ಪ್ರಾಥಮಿಕ ಕೃಷಿ ಪತ್ತಿಗೆ 74 ಲಕ್ಷ ಆದಾಯ

ಸಂಘದ ಆವರಣದಲ್ಲಿ ಇತ್ತೀಚೆಗೆ ಆಯೋಜಿಸಿದ್ದ ಸರ್ವ ಸದಸ್ಯರ ವಾರ್ಷಿಕ ಸಾಮಾನ್ಯ ಸಭೆಯಲ್ಲಿ ಮಾತನಾಡಿದ ಅವರು, ಸಂಘದಲ್ಲಿ 1,764 ಷೇರುದಾರರಿದ್ದು, ವಾರ್ಷಿಕ ವಹಿವಾಟು 113 ಕೋಟಿ ರೂ. ಇದೆ. 74 ಲಕ್ಷ ರೂ. ಆದಾಯ ಗಳಿಸಿರುವುದರಿಂದ ವೈಯಕ್ತಿಕ ಲಾಭ ಬಯಸದೆ ಸಂಘವನ್ನು ರಾಜ್ಯದಲ್ಲಿಯೇ ಸಂಘವನ್ನು ಮಾದರಿಯಾಗಿಸಲು ಎಲ್ಲರೂ ದೃಢ ನಿರ್ಧಾರ ಕೈಗೊಳ್ಳಬೇಕು ಎಂದರು.

ರೈತರಿಗೆ ಅಲ್ಪಾವಧಿ ಸಾಲವಾಗಿ ಸಂಘದ ಸ್ವಂತ ಬಂಡವಾಳದಿಂದ ಸ್ವಂತ ಸಾಲ 8.36 ಕೋಟಿ ರೂ., ಆಭರಣ ಸಾಲ 13.86 ಕೋಟಿ ರೂ. ನೀಡಲಾಗಿದೆ. ಹೈನುಗಾರಿಕೆ, ಕೃಷಿ ಚಟುವಟಿಕೆಗಾಗಿ ರೈತರಿಗೆ ಯಾವುದೇ ಬ್ಯಾಂಕ್ ಸಹಾಯವಿಲ್ಲದೆ ಸ್ವಾಯತ್ತತೆ ಬ್ಯಾಂಕ್ ಆಗಿ ಸಾಲ ನೀಡಿದೆ. ಸಂಘದಿಂದ ಸಮುದಾಯ ಭವನ, ಬ್ಯಾಂಕ್, ನ್ಯಾಯಬೆಲೆ ಅಂಗಡಿ ಸ್ಥಾಪಿಸಲಾಗಿದೆ ಎಂದರು.

ಸಂಘದ ಸಿಇಒ ಕೆ.ಆರ್.ಪುಟ್ಟರಾಜು ಮಾತನಾಡಿ, ರೈತರಿಗೆ ರಸಗೊಬ್ಬರ, ಹಾರ್ಡ್‌ವೇರ್, ಜೆರಾಕ್ಸ್ ಅಂಗಡಿ, ವಾಣಿಜ್ಯ ಮಳಿಗೆ, ಇ-ಸ್ಟಾಂಪ್, ಪಹಣಿಯಂತಹ ಸೌಲಭ್ಯ ಕಲ್ಪಿಸಿದೆ. ಡಿಸಿಸಿ ಬ್ಯಾಂಕ್‌ನಲ್ಲಿ ಆಪತ್‌ಧನ ನಿಧಿಯಾಗಿ 3.50 ಕೋಟಿ ರೂ. ಹಾಗೂ 5.60 ಕೋಟಿ ರೂ. ದೀರ್ಘಾವಧಿ ಠೇವಣಿ ಇಡಲಾಗಿದೆ. ಸದಸ್ಯರಿಂದ ಒಟ್ಟು ಠೇವಣಿ 26.79ಕೋಟಿ ರೂ. ಸಂಗ್ರಹವಾಗಿದ್ದು, ಷೇರುದಾರರಿಗೆ ಒಟ್ಟು ಸಾಲ 22.14 ಕೋಟಿ ರೂ. ನೀಡಲಾಗಿದೆ ಎಂದು ಮಾಹಿತಿ ನೀಡಿದರು.

ಕಳೆದ ಸಾಲಿನ ಲೆಕ್ಕಪತ್ರ ಮಂಡನೆ, ಪ್ರಸಕ್ತ ಸಾಲಿನ ಅಂದಾಜು ವೆಚ್ಚಕ್ಕೆ ಅನುಮೋದನೆ ಪಡೆಯಲಾಯಿತು. ಸಂಘದ ಮುಂದಿನ ಅಭಿವೃದ್ಧಿ ಕುರಿತು ಸಭೆಯಲ್ಲಿ ಷೇರುದಾರರು, ರೈತರು ಚರ್ಚಿಸಿದರು. ಉಪಾಧ್ಯಕ್ಷ ಕೆ.ಎಂ.ಅಕ್ಷಯ್, ಜಿಲ್ಲಾ ಸಹಕಾರ ಒಕ್ಕೂಟದ ನಿರ್ದೇಶಕ ಡಿ.ಎಂ.ಮಹೇಂದ್ರ, ನಿರ್ದೇಶಕರಾದ ಕೆ.ಎಲ್.ಪುಟ್ಟರಾಜು, ಪಾಪೇಗೌಡ, ಕೋಮಲಾ, ನೀಲಾಮಣಿ, ಕೆ.ಎಂ.ಮುರುಳೀಧರ, ಕೆ.ಜೆ.ಮಂಜುನಾಥ್, ಕೆ.ಎಸ್.ಶಿವರಾಮಯ್ಯ, ಉಪವ್ಯವಸ್ಥಾಪಕಿ ಭಾರತಿ, ಸಿಬ್ಬಂದಿ ಕೆ.ಎನ್.ಬಾಬು, ನರಸಿಂಹ, ಶೋಭಾ, ಸುಮಿತ್ರಾ, ಮಮತಾ, ಆಶಾ, ಮಂಗಳಗೌರಿ, ವೆಂಕಟೇಶ್, ಮಲ್ಲಿಕಾ ಇದ್ದರು.