Men asked iPhone: ಅಸ್ಸಾಂ ಮುಖ್ಯಮಂತ್ರಿ ಹಿಮಂತ ಬಿಸ್ವ ಶರ್ಮಾ ಅವರ ಜನಸಂಪರ್ಕ ಕಾರ್ಯಕ್ರಮದ ವೇಳೆ ನಡೆದ ಮಜಾದಾಯಕ ಘಟನೆ ಇದೀಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. ಜನರನ್ನು ಭೇಟಿಯಾಗಿ ಮಾತನಾಡುತ್ತಿದ್ದ ವೇಳೆ ವ್ಯಕ್ತಿಯೊಬ್ಬ ಸಿಎಂ ಬಳಿ ನೇರವಾಗಿ ‘ಸರ್, ನನಗೆ ಐಫೋನ್ ಬೇಕು’ ಎಂದು ಕೇಳಿದ್ದಾನೆ.
ವ್ಯಕ್ತಿಯ ಮಾತು ಕೇಳಿ ಕ್ಷಣಕಾಲ ಅಚ್ಚರಿಗೊಂಡ ಹಿಮಂತ ಶರ್ಮಾ, ‘ಐಫೋನ್? ಹಳೆಯದು ಬೇಕಾ, ಹೊಸದು ಬೇಕಾ?’ ಎಂದು ತಮಾಷೆಯಾಗಿ ಕೇಳಿದ್ದಾರೆ.
ಐಫೋನ್ ಕೊಡಿಸುತ್ತೇನೆ ಎಂದ ಸಿಎಂ
ಇದಾದ ಬಳಿಕ ಮಾತುಕತೆ ಇನ್ನಷ್ಟು ಫನ್ನಿಯಾಗಿ ತಿರುಗಿದೆ. ಹಿಮಂತ ಶರ್ಮಾ ಕೈ ಎತ್ತಿ ತಮಾಷೆಗೆ ಹೊಡೆಯುವಂತೆ ಮಾಡಿದರೂ, ಕೊನೆಗೆ ‘ಸರಿ, ನಿಮಗೆ ಐಫೋನ್ ಕೊಡಿಸುತ್ತೇವೆ. ಸಿಗುತ್ತೆ’ ಎಂದು ಹೇಳಿದ್ದಾರೆ. ಬಳಿಕ ಅವರು ಅಲ್ಲಿದ್ದ ಮತ್ತಷ್ಟು ಜನರನ್ನು ಭೇಟಿಯಾಗಲು ಹೋದರು.
