ಪ್ರತಿದಿನವೂ ಹಬ್ಬ!: ಇಂದು ವಿಶ್ವ ಕುಟುಂಬ ದಿನ

ಅವಿಭಕ್ತ ಕುಟುಂಬಗಳ ಅನುಕೂಲದ ಕುರಿತ ಅನುಭವ ಹಂಚಿಕೊಳ್ಳುವಂತೆ ವಿಜಯವಾಣಿ ಆಹ್ವಾನಕ್ಕೆ ನೂರಾರು ಓದುಗರು ಸ್ಪಂದಿಸಿದ್ದಾರೆ. ಅವಿಭಕ್ತ ಕುಟುಂಬವೆಂದರೆ ಒಗ್ಗಟ್ಟಿನಲ್ಲಿ ಬಲವಿದೆ ಎಂಬುದರ ಪ್ರತೀಕ; ಇದರ ಜತೆಗೆ ಒಲವು ಸೇರಿದರೆ ಬದುಕು ಸಂತಸಮಯ; ಏನೇ ಕಷ್ಟ-ನಷ್ಟ ಉಂಟಾದರೂ ಎಲ್ಲರೂ ಸೇರಿ ಎದುರಿಸಿದರೆ ಪರಿಹಾರ ಸುಲಭ ಎಂಬ ಅಭಿಪ್ರಾಯಗಳನ್ನು ವ್ಯಕ್ತಪಡಿಸಿದ್ದಾರೆ. ಆಯ್ದ ಕೆಲ ಬರಹಗಳು ಇಲ್ಲಿವೆ.

ಆರ್ಥಿಕ ಭದ್ರತೆ

| ಶೋಭಾ ತುಮಕೂರು

ಒಗ್ಗಟ್ಟಿನಲ್ಲಿ ಬಲ

ಮೂವತ್ತು ಸದಸ್ಯರಿರುವ ನಮ್ಮ ಕುಟುಂಬವು ಪ್ರೀತಿ, ವಿಶ್ವಾಸ, ಸಹನೆ ನಂಬುಗೆಯ ಅಡಿಪಾಯದ ಮೇಲೆ ನಿಂತಿದೆ. ಹಿರಿಯರ ಮೇಲಿನ ಗೌರವ ಅವರ ರಕ್ಷಣೆಯ ನೆರಳಿನಲ್ಲಿ ಆರಾಮವಾಗಿ ಜೀವಿಸುತ್ತಿರುವ ನಮ್ಮದು ಮುಖ್ಯವಾಗಿ ರೈತಾಪಿ ಕುಟುಂಬ. ಭತ್ತ, ತೆಂಗು, ಕಾಳುಮೆಣಸು, ಅಡಕೆಯೇ ಪ್ರಧಾನ ಬೆಳೆಯಾದ ನಮ್ಮಲ್ಲಿ ವ್ಯಾಪಾರ, ವಾಣಿಜ್ಯಕ್ಕೂ ನೆಲೆಯಿದೆ. ಹಬ್ಬಹರಿದಿನ, ಪ್ರವಾಸ, ಸ್ನೇಹ ಕೂಟ, ಹಿರಿಯರ ದಿನ, ಮದುವೆ, ಮುಂಜಿ, ತೋಟದ ಮನೆ ಊಟ ಹೀಗೆ ಹತ್ತು ಹಲವು ದಿನ ಸಂಭ್ರಮಿಸುತ್ತೇವೆ. ಅವಿಭಕ್ತ ಕುಟುಂಬದಲ್ಲಿ ಮುನಿಸು ಕಲಹಗಳು ಇಲ್ಲವೆಂದಲ್ಲ. ಮುಗ್ಧ ನಗು, ಕ್ಷಮೆಯಾಚನೆ ಒಗ್ಗೂಡಿಸುತ್ತದೆ. ಸಾಮಾಜಿಕ, ಆರ್ಥಿಕ ವಿಷಯದಲ್ಲಿ ನೆರವಾಗುತ್ತೇವೆ.

| ನೀತಾ ಸುಧೀರ್ ದಿವೇಕರ್

ಬಲದ ಜತೆಗೆ ಒಲವು

| ರುದ್ರಗೌಡ ಮತ್ತು ಕುಟುಂಬ, ಗೆಣಕೆಹಾಳು, ಬಳ್ಳಾರಿ ಜಿಲ್ಲೆ

ಸದಾ ಸಂತಸ

| ಶ್ರೀವೇದ ಅಲ್ತಾರು ನೂಜಿ ಯಡ್ತಾಡಿ

ಚೈತನ್ಯಶಕ್ತಿ

| ಸುರೇಶ ಆರ್. ಶೇಣ್ವಿ ಕುಟುಂಬ, ವಿಜಯನಗರ, ಬೆಂಗಳೂರು

ಸಂತಸ ಸಂಭ್ರಮ

ನಮ್ಮದು ಕೂಡು ಕುಟುಂಬ. ಮಕ್ಕಳು ತಪ್ಪು ಮಾಡಿದಾಗ ಹಿರಿಯರು ತಿದ್ದಿ ಬುದ್ಧಿ ಹೇಳುತ್ತಾರೆ. ಹಿರಿಯರು, ಮಕ್ಕಳು, ಮೊಮ್ಮಕ್ಕಳು ಎಲ್ಲರೂ ಜತೆಗೂಡಿ ಹಬ್ಬಗಳನ್ನು ಒಟ್ಟಿಗೆ ಆಚರಿಸಿ ಸಂಭ್ರಮಿಸುತ್ತೇವೆ. ಮಕ್ಕಳಿಗೂ ಒಬ್ಬಂಟಿ ಎನ್ನುವ ಭಾವನೆ ಬರುವುದಿಲ್ಲ. ಇದು ಕುಟುಂಬದ ಮಕ್ಕಳ ನಡುವಿನ ಪ್ರೀತಿ ಮತ್ತು ನಂಬಿಕೆಯನ್ನು ಹೆಚ್ಚಿಸಿ ಬಾಂಧವ್ಯ ಗಟ್ಟಿಗೊಳಿಸುತ್ತದೆ. ಆರ್ಥಿಕ ಜವಾಬ್ದಾರಿಗಳು ಕುಟುಂಬದ ಸದಸ್ಯರಲ್ಲಿ ಹಂಚಿ ಹೋಗುವುದರಿಂದ ಹೆಚ್ಚಿನ ತೊಂದರೆಯಾಗುವುದಿಲ್ಲ. ಮನೆಯಲ್ಲಿ ಏನೇ ಸಮಸ್ಯೆ ಬಂದರೂ ಎಲ್ಲರೂ ಒಟ್ಟಿಗೆ ಕೂತು ಮಾತನಾಡಿ ಪರಿಹಾರ ಕಂಡುಕೊಳ್ಳಬಹುದು. ಮಕ್ಕಳಿಗೆ ಪುಸ್ತಕದ ಜತೆ ಹೊರಗಿನ ಜ್ಞಾನ ಕೂಡ ಲಭಿಸುತ್ತದೆ. ಕೂಡಿ ಆಟವಾಡುವುದು, ಟಿವಿ ನೋಡುವುದು, ರೇಡಿಯೋ ಕೇಳುವುದು, ಹಾಡು ಹೇಳುವುದು ಮುಂತಾದ ಚಟುವಟಿಕೆಗಳನ್ನು ಸಂಭ್ರಮದಿಂದ ಮಾಡುತ್ತೇವೆ. ಕೆಲಸದಲ್ಲಿ ಪರಸ್ಪರ ಸಹಾಯ ಮಾಡುತ್ತೇವೆ. ಅಜ್ಜಿ ನಮಗೆ ರಾಮಾಯಣ, ಮಹಾಭಾರತ ಮತ್ತು ಅನುಭವದ ಕಥೆಗಳನ್ನು ಹೇಳುತ್ತಾರೆ. ತಾತ ನಮಗೆ ಸಾಮಾನ್ಯ ಜ್ಞಾನ ತಿಳಿಸುತ್ತಾರೆ. ಕೆಲಸಕ್ಕೆ ಹೋಗುವವರು ಮಕ್ಕಳನ್ನು ತಮ್ಮವರ ಜತೆ ಬಿಟ್ಟು ಹೋಗುತ್ತಿದ್ದೇವೆ ಎಂದು ಸಮಾಧಾನದಿಂದ ಇರುತ್ತಾರೆ. ಕೂಡು ಕುಟುಂಬದಿಂದ ಬಾಳು ಸಂತೋಷಮಯ.

| ಕಾವ್ಯಶ್ರೀ ಕುಣಿಗಲ್

ಮುಂದಿನ ಪೀಳಿಗೆಗೂ ಅವಶ್ಯ

| ಅನಘಾ ಪುರಾಣಿಕ ಬಸವೇಶ್ವರನಗರ, ಬೆಂಗಳೂರು

ಹೊಂದಾಣಿಕೆ ಮನೋಭಾವ

| ಪರಶಿವಮೂರ್ತಿ ಎನ್.ಪಿ., ನಂಜೀಪುರ, ಮೈಸೂರು ಜಿಲ್ಲೆ

ಹಲವು ಅನುಕೂಲ

ನಾನು ಅವಿಭಕ್ತ ಕುಟುಂಬದ ಸದಸ್ಯಳಾಗಿದ್ದೇನೆ. ಒಟ್ಟಿಗೆ ಬದುಕುವುದರ ಅನುಕೂಲಗಳು ಅದರಲ್ಲೂ ಆರ್ಥಿಕ ಅನುಕೂಲವೇನೆಂದರೆ ಅವಿಭಕ್ತ ಕುಟುಂಬದಲ್ಲಿ ಅಸ್ತಿಯನ್ನು ಸಣ್ಣಸಣ್ಣ ಹಿಡುವಳಿಯಾಗುವುದನ್ನು ತಪ್ಪಿಸಬಹುದಾಗಿದೆ. ಪ್ರತಿಯೊಬ್ಬ ಸದಸ್ಯರ ದುಡಿಮೆ, ಸಹಕಾರದಿಂದ ಆರ್ಥಿಕ ಪ್ರಗತಿ ಸಾಧ್ಯವಾಗುತ್ತದೆ. ಮನೆಯ ಸದಸ್ಯರನ್ನು ಪ್ರತಿ ಹಂತದಲ್ಲೂ ಸಂರಕ್ಷಣೆ ಮಾಡಿಕೊಳ್ಳಬಹುದಾಗಿದೆ. ರೋಗರುಜಿನ, ಸಾವು-ನೋವು, ವೃದ್ಧಾಪ್ಯದಲ್ಲಿ ಎಲ್ಲರೂ ನೆರವು ನೀಡುತ್ತಾರೆ. ತ್ಯಾಗ, ಶಿಸ್ತು, ಸಂಯಮ, ಸಹಕಾರ ಮನೋಭಾವ ಕಲಿಯಬಹುದು.

| ಸುರಿಯಾಬೇಗಂ ಕಕ್ಕೇರಾ, ಯಾದಗಿರಿ ಜಿಲ್ಲೆ

ಕಷ್ಟ ಎದುರಿಸಬಹುದು

ಒಟ್ಟಿಗೆ ಇರುವುದರಿಂದ ಯಾವುದೇ ರೀತಿಯ ಕೆಲಸಗಳನ್ನು ಹಂಚಿಕೊಂಡು ಮಾಡುವುದರಿಂದ ಆ ಕೆಲಸ ಬೇಗ ಮುಗಿಯಬಹುದು. ಒಬ್ಬರಿಗೊಬ್ಬರು ಅನ್ಯೋನ್ಯವಾಗಿದ್ದರೆ ಅಂತಹ ಕುಟುಂಬ ನೋಡುವುದೇ ಕಣ್ಣಿಗೆ ಹಬ್ಬ. ಇನ್ನು ಮದುವೆ, ಸಮಾರಂಭಗಳಲ್ಲಿ ಓಡಾಟ ಒಂದು ರೀತಿಯ ಖುಷಿ. ಕಷ್ಟದ ಸಮಯದಲ್ಲಿ ಬೇರೆಯವರ ಬಳಿ ಸಹಾಯ ಕೇಳುವ ಬದಲು ಒಟ್ಟಿಗೆ ಇದ್ದರೆ ಎಂತಹ ಕಷ್ಟವನ್ನು ಸಹ ಎದುರಿಸಬಹುದು. ನಾವು ಈಗಲೂ ಒಟ್ಟಿಗೆ ಒಂದೇ ಕುಟುಂಬದಲ್ಲಿ ಇದ್ದೇವೆ ಎಂಬುದೇ ಒಂದು ರೀತಿಯ ಖುಷಿ.

| ಚೈತನ್ಯ ಕೆರ್ವಾಶೆ ಕಾರ್ಕಳ

ಹಾಫ್ ಸೆಂಚುರಿ

ನಮ್ಮ ಕೂಡು ಕುಟುಂಬದಲ್ಲಿನ ಒಟ್ಟು ಸದಸ್ಯರ ಸಂಖ್ಯೆ 50. ಹಾಫ್ ಸೆಂಚುರಿ. ಅವಿಭಕ್ತ ಕುಟುಂಬದಿಂದ ಆಗುವ ಲಾಭಗಳು ಹಲವು. ಏನೇ ಸಮಸ್ಯೆಗಳಾದರೂ ಎಲ್ಲ ಸೇರಿ ಇತ್ಯರ್ಥ ಪಡಿಸಿಕೊಳ್ಳಬಹುದು. ಹಣದ ತೊಂದರೆ ಕೂಡ ನಿಭಾಯಿಸಬಹುದು. ಯಾವುದೇ ಕೆಲಸಕ್ಕೆ ಹೊರಗಿನ ಜನರನ್ನು ಕರೆಯುವ ಅವಶ್ಯಕತೆ ಬರುವುದಿಲ್ಲ. ಎಲ್ಲರೂ ಸೇರಿ ಮದುವೆ ಸೀಮಂತ ಕಾರ್ಯಕ್ರಮ, ಜಾತ್ರೆ ಮಾಡುತ್ತೇವೆ. ಅವಿಭಕ್ತ ಕುಟುಂಬದಿಂದ ಮನೆತನ ಅಭಿವೃದ್ಧಿ ಹೊಂದುವುದು ಸಾಧ್ಯ. ನಾವು ಒಂದೇ ಮನೆಯಲ್ಲಿ ಐವತ್ತು ಜನ ಇರೋದ್ರಿಂದ ಯಾವುದೇ ತೊಂದರೆಗಳು ಇದುವರೆಗೂ ಆಗಿಲ್ಲ.

| ಸಾಹೇಬಗೌಡ ಶಿವಪ್ಪಗೌಡ ಪ್ರಭುಗೋಳ ಕೊಕಟನೂರ, ವಿಜಯಪುರ ಜಿಲ್ಲೆ

ಅಜ್ಜಿಯ ಆರೈಕೆ

ವಿರಾಟ್ ಜತೆಗೆ ಆತನ ತಂದೆ, ತಾಯಿ, ಅಜ್ಜಿ ಮತ್ತು ಮುತ್ತಜ್ಜಿ ಒಟ್ಟಿಗೆ ಬಾಳುತ್ತಿದ್ದಾರೆ. ತಂದೆ -ತಾಯಿ ಕೆಲಸಕ್ಕೆ ಹೋದಾಗ ಶಾಲೆಯಿಂದ ವಿರಾಟ್ ಅಜ್ಜಿಯೊಡನೆ ವಾಪಸ್ ಆಗುತ್ತಾನೆ. ಅಜ್ಜಿಯ ಆರೈಕೆಯಲ್ಲಿ ವಿರಾಟ್ ಆಟವಾಡಿ, ಊಟ ಮಾಡಿ ಇರುತ್ತಾನೆ. ನಾವೆಲ್ಲರೂ ಒಟ್ಟಿಗೆ ಕೂಡಿ ಊಟ, ಮಾತುಕತೆಯಲ್ಲಿ ತೊಡಗುವುದು ಮುತ್ತಜ್ಜಿಗೆ ಸಂತಸದ ಸಂಗತಿ. ಒಟ್ಟಿಗೆ ಕೂಡಿ ಬಾಳುವ ಸುಖ ಸಂಸಾರ ನಮ್ಮದು.

| ಸಾತ್ವಿಕ್ ಗುರುಪ್ರಸಾದ್, ವಿದ್ಯಾರಣ್ಯಪುರ, ಬೆಂಗಳೂರು

https://www.vijayavani.net/assembly-election-result-congress-candidate-decided-to-go-to-court

https://www.vijayavani.net/after-defeat-in-election-bhaskar-rao-met-mother-and-said-this