ರಥೋತ್ಸವ: ಫೆ. 22ರಂದು ಅಣಿವೀರಭದ್ರೇಶ್ವರರ ಗದ್ದುಗೆಗೆ ವಿಶೇಷ ಪೂಜೆ, ರಾತ್ರಿ ವಿವಿಧ ಗ್ರಾಮಗಳ ಭಕ್ತ ರಿಂದ ಶಿವಭಜನೆ ಜರುಗಲಿದೆ. 23ರಂದು ಬೆಳಗ್ಗೆ ರುದ್ರಾಭಿಷೇಕ, ಸಂಜೆ ಅಗ್ನಿಪೂಜೆ, ಪ್ರಸಾದ ವಿತರಣೆ. ರಾತ್ರಿ ದೇವರ ಪಲ್ಲಕ್ಕಿ ಉತ್ಸವ, ಪುರವಂತರೊಂದಿಗೆ ಭಕ್ತರ ಅಗ್ನಿಪ್ರವೇಶ ನಡೆಯಲಿದೆ. 24ರಂದು ಸಂಜೆ ಕೋರವಾರ ಗ್ರಾಮದಿಂದ ಹೊರಡುವ ಭವ್ಯ ಮೆರವಣಿಗೆ 4 ಕಿ.ಮೀ. ಕ್ರಮಿಸಿ ದೇವಸ್ಥಾನಕ್ಕೆ ಬಂದು ತಲುಪುತ್ತದೆ. ರಾತ್ರಿ ರಥೋತ್ಸವ ಕಾರ್ಯಕ್ರಮವಿದೆ. ನಂತರ ಕಲಾವಿದರಿಂದ ಶಿವಭಜನೆ, ಸಂಗೀತ, ಕೀರ್ತನೆ, ಗೀಗೀ ಪದ ಸೇರಿ ಸಾಂಸ್ಕೃತಿಕ, ಆಧ್ಯಾತ್ಮಿಕ ಕಾರ್ಯಕ್ರಮಗಳು ಸಾಗಲಿವೆ. 25ರಂದು ಪೈಲ್ವಾನರಿಂದ ಜಂಗಿಕುಸ್ತಿಗಳು ನಡೆಯಲಿವೆ. ಕರ್ನಾಟಕ ಮಾತ್ರವಲ್ಲದೆ ನೆರೆಯ ತೆಲಂಗಾಣ, ಆಂಧ್ರಪ್ರದೇಶ ಮತ್ತು ಮಹಾರಾಷ್ಟ್ರಗಳಿಂದಲೂ ಸಾವಿರಾರು ಭಕ್ತರು ಇಲ್ಲಿಗೆ ಭೇಟಿ ನೀಡುತ್ತಾರೆ.
