ಅನಾರೋಗ್ಯ ರಜೆ ಕೇಳುವ ನೌಕರರ ಮೇಲೆ ಕಂಪನಿಗಳಿಂದ ಬೇಹುಗಾರಿಕೆ; ವರ್ಷಕ್ಕೆ 40-100 ದಿನಗಳ ಸಿಕ್ ಲೀವ್

ಬರ್ಲಿನ್: ಅನಾರೋಗ್ಯಕ್ಕೀಡಾಗಿ ರಜೆ (ಸಿಕ್ ಲೀವ್) ಕೇಳುವ ಉದ್ಯೋಗಿಗಳ ಮೇಲೆ ಜರ್ಮನಿಯ ಕಂಪನಿಗಳು ಬೇಹುಗಾರಿಕೆ ನಡೆಸುತ್ತಿವೆ ಎಂದು ‘ಸೌತ್ ಚೈನಾ ಮಾರ್ನಿಂಗ್ ಪೋಸ್ಟ್’ ವರದಿ ಮಾಡಿದೆ.

ಸಿಕ್ ಲೀವ್​ಗೆ ಅರ್ಜಿ ಹಾಕುತ್ತಿರುವ ನೌಕರರ ಸಂಖ್ಯೆ ಗಣನೀಯವಾಗಿ ಏರಿರುವುದರಿಂದ ಕಂಪನಿಗಳು ಈ ಕೆಲಸಕ್ಕೆ ಕೈಹಾಕಿವೆ. ಕೆಲವು ಕಂಪನಿಗಳಲ್ಲಿ ಉದ್ಯೋಗಿಗಳು ಒಂದು ವರ್ಷದಲ್ಲಿ 40ರಿಂದ 100 ದಿನಗಳ ಸಿಕ್ ಲೀವ್​ಗೆ ಅರ್ಜಿ ಹಾಕಿದ್ದಾರೆ.

ಆರ್ಥಿಕ ಸಹಕಾರ ಮತ್ತು ಅಭಿವೃದ್ಧಿ ಸಂಸ್ಥೆ (ಒಇಸಿಡಿ) ಕಲೆ ಹಾಕಿರುವ ಮಾಹಿತಿ ಪ್ರಕಾರ, 2023ರಲ್ಲಿ ಸರಾಸರಿ ಶೇ. 6.8ರಷ್ಟು ಕೆಲಸದ ಅವಧಿಯನ್ನು ನೌಕರರು ಅನಾರೋಗ್ಯದಿಂದಾಗಿ ತಪ್ಪಿಸಿದ್ದಾರೆ. ಈ ಪ್ರಮಾಣವು ಫ್ರಾನ್ಸ್, ಇಟಲಿ, ಸ್ಪೇನ್​ನಲ್ಲಿ ಇರುವುದಕ್ಕಿಂತ ಹೆಚ್ಚಾಗಿದೆ.

ಈಗಾಗಲೇ ಉತ್ಪಾದನೆಯಲ್ಲಿ ಹಿಂದೆ ಬಿದ್ದಿರುವ ಮತ್ತು ರಫ್ತು ಬೇಡಿಕೆ ಇಳಿಕೆಯಿಂದ ಸಮಸ್ಯೆಗೀಡಾಗಿರುವ ಜರ್ಮನಿ ಕಂಪನಿಗಳು ನೌಕರರ ಈ ಪ್ರವೃತ್ತಿಯಿಂದಾಗಿ ಕಂಗೆಟ್ಟಿವೆ. ನೌಕರರು ಹೇಳುತ್ತಿರುವುದು ಸತ್ಯವೋ ಸುಳ್ಳೋ ಎಂಬುದನ್ನು ಅರಿಯಲು ಬೇಹುಗಾರಿಕೆ ಸಂಸ್ಥೆಗಳ ನೆರವು ಪಡೆಯುತ್ತಿವೆ ಎಂದು ವರದಿಯಾಗಿದೆ.

https://www.vijayavani.net/pavala-syamala-cries-for-help-from-tollywood-actors