ಆರು ನಿಮಿಷ ಸಂಪೂರ್ಣ ಕತ್ತಲು: ಭೂಮಿಯ ಮೇಲೆ ಸಂಭವಿಸಲಿದೆ ಅಪರೂಪದ ವಿದ್ಯಮಾನ! Earth

Earth : ಸೂರ್ಯಗ್ರಹಣವು ಅತ್ಯಂತ ವಿಶಿಷ್ಟವಾದ ಗ್ರಹಣಗಳಲ್ಲಿ ಒಂದಾಗಿದೆ. ಹಗಲನ್ನು ರಾತ್ರಿಯನ್ನಾಗಿ ಪರಿವರ್ತಿಸುವ ಅಪರೂಪದ ಕ್ಷಣ ಇದಾಗಿದೆ. 2024ರ ಏಪ್ರಿಲ್ 8ರಂದು ಮಹಾ ಸೂರ್ಯಗ್ರಹಣ ಸಂಭವಿಸಿತು. ಮೆಕ್ಸಿಕೋ, ಯುಎಸ್, ಕೆನಡಾ, ದಕ್ಷಿಣ ಅಮೆರಿಕಾ, ವಾಯುವ್ಯ ಇಂಗ್ಲೆಂಡ್ ಮತ್ತು ಐರ್ಲೆಂಡ್‌ನಲ್ಲಿ ಈ ಸೂರ್ಯಗ್ರಹಣ ಗೋಚರಿಸಿತು. ಆದಾಗ್ಯೂ, ಈ ಸೂರ್ಯಗ್ರಹಣ ಭಾರತದ ಮೇಲೆ ಪರಿಣಾಮ ಬೀರಲಿಲ್ಲ. ಕೊನೆಯ ಸೂರ್ಯಗ್ರಹಣವು 2019 ರಲ್ಲಿ ಭಾರತದಲ್ಲಿ ಗೋಚರಿಸಿತು. ಹೊಸ ಅಧ್ಯಯನಗಳ ಪ್ರಕಾರ, ಮುಂದಿನ ಸಂಪೂರ್ಣ ಸೂರ್ಯಗ್ರಹಣವು ಬರಲು ಹೆಚ್ಚು ಸಮಯವಿಲ್ಲ.

2027ರ ಆಗಸ್ಟ್ 2ರಂದು ಇಡೀ ಜಗತ್ತು ಮುಂದಿನ ಸಂಪೂರ್ಣ ಸೂರ್ಯಗ್ರಹಣಕ್ಕೆ ಸಾಕ್ಷಿಯಾಗಲಿದೆ. ಈ ಸೂರ್ಯ ಗ್ರಹಣ ಒಂದು ವಿಶೇಷ ಲಕ್ಷಣವನ್ನು ಹೊಂದಿದೆ. ಇದನ್ನು 'ಗ್ರೇಟ್ ನಾರ್ತ್ ಆಫ್ರಿಕನ್ ಎಕ್ಲಿಪ್ಸ್' ಎಂದು ಕರೆಯಲಾಗುತ್ತದೆ. ಈ ಸಂಪೂರ್ಣ ಸೂರ್ಯಗ್ರಹಣವು ಸುಮಾರು ಆರು ನಿಮಿಷಗಳ ಕಾಲ ಇರುತ್ತದೆ ಎಂದು ವರದಿಯಾಗಿದೆ.

ಈ ಸಮಯದಲ್ಲಿ, ಭೂಮಿಯು ಸೂರ್ಯನಿಂದ ಅತ್ಯಂತ ದೂರದ ಬಿಂದುವಿನಲ್ಲಿ ಇರುತ್ತದೆ. ಚಂದ್ರನು ಭೂಮಿಗೆ ಅದರ ಹತ್ತಿರದ ಬಿಂದುವಿನಲ್ಲಿ, ಪೆರಿಜಿಯಲ್ಲಿ ಇರುತ್ತಾನೆ. ಈ ಕಾರಣದಿಂದಾಗಿ, ಚಂದ್ರನು ಸಾಮಾನ್ಯಕ್ಕಿಂತ ಹೆಚ್ಚು ಸಮಯದವರೆಗೆ ಸೂರ್ಯನನ್ನು ಆವರಿಸುತ್ತಾನೆ.

ಇದನ್ನೂ ಓದಿ: 28 ವರ್ಷದಿಂದ ಭಾರತದಲ್ಲಿರುವ ನೇಹಾ ಇದೀಗ ಬಾಂಗ್ಲಾದೇಶದ ಅಬ್ದುಲ್​! ವಿದೇಶಿ ಪ್ರಜೆಯ ಅಸಲಿ ಮುಖ ಬಯಲು! Bangladesh Man

ಈ ಪೂರ್ಣ ಗ್ರಹಣ ಯುರೋಪ್, ಆಫ್ರಿಕಾ ಮತ್ತು ಮಧ್ಯಪ್ರಾಚ್ಯದ ಕೆಲವು ಭಾಗಗಳಲ್ಲಿ ಗೋಚರಿಸಲಿದೆ. ಈ ಗ್ರಹಣವು ಸುಮಾರು ಆರು ನಿಮಿಷಗಳ ಕಾಲ ಅನೇಕ ನಗರಗಳನ್ನು ಸಂಪೂರ್ಣ ಕತ್ತಲೆಯಲ್ಲಿ ಮುಳುಗಿಸಲಿದೆ.

Space.com ಪ್ರಕಾರ, ಇದು ಭೂಮಿಯಿಂದ ಗೋಚರಿಸುವ ಅತಿ ಉದ್ದದ ಸೂರ್ಯಗ್ರಹಣವಾಗಿರುತ್ತದೆ. ಆದರೆ, ಈ ಬಾರಿಯೂ ಭಾರತವು ಸಂಪೂರ್ಣ ಸೂರ್ಯಗ್ರಹಣವನ್ನು ನೋಡುವುದಿಲ್ಲ. ಆದಾಗ್ಯೂ, ದೆಹಲಿ, ಮುಂಬೈ, ಚೆನ್ನೈ ಮತ್ತು ಕೋಲ್ಕತದಲ್ಲಿ ಭಾಗಶಃ ಗ್ರಹಣ ಗೋಚರಿಸಬಹುದು. ಭಾರತದ ಜನರು 2027ರ ಆಗಸ್ಟ್ 2 ರಂದು ಸಂಜೆ 4.30ರ ಸುಮಾರಿಗೆ ಭಾಗಶಃ ಗ್ರಹಣವನ್ನು ನೋಡಲು ಸಾಧ್ಯವಾಗುತ್ತದೆ ಎಂದು ತಜ್ಞರು ಹೇಳುತ್ತಾರೆ. (ಏಜೆನ್ಸೀಸ್​)

https://www.vijayavani.net/neha-living-in-india-for-10-years-turns-out-to-be-bangladeshi-man-abdul

https://www.vijayavani.net/off-in-1-second-experts-mathematical-debunking-of-air-india-crash-theory