ಸಾಮಾಜಿಕ ಜಾಲತಾಣದಲ್ಲಿ ಮಿಂಚುತ್ತಿರುವ ಹಲವು ಸೋಷಿಯಲ್ ಮೀಡಿಯಾ ಇನ್ ಫ್ಲೂಯೆನ್ಸರ್ಗಳು, ವೈರಲ್ ಸ್ಟಾರ್ಗಳು ಈಗಾಗಲೇ ಚಿತ್ರರಂಗದಲ್ಲಿ ಗುರುತಿಸಿಕೊಳ್ಳುತ್ತಿದ್ದಾರೆ. ಹಾಡು, ಡಾನ್ಸ್, ನಟನೆ ಅಂತ ಸಿನಿಮಾಗಳಲ್ಲೂ ಬಿಜಿಯಾಗಿದ್ದಾರೆ. ಇದೀಗ ಮತ್ತೊಬ್ಬ ಸೋಷಿಯಲ್ ಮೀಡಿಯಾ ಸೆಲೆಬ್ರಿಟಿ ಅಲ್ಲು ರಘು ಚಂದನವನಕ್ಕೆ ನಿರ್ದೇಶಕನಾಗಿ ಪದಾರ್ಪಣೆ ಮಾಡಲು ಸಿದ್ಧತೆ ನಡೆಸಿದ್ದಾರೆ. "ಮೊದಲಿನಿಂದಲೂ ನಿರ್ದೇಶನದ ಬಗ್ಗೆ ತೀವ್ರ ಆಸಕ್ತಿ ಇತ್ತು. ನಟಿಸಬೇಕು ಅಂತ ಅನ್ನಿಸುತ್ತಿತ್ತು. ಆದರೆ, ಜವಾಬ್ದಾರಿಗಳು ಹೆಚ್ಚಿದ್ದವು. ಜತೆಗೆ ಸಾಮಾಜಿಕ ಜಾಲತಾಣದಲ್ಲಿ ಜನಪ್ರಿಯತೆ ಸಿಕ್ಕಿತ್ತು. ಹೀಗಾಗಿ ನಿರ್ದೇಶನದತ್ತ ಹೆಚ್ಚು ಗಮನ ಹರಿಸಿದೆ. "ಸಾವಿರ ರೂಪಾಯಿಗೆ ಸ್ವರ್ಗ', "ಒಂದೊಪ್ಪತ್ತು' ಎಂಬ ಎರಡು ಸಾಮಾಜಿಕ ಕಳಕಳಿಯಿರುವ ಕಿರುಚಿತ್ರಗಳನ್ನು ನಿರ್ದೇಶಿಸಿದೆ. ಈಗ ಸಿನಿಮಾ ಮಾಡಲು ಕೆಲ ನೈಜ ವಿಷಯಗಳೂ ಇರುವ ಫಿಕ್ಷನಲ್ ಕಾಮಿಡಿ ಸ್ಕ್ಯಾಮ್ ಡ್ರಾಮಾ ಕಥೆ ರೆಡಿ ಮಾಡಿಕೊಂಡಿದ್ದೇನೆ. ಇದೇ ಅಕ್ಟೋಬರ್ನಲ್ಲಿ ಶೂಟಿಂಗ್ಗೆ ತೆರಳಲಿದ್ದು, 40ರಿಂದ 45 ದಿನಗಳ ಕಾಲ ಬೆಂಗಳೂರು, ಮೈಸೂರು ಮತ್ತು ಕೇರಳದಲ್ಲಿ ಚಿತ್ರೀಕರಣ ನಡೆಸಿ, ಡಿಸೆಂಬರ್ ಹೊತ್ತಿಗೆ ಕುಂಬಳಕಾಯಿ ಒಡೆಯುವ ಪ್ಲ್ಯಾನ್ ಇದೆ. ಅದಕ್ಕಾಗಿ ಸದ್ಯ ಪ್ರಿ-ಪ್ರೊಡಕ್ಷನ್ ಕೆಲಸಗಳಲ್ಲಿ ಬಿಜಿಯಾಗಿದ್ದೇವೆ. ಚಿತ್ರದ ಶೀರ್ಷಿಕೆ, ನಾಯಕ, ತಾರಾಗಣ ಸೇರಿ ಉಳಿದ ಮಾಹಿತಿಯನ್ನು ಕೆಲವೇ ದಿನಗಳಲ್ಲಿ ಬಹಿರಂಗಪಡಿಸಲಿದ್ದೇನೆ. ಕನ್ನಡದ "ಕೆಟಿಎಂ' ಚಿತ್ರ ಸೇರಿ ಪಂಜಾಬ್ನ ಹಲವು ಮ್ಯೂಸಿಕ್ ಆಲ್ಬಂಗಳಿಗೆ ಸಂಗೀತ ನೀಡಿರುವ, ಎ.ಆರ್.ರೆಹ್ಮಾನ್ ತಂಡದಲ್ಲಿ ಗುರುತಿಸಿಕೊಂಡಿರುವ ಕನ್ನಡಿಗ ಚೇತನ್ ರಾವ್ ಸಂಗೀತ ನೀಡಲಿದ್ದಾರೆ. ನಮ್ಮಲ್ಲಿರುವ ಮೂಲ ಸಾಹಿತ್ಯ ಬಳಸಿ ಅದಕ್ಕೆ ಆಧುನಿಕ ಸ್ಪರ್ಶ ನೀಡಲಿದ್ದು, ಮೂರು ಹಾಡುಗಳಲ್ಲೂ ಹೊಸತನ ಕಾಣಬಹುದು. "ನಿಮ್ಮ ವಸ್ತುಗಳಿಗೆ ನೀವೇ ಜವಾಬ್ದಾರರು' ಹರ್ಷ ಛಾಯಾಗ್ರಹಣದಲ್ಲಿ ಸಿನಿಮಾ ಮೂಡಿಬರಲಿದೆ' ಎಂದು ಮಾಹಿತಿ ನೀಡುತ್ತಾರೆ.
_1779801828501.webp?w=480&auto=format%2Ccompress&fit=max)
