ಆದಿಜಾಂಬವ ಕುಲಸ್ಥರಿಂದ ಆವಣಿಗೆ ಯಾತ್ರೆ Adijambava

ಪಟ್ಟಣದಲ್ಲಿ ಆದಿಜಾಂಬವ ಚಾರಿಟಬಲ್​ ಟ್ರಸ್ಟ್​ ಮತ್ತು ಸೇವಾ ಸಮಿತಿ ಸಹಯೋಗದಲ್ಲಿ ಮಾದಿಗ ಸಮುದಾಯದಿಂದ ಹಮ್ಮಿಕೊಂಡಿದ್ದ ಆದಿಜಾಂಬವ ಜಯಂತಿಯಲ್ಲಿ ಮಾತನಾಡಿದರು.

ಸರ್ಕಾರದ ಆದೇಶದಂತೆ ಸತತವಾಗಿ 7 ವರ್ಷಗಳಿಂದ ಆದಿಜಾಂಬವ ಜಯಂತಿ ಆಚರಿಸುತ್ತಾ ಬಂದಿದ್ದೇವೆ. ಆವಣಿಯಲ್ಲಿ ಸೀತಾಮಾತೆ ಅರಣ್ಯವಾಸ, ಲವಕುಶರ ಜನನವಾಗಿದ್ದು, ಅವರು ನಡೆದು ಓಡಾಡಿದ ಹೆಜ್ಜೆ&ಗುರುತುಗಳನ್ನು ಆವಣಿ ಬೆಟ್ಟದಲ್ಲಿ ಇಂದಿಗೂ ಕಾಣಬಹುದು ಎಂದರು.

ಪ್ರವಾಸಿ ಮಂದಿರದಿಂದ ಎಂ.ಜಿ.ರಸ್ತೆಯ ಮೂಲಕ ಮುಳಬಾಗಿಲು ವೃತ್ತದವರೆಗೂ ಬೆಳ್ಳಿ ರಥಗಳು, ಡೊಳ್ಳು ಕುಣಿತದ ಜತೆಗೆ ಮಹಿಳೆಯರು ಪೂರ್ಣಕುಂಭ ಕಳಶಗಳನ್ನು ಹೊತ್ತು ಮೆರವಣಿಗೆಯೊಂದಿಗೆ ಹೆಜ್ಜೆ ಹಾಕಿದರು. ತಾಲೂಕು ಕಚೇರಿ ಮುಂಭಾಗದ ಡಾ.ಬಿ.ಆರ್​.ಅಂಬೇಡ್ಕರ್​ ಪುತ್ಥಳಿಗೆ ಮಾಲಾರ್ಪಣೆ ಸಲ್ಲಿಸಿ ಆವಣಿಗೆ ಪ್ರಯಾಣ ಬೆಳೆಸಿದರು.