ಐದು ಶತಮಾನದ ಹೋರಾಟದ ಲವಾಗಿ ರಾಮಮಂದಿರ ನಿರ್ಮಾಣವಾಗುತ್ತಿದ್ದು ಈಗಾಗಲೇ ಶ್ರೀರಾಮನಾಮ ಜಪಯಜ್ಞ ಸಮಿತಿಯಿಂದ ಶ್ರೀರಾಮ ಜಪ, ಧ್ಯಾನ ಭಜನೆ, ಆರಾಧನೆ ಹಾಗೂ ಶಾಲಾ, ಕಾಲೇಜುಗಳಲ್ಲಿ ವಿವಿಧ ಸ್ಪರ್ಧೆ ಆಯೋಜಿಸಲಾಗಿತ್ತು. 108 ಬಾರಿ ಶ್ರೀರಾಮ ಜಯರಾಮ ಜಯ ಜಯ ರಾಮ ಮಹಾಮಂತ್ರ ಪಠಣ, ಕರಪತ್ರ ವಿತರಣೆ ಮಾಡಲಾಗಿತ್ತು. ಶಾಲಾ, ಕಾಲೇಜುಗಳಲ್ಲಿ ಶ್ರೀರಾಮನ ಕುರಿತಂತೆ ರಸಪ್ರಶ್ನೆ, ಭಕ್ತಿ ಗೀತೆ ಸ್ಪರ್ಧೆ, ಪ್ರಬಂಧ ಸ್ಪರ್ಧೆ, ಚಿತ್ರಕಲಾ ಸ್ಪರ್ಧೆ ಹಾಗೂ ಭಜನಾ ಸ್ಪರ್ಧೆ ನಡೆಸಿದ್ದು ಇದೀಗ ಜ.22ರಂದೂ ಜಿಲ್ಲೆಯ ನೂರಾರು ಗ್ರಾಮಗಳ ದೇವಸ್ಥಾನಗಳಲ್ಲಿ ವಿಶೇಷ ಪೂಜೆಗೆ ಸಕಲ ಸಿದ್ಧತೆ ಮಾಡಿಕೊಳ್ಳಲಾಗಿದೆ.
ಬೆಳಗ್ಗೆಯಿಂದ ಪೂಜೆ, ಹೋಮ, ಹವನಗಳನ್ನು ಮಾಡಿಸಲು ದೇವಸ್ಥಾನಗಳ ಕಮಿಟಿಯರು, ಗ್ರಾಮಸ್ಥರು ತಯಾರಿ ಮಾಡಿಕೊಂಡಿದ್ದು ಬೆಳಗ್ಗೆಯಿಂದ ರಾಮನಾಮ ಜಪ ಮೊಳಗಲಿದೆ. ಗ್ರಾಮದೇವತೆ ಕೋಟೆ ಶ್ರೀ ಚಂಡಿಕಾ ದುರ್ಗಾಪರಮೇಶ್ವರಿ ದೇವಸ್ಥಾನದಲ್ಲಿ ಜ.22ರಂದು ಬೆಳಗ್ಗೆ 10ರಿಂದ ಲೋಕಕಲ್ಯಾಣಾರ್ಥ ಶ್ರೀರಾಮ ಪೂಜೆ, ಭಜನೆ, ಮೂಲರಾಮಯಣ ಪಾರಾಯಣ, ರಾಮತಾರಕ ಮಂತ್ರ ಜಪ ಇತ್ಯಾದಿ ಕಾರ್ಯಕ್ರಮಗಳನ್ನು ನೆರವೇರಿಸಲಿವೆ. ಅಚಿಂತ್ಯಾ ಭಜನಾ ಮಂಡಳಿಯಿಂದ ವಿಶೇಷ ಭಜನಾ ಕಾರ್ಯಕ್ರಮ ಕೂಡ ಇರಲಿದೆ.
