ಮಾನವೀಯ ಮೌಲ್ಯಗಳ ಇಜಂಗಳನ್ನು ಬದುಕಿನಲ್ಲಿ ಅಳವಡಿಸಿಕೊಳ್ಳಬೇಕೆಂಬ ಆಶಯ ವ್ಯಕ್ತಪಡಿಸಿದರು. ಈ

ಅಧ್ಯಕ್ಷತೆ ವಹಿಸಿದ್ದ ಕುಲಪತಿ ಪ್ರೊ.ಶಶಿಕಾಂತ ಉಡಿಕೇರಿ ಮಾತನಾಡಿ, ಕನ್ನಡ ಅಧ್ಯಯನ ಸಂಸ್ಥೆ ಯಾವಾಗಲು ವಿದ್ಯಾರ್ಥಿಗಳ, ವಿಶ್ವವಿದ್ಯಾಲಯ, ಸಮಾಜಕ್ಕೆ ಪೂರಕವಾಗುವ ಕಾರ್ಯಚಟುವಟಿಕೆ ನಡೆಸುತ್ತಿದೆ. ಪ್ರೊ.ಪೋತೆಯವರ ಬರಹದ ವಿವೇಚನೆಯ ಚಿಂತನೆಗಳು ಮೌಲಿಕವಾಗಿವೆ. ಅಂಬೇಡ್ಕರ್​ ಅವರ ಸದೃಢಭಾರತದ ನಿರ್ಮಾಣಕ್ಕೆ ಬೇಕಾಗುವ ನೈತಿಕ ಮೌಲ್ಯಗಳು ಬದುಕಿನಲ್ಲಿ ಅಳವಡಿಸಿಕೊಳ್ಳುವ ರೀತಿಯಲ್ಲಿವೆ ಎಂದರು.

ವಿಶೇಷಾಧಿಕಾರಿ ಪ್ರೊ.ರಮೇಶ ರಾಠೋಡ ಅತಿಥಿಯಾಗಿದ್ದರು. ಸಂದರ್ಶಕ ಪ್ರಾಧ್ಯಾಪಕ ಡಾ.ಸೂರ್ಯಕಾಂತ ಸುಜ್ಯಾತ್​, ಅಪ್ಪಾರಾವ್​ ಅಕ್ಕೋಣಿ, ಪ್ರೊ.ಈಶ್ವರ್​ ಇಂಗನ್​, ಪ್ರೊ.ವಿ.ಆರ್​.ಬಡಿಗೇರ್​, ಪ್ರೊ.ಕೆ.ಎಸ್​.ಬಂಧು, ಡಾ.ಎಂ.ಬಿ.ಕಟ್ಟಿ, ಡಾ.ಹಣಮಂತ ಮೇಲಕೇರಿ ಇತರರಿದ್ದರು.

ಡಾ.ಸಂತೋಷಕುಮಾರ ಕಂಬಾರ ಸ್ವಾಗತಿಸಿದರು, ಸಿದ್ದಾರ್ಥ ಚಿಮ್ಮಾಇದ್ಲಾಯ ವಂದಿಸಿದರು, ಡಾ.ಕಿರಣ ವಲ್ಲೇಪುರೆ ನಿರೂಪಿಸಿದರು.

"

ಪ್ರೊ.ಪೋತೆಯವರ ಬರಹ ಸಮಾಜದ ಜವಾಬ್ದಾರಿತನದ ಕುರಿತು ಅಕ್ಷರ ರೂಪಕ್ಕೆ ಇಳಿದಿವೆ. ಡಾ.ಅಂಬೇಡ್ಕರ್​ ಅವರಿಂದಾಗಿಯೇ ಅಭಿವ್ಯಕ್ತಿ ಸ್ವಾತಂತ್ರ್ಯ ಸಂವಿಧಾನಾತ್ಮಕವಾಗಿ ದೊರಕಿವೆ. ಅದನ್ನು ಅರಿತುಕೊಂಡು ಅಭಿವ್ಯಕ್ತಿಸುವ ನಾಗರಿಕರಾಗಬೇಕು.

— ಪ್ರೊ.ಶಶಿಕಾಂತ ಉಡಿಕೇರಿ, ಕುಲಪತಿ, ಗುಲ್ಬರ್ಗ ವಿವಿ.