ಎನ್​ಆರ್​ಇಜಿ ಆ್ಯಕ್ಷನ್​ ಪ್ಲಾನ್​ಗೆ 10 ದಿನಗಳ ಡೆಡ್​ಲೈನ್​ meeting

ಪಟ್ಟಣದ ಜಿಪಂ ಸಭಾಂಗಣದಲ್ಲಿ ಹಮ್ಮಿಕೊಂಡಿದ್ದ ಎನ್​ಆರ್​ಇಜಿ ಅಧಿಕಾರಿಗಳ ಸಭೆಯಲ್ಲಿ ಮಾತನಾಡಿ, ಹೆಚ್ಚು ಆಕ್ಷನ್​ ಪ್ಲಾನ್​ ಮಾಡಿಕೊಂಡರೆ ಕೆಲಸ ಮಾಡಲು ಅನುಕೂಲವಾಗಲಿದೆ. ಈ ಹಿಂದೆ ಮಧುಗಿರಿ ಎನ್​ಆರ್​ಇಜಿಯಲ್ಲಿ ಪ್ರಥಮ ಸ್ಥಾನದಲ್ಲಿತ್ತು. ಇದು ಮತ್ತೆ ಮರುಕಳಿಸಬೇಕು. ಎಲ್ಲ ಪಿಡಿಒಗಳು, ಆಡಳಿತಾಧಿಕಾರಿಗಳು ಇದರ ಬಗ್ಗೆ ಗಮನಹರಿಸಬೇಕು. ಮುಂದಿನ ಶುಕ್ರವಾರದ ಒಳಗೆ ಎಲ್ಲರೂ ಆಕ್ಷನ್​ ಪ್ಲಾನ್​ ನೀಡಿರಬೇಕು. ಅಂದು ಮಧ್ಯಾಹ್ನ 3 ಗಂಟೆಗೆ ಸಭೆ ನಡೆಸಲಿದ್ದು, ಏನೇ ಸಮಸ್ಯೆಗಳಿದ್ದರೂ ಗಮನಕ್ಕೆ ತಂದಲ್ಲಿ ಸಮಸ್ಯೆ ಬಗೆಹರಿಸಲು ಕ್ರಮ ಕೈಗೊಳ್ಳಲಾಗುವುದು ಎಂದು ಸೂಚನೆ ನೀಡಿದರು.

2013&-14ರಲ್ಲಿ ಎನ್​ಆರ್​ಇಜಿಯಲ್ಲಿ ತಾಲೂಕು ರಾಜ್ಯದಲ್ಲೇ ಪ್ರಥಮ ಸ್ಥಾನದಲ್ಲಿತ್ತು. ಅದೇ ಪರಿಸ್ಥಿತಿ ಮತ್ತೆ ನಿಮಾರ್ಣವಾಗಬೇಕು. ಪ್ರತಿ ವರ್ಷ ನಮ್ಮ ತಾಲೂಕು ಪ್ರಥಮ ಸ್ಥಾನದಲ್ಲಿರಬೇಕು. ಆ ರೀತಿ ಕೆಲಸ ನಿರ್ವಹಿಸಿ ಎಂದರು.

ಎಲ್ಲೆಲ್ಲಿ ಮೀನುಗಾರಿಕೆ ಕೈಗೊಳ್ಳಲು ಅನುಕೂಲಗಳಿವೆಯೋ ಅಲ್ಲೆಲ್ಲ ಮೀನುಗಾರಿಕೆ ಮಾಡಲು ಅವಕಾಶ ಮಾಡಿಕೊಡಿ ಎಂದು ಶಾಸಕರು ಮೀನುಗಾರಿಕೆ ಇಲಾಖೆಯ ದಾದಾಪೀರ್​ಗೆ ಸೂಚನೆ ನೀಡಿದಾಗ, ಡಿಮ್ಯಾಂಡ್​ ಇಲ್ಲ ಎಂದು ಮೀನುಗಾರಿಕೆ ಇಲಾಖೆಯ ಅಧಿಕಾರಿ ದಾದಾಪೀರ್​ ತಿಳಿಸಿದರು. ಇದಕ್ಕೆ ಅಸಮಾಧಾನ ವ್ಯಕ್ತಪಡಿಸಿದ ಶಾಸಕರು, ಹಾಗಾದರೆ ನೀವು ಏಕೆ ಬೇಕು, ನಿಮ್ಮ ಇಲಾಖೆ ಏಕೆ ಬೇಕು. ಸುಮ್ಮನೆ ಸಂಬಳ ತೆಗೆದುಕೊಂಡು ಹೋಗುವುದಲ್ಲ. ಹೊಸ ಹೊಸ ಕೆಲಸಗಳನ್ನು ಸೃಷ್ಟಿಸಿ ಕೆಲಸ ಮಾಡಿ ಎಂದು ಸೂಚನೆ ನೀಡಿದರು.

ಎಡಿ ಧನಂಜಯ್​, ತೋಟಗಾರಿಕೆ ಇಲಾಖೆಯ ಶಶಿಧರ್​, ವಲಯ ಅರಣ್ಯಾಧಿಕಾರಿ ಸುರೇಶ್​, ಸಾಮಾಜಿಕ ಅರಣ್ಯ ಇಲಾಖೆಯ ಶೈಲಜಾ, ರೇಷ್ಮೆ ಇಲಾಖೆಯ ಸಹಾಯಕ ನಿರ್ದೇಶಕ ಮೋಹನ್​ ಸಿಡಿಪಿಒ ಕುಮಾರ್​ ನಾಯ್ಕ, ಮೀನುಗಾರಿಕೆ ಇಲಾಖೆಯ ದಾದಾಪೀರ್​, ಎಂ.ಐ ಇಲಾಖೆಯ ಮಂಜು ಕಿರಣ್​, ಕೃಷಿ ಇಲಾಖೆ ಉಪ ನಿರ್ದೇಶಕ ಇಂದ್ರ ಕುಮಾರ್​, ಬಿಇಒ ಹನುಮಂತರಾಯಪ್ಪ ಇತರರಿದ್ದರು.