ಮನೆ ಇಲ್ಲದವರಿಗೆ ಗುಡ್​ ನ್ಯೂಸ್ ಕೊಟ್ಟ ಸಚಿವ ಸೋಮಣ್ಣ

ಬೆಂಗಳೂರು: 2021ರ ಜೂನ್​ ಒಳಗೆ ನಾನು ಅಂದುಕೊಂಡ ಗುರಿಯನ್ನು ಸಾಧಿಸುವೆ. ತಪ್ಪಿದ್ದಲ್ಲಿ ಮಂತ್ರಿ ಸ್ಥಾನ ಮಾತ್ರವಲ್ಲ, ರಾಜಕಾರಣವನ್ನೇ ಬಿಟ್ಟು ಹೋಗುತ್ತೇನೆ ಎಂದು ವಸತಿ ಸಚಿವ ವಿ.ಸೋಮಣ್ಣ ಹೇಳಿದ್ದಾರೆ.

ಹೌದು, ಇಂತಹ ಸವಾಲು ಹಾಕೋಕು ಕಾರಣ ಇದೆ. ಈ ಬಗ್ಗೆ ವಿಧಾನಸೌಧದಲ್ಲಿ ಬುಧವಾರ ಸಚಿವರೇ ಮಾತನಾಡಿದರು.

ಇದನ್ನೂ ಓದಿರಿ ನಟಿ ರಾಗಿಣಿ ಬಗ್ಗೆ ಸಿಎಂ ಬಿಎಸ್​ವೈ ಪುತ್ರ ವಿಜಯೇಂದ್ರ ಹೇಳಿದ್ದೇನು?

2016ರಿಂದ ಇದುವರೆಗೂ ಫಲಾನುಭವಿಗಳಿಗೆ ಒಂದೇ ಒಂದು ಮನೆ ಕೊಟ್ಟಿಲ್ಲ. ಈ ಬಗ್ಗೆ ನನ್ನ ಮನಸ್ಸಿಗೆ ತುಂಬಾ ನೋವಿದೆ. ಇದನ್ನು ನಾನು ಗಂಭೀರವಾಗಿ ಪರಿಗಣಿಸಿದ್ದು, ಮುಂದಿನ ಜೂನ್​ ಒಳಗೆ 25 ಸಾವಿರ ಮನೆಗಳನ್ನು ಅರ್ಹ ಫಲಾನುಭವಿಗಳಿಗೆ ನೀಡುತ್ತೇನೆ. ಜೂನ್​ ಒಳಗೆ ಮನೆ ನೀಡದಿದ್ರೆ ನಾನು ರಾಜಕಾರಣವನ್ನೇ ಬಿಟ್ಟು ಹೋಗುತ್ತೇನೆ ಎಂದು ಸೋಮಣ್ಣ ಶಪಥ ಮಾಡಿದರು.

ಅರ್ಹ ಫಲಾನುಭವಿಗಳಿಗೆ ಮನೆ ಕೊಡುವ ಕೆಲಸವನ್ನು ಮಾಡಿಯೇ ತೀರುತ್ತೇನೆ ಎಂದ ಸಚಿವರ ಭರವಸೆ, ಸೂರಿಗಾಗಿ ಕಾಯುತ್ತಿರುವವರ ಮೊಗದಲ್ಲಿ ನೆಲೆ ಸಿಗುವ ಆಶಾಕಿರಣದ ಗೆರೆ ಮೂಡಿದೆ.

https://www.vijayavani.net/v-somanna-said-i-dont-know-who-is-sanjana-and-ragini/

https://www.vijayavani.net/film-theaters-open-on-october-1st/