ವಿಚ್ಛೇದನ ಪಡೆಯಲು ಮುಂದಾದ ಜೋ ಜೋನಸ್-ಸೋಫಿ ಟರ್ನರ್, ಅಭಿಮಾನಿಗಳಿಗೆ ಅಂದೇ ಅನುಮಾನ ಬಂದಿತ್ತು!

ಮುಂಬೈ: ಪ್ರಿಯಾಂಕಾ ಚೋಪ್ರಾ ಅವರ ಪತಿಯ ಸಹೋದರ ಜೋ ಜೋನಸ್ ಮತ್ತು ಅತ್ತಿಗೆ ಸೋಫಿ ಟರ್ನರ್ ಅವರ ವಿಚ್ಛೇದನದ ಸುದ್ದಿ ಮನರಂಜನಾ ಜಗತ್ತಿನಲ್ಲಿ ಚರ್ಚೆಯ ವಿಷಯವಾಗಿದೆ. ಪ್ರಿಯಾಂಕಾ ಚೋಪ್ರಾ ಮತ್ತು ನಿಕ್ ಜೋನಾಸ್ ಮದುವೆಯ ನಂತರ, ಪ್ರಿಯಾಂಕಾ ಅವರ ಭಾವಂದಿರು ಸಹ ಜನಪ್ರಿಯರಾದರು.

ಪ್ರಿಯಾಂಕಾ ಅವರ ಭಾವ ಜೋ ಮತ್ತು ಅವರ ಪತ್ನಿ ಸೋಫಿ ಟರ್ನರ್ ಜೋಡಿಯ ಪ್ರತ್ಯೇಕತೆಯ ಸುದ್ದಿ ಹಾಲಿವುಡ್‌ನಲ್ಲಿ ಹರಿದಾಡುತ್ತಿದೆ. ವರದಿಗಳ ಪ್ರಕಾರ, ಗಾಯಕ ಜೋ ಮತ್ತು ಹಾಲಿವುಡ್ ನಟಿ ಸೋಫಿ ತಮ್ಮ ಸಂಬಂಧವನ್ನು ಮುಂದುವರಿಸಲು ಬಯಸುವುದಿಲ್ಲ. ಇಬ್ಬರೂ ಈಗ ವಿಚ್ಛೇದನ ಪಡೆಯಲು ನಿರ್ಧರಿಸಿದ್ದಾರೆ. ಆದರೆ ಅಧಿಕೃತ ಮಾಹಿತಿ ಇನ್ನೂ ಬಹಿರಂಗವಾಗಿಲ್ಲ. ಸದ್ಯ ಇವರಿಬ್ಬರ ಬ್ರೇಕಪ್ ಸುದ್ದಿ ಅಭಿಮಾನಿಗಳಿಗೆ ಶಾಕ್ ನೀಡಿದೆ.

ಹಾಲಿವುಡ್ ಜೋಡಿ ಸೋಫಿ ಟರ್ನರ್ ಮತ್ತು ಜೋ ಜೋನಸ್ ಅವರಿಗೆ ಸಂಬಂಧಿಸಿದ ಹಲವು ಮಾಧ್ಯಮ ವರದಿಗಳು ಹೊರಬಿದ್ದಿವೆ. ಈವೆಂಟ್‌ವೊಂದರಲ್ಲಿ ಜೋಯಿ ಅವರ ಕೈಯಲ್ಲಿ ತನ್ನ ನಿಶ್ಚಿತಾರ್ಥದ ಉಂಗುರ ಕಾಣಲಿಲ್ಲ. ಅಂದಿನಿಂದ ಅವರ ಬ್ರೇಕಪ್ ಸುದ್ದಿ ಬೆಳಕಿಗೆ ಬಂದಿತು. ಅಂದಿನಿಂದ ಜೋ ಜೋನಸ್ ಮತ್ತು ಸೋಫಿ ನಡುವಿನ ಸಂಬಂಧದಲ್ಲಿ ಏನೋ ಸಮಸ್ಯೆಯಿದೆ ಎಂದು ಅಭಿಮಾನಿಗಳು ಊಹಿಸಿದ್ದರು.

ಇದಲ್ಲದೆ, ಇಬ್ಬರೂ ಕೆಲವು ಸಮಯದ ಹಿಂದೆ ತಮ್ಮ ಮಿಯಾಮಿ ಭವನವನ್ನು ಸಹ ಮಾರಾಟ ಮಾಡಿದ್ದರು. ಕಳೆದ 6 ತಿಂಗಳಿಂದ ಸೋಫಿ ಮತ್ತು ಜೋಯ್ ಅವರ ಸಂಬಂಧವು ಅಷ್ಟೇನೂ ಚೆನ್ನಾಗಿಲ್ಲ ಎಂದು ಅನೇಕ ವರದಿಗಳು ಹೇಳಿವೆ. ಇಬ್ಬರ ನಡುವೆ ಹಲವು ಸಮಸ್ಯೆಗಳಿದ್ದು, ಅದನ್ನು ಪರಿಹರಿಸಿಕೊಳ್ಳಲು ಕೂಡ ಪ್ರಯತ್ನಿಸಿದ್ದಾರೆ. ಆದರೆ, ವಿಷಯಗಳು ಬಗೆಯಹರಿಯದಿದ್ದಾಗ ದಂಪತಿಗಳು ವಿಚ್ಛೇದನ ಪಡೆಯಲು ನಿರ್ಧರಿಸಿದರು. ವರದಿಗಳ ಪ್ರಕಾರ, ಜೋಯಿ ಮತ್ತು ಸೋಫಿ ವಿಚ್ಛೇದನಕ್ಕಾಗಿ ಲಾಸ್ ಏಂಜಲೀಸ್‌ನಲ್ಲಿ ವಕೀಲರನ್ನು ಸಂಪರ್ಕಿಸುತ್ತಿದ್ದಾರೆ.

ಇವರಿಬ್ಬರ ಪ್ರೇಮಕಥೆಯು 2016 ರಲ್ಲಿ ಪ್ರಾರಂಭವಾಯಿತು. ಆ ನಂತರ ಅಂದರೆ 2017 ರಲ್ಲಿ ನಿಶ್ಚಿತಾರ್ಥ ಮಾಡಿಕೊಂಡರು. 2019 ರಲ್ಲಿ ಲಾಸ್ ವೇಗಾಸ್​​​ನಲ್ಲಿ ವಿವಾಹವಾದರು. 2020 ಮತ್ತು 2022 ರಲ್ಲಿ ಕ್ರಮವಾಗಿ ಇಬ್ಬರು ಹೆಣ್ಣು ಮಕ್ಕಳನ್ನು ದಂಪತಿಗಳು ಸ್ವಾಗತಿಸಿದರು.

https://www.vijayavani.net/retired-army-officer-who-led-surgical-strike-has-manipur-task-at-hand-now