ಥಳಿಸಿ ಹೊರಹಾಕಿದ ಬೌನ್ಸರ್ಸ್!: ಶನಿವಾರ (ಜ.26) ರಾತ್ರಿ 10.20ರಲ್ಲಿ ಭಾರ್ಗವ್ ಮತ್ತು ಆತನ ಸ್ನೇಹಿತರಾದ ಸಂಕಲ್ಪ್, ಧೀರಜ್, ಸಾಹೀ ರೋಹಿತ್ ಲಲಿತ್ ಅಶೋಕ್ ಹೋಟೆಲ್ನಲ್ಲಿ ಪಾರ್ಟಿಗೆ ಹೋಗಿದ್ದರು. ರಾತ್ರಿ ಅಲ್ಲಿಯೇ ಊಟ ಮುಗಿಸಿ ಡಿಜೆ ಮ್ಯೂಸಿಕ್ ನೃತ್ಯದಲ್ಲಿ ಪಾಲ್ಗೊಂಡಿದ್ದರು. ಅದೇ ವೇಳೆ ಯುವಕರ ಮತ್ತೊಂದು ಗುಂಪು ಕುಡಿದ ಮತ್ತಿನಲ್ಲಿ ಭಾರ್ಗವ್ ಮತ್ತು ಆತನ ಸ್ನೇಹಿತರ ಜತೆ ಗಲಾಟೆ ತೆಗೆದಿತ್ತು. ಈ ವಿಚಾರವನ್ನು ಬೌನ್ಸರ್ ಗಮನಕ್ಕೆ ತಂದಿದ್ದರು. ಆದರೆ, ಕಿಡಿಗೇಡಿಗಳ ಮೇಲೆ ಕ್ರಮ ತೆಗೆದುಕೊಳ್ಳಬೇಕಾದ ಬೌನ್ಸರ್ಗಳು, ದೂರು ಕೊಟ್ಟ ಭಾರ್ಗವ್ನನ್ನು ಥಳಿಸಿ ಸ್ನೇಹಿತರ ಜತೆ ಪಾರ್ಟಿಯಿಂದ ಹೊರಹಾಕಿದ್ದಾರೆ. ಬಳಿಕ ಹೋಟೆಲ್ ಮ್ಯಾನೇಜರ್ನನ್ನು ಕರೆಸಿ, ನಡೆದ ವಿಚಾರವನ್ನು ತಿಳಿಸಿದ್ದಾರೆ. ‘ನಮ್ಮದು ತಪ್ಪಿಲ್ಲದಿದ್ದರೂ ಬೌನ್ಸರ್ ಎಲ್ಲರ ಮುಂದೆ ಥಳಿಸಿ ಹೊರಹಾಕಿದ್ದಾನೆ. ಆತನನ್ನು ಕರೆಸಿ ಕ್ಷಮೆಯಾಚಿಸುವಂತೆ ಒತ್ತಾಯಿಸಿದ್ದಾರೆ.
