ಸತತ ಪರಿಶ್ರಮದಿಂದ ಭವಿಷ್ಯ ಉಜ್ವಲ Hosadiganta Programme

ಪಟ್ಟಣದ ಸರ್ಕಾರಿ ಪ್ರಥಮ ದರ್ಜೆ ಕಾಲೇಜಿನ ಐಕ್ಯೂಎಸಿಯಿಂದ ಹಮ್ಮಿಕೊಂಡಿದ್ದ ಹೊಸದಿಗಂತ ಕಾರ್ಯಕ್ರಮ ಉದ್ಘಾಟಿಸಿ ಮಾತನಾಡಿ, ಐಕ್ಯೂಎಸಿ ಸಂಚಾಲಕ ಡಾ.ಟಿ.ಎನ್​.ನರಸಿಂಹಮೂರ್ತಿ ಮಾತನಾಡಿ, ಕಾಲೇಜು ಶಿಕ್ಷಣ ಇಲಾಖೆಯ ಮಹತ್ವಾಕಾಂಕ್ಷೆಯ ಹೊಸದಿಗಂತ ಕಾರ್ಯಕ್ರಮವು ಪ್ರಥಮ ವರ್ಷದ ಪದವಿ ವಿದ್ಯಾರ್ಥಿಗಳನ್ನು ಭವಿಷ್ಯದ ಸವಾಲುಗಳಿಗೆ ಅಣಿಗೊಳಿಸುವ 6 ದಿನಗಳ ಕಾರ್ಯಕ್ರಮವಾಗಿದೆ. ಆದುದರಿಂದ ವಿದ್ಯಾರ್ಥಿಗಳು ಕಲಿಕೆಯತ್ತ ಚಿತ್ತ ಹರಿಸಿ, ಸಮಯ ಪಾಲನೆ, ಆತ್ಮವಿಶ್ವಾಸದ ಭರವಸೆಯಿಂದ ಮುನ್ನಡೆಯಿರಿ. ಕನಸುಗಳಿಲ್ಲದ ಜೀವನ ವ್ಯರ್ಥ, ಆದುದರಿಂದ ಕನಸುಕಟ್ಟಿ ಅಧ್ಯಯನಶೀಲರಾಗಿ ಎಂದರು.

ಪ್ರಾಂಶುಪಾಲ ಪ್ರೊ.ರಾಮಾಂಜನಪ್ಪ ಮಾತನಾಡಿ, ಪ್ರೌಢ ಶಿಕ್ಷಣ ಮುಗಿಸಿ ಪದವಿ ಅಧ್ಯಯನಕ್ಕೆ ಬರುವ ಹದಿಹರೆಯದ ಯುವಜನರು, ಸಾಮಾಜಿಕ ವ್ಯಾಮೋಹಗಳಿಗೆ ಬಲಿಯಾಗದೇ ತಮ್ಮ ಜವಾಬ್ದಾರಿ ಅರಿಯಿರಿ ಎಂದರು.

ಡಾ.ರಾಧಾಕೃಷ್ಣ, ಡಾ.ರಾಧಾ, ಅನಿತಲಕ್ಷಿ$್ಮ, ಡಾ.ಮೋಹನಕುಮಾರ್​, ಸತೀಶಕುಮಾರ್​, ಐ.ಕೆ.ರಂಜನ, ವಾಣಿಜ್ಯಶಾಸ್ತ್ರ ಸಹಾಯಕ ಪ್ರಾಧ್ಯಾಪಕ ಡಾ.ಸಿ.ಜಿ.ನಾಗಮಣಿ ಇದ್ದರು.