ಸಿದ್ದಾಪುರದಲ್ಲಿ ಮನಮೋಹಕ ಕಾಮನಬಿಲ್ಲು

ಸಂಜೆ ವೇಳೆಯಲ್ಲಿ ಸುರಿದ ಮಳೆಯ ಬಳಿಕ ಸೂರ್ಯನ ಕಿರಣ ಮೋಡಗಳ ನಡುವೆ ಹರಿದಾಗ ಆಕಾಶದಲ್ಲಿ ಅರ್ಧವೃತ್ತಾಕಾರವಾಗಿ ಮೂಡಿದ ವರ್ಣರಂಜಿತ ಕಾಮನಬಿಲ್ಲು ಪ್ರಕೃತಿ ಪ್ರಿಯರನ್ನು ಆಕರ್ಷಿಸಿತು. ಪಟ್ಟಣದ ಹಲವೆಡೆಗಳಿಂದ ಸ್ಪಷ್ಟವಾಗಿ ಗೋಚರಿಸಿದ ಕಾಮನಬಿಲ್ಲಿನ ದೃಶ್ಯವನ್ನು ಜನರು ತಮ್ಮ ಮೊಬೈಲ್‌ಗಳಲ್ಲಿ ಸೆರೆಹಿಡಿದು ಸಾಮಾಜಿಕ ಜಾಲತಾಣಗಳಲ್ಲಿ ಹಂಚಿಕೊಂಡರು.

ಹಸಿರು ಬೆಟ್ಟಗಳು, ತೆಂಗಿನ ಮರಗಳು ಹಾಗೂ ಮೋಡಗಳ ನಡುವೆ ಮೂಡಿದ ಕಾಮನಬಿಲ್ಲು ಸಿದ್ದಾಪುರದ ಪ್ರಕೃತಿ ಸೌಂದರ್ಯವನ್ನು ಮತ್ತಷ್ಟು ಹೆಚ್ಚಿಸಿತು. ಕೆಲಕಾಲ ಮಾತ್ರ ಕಾಣಿಸಿಕೊಂಡ ಈ ಅಪರೂಪದ ದೃಶ್ಯ ಸ್ಥಳೀಯರಿಗೆ ಸಂತಸವನ್ನುಂಟು ಮಾಡಿತು.