ಪಾಪ ನಮ್ಮನ್ನು ಬಂಧಿಸುತ್ತದೆ, ಪುಣ್ಯನಮ್ಮನ್ನು ಬಿಡುಗಡೆಗೊಳಿಸುತ್ತದೆ. ನಮ್ಮ ಕ್ರೋಧ ನಮ್ಮದೇ ಕರುಣೆಯಲ್ಲಿ ಅಡಗಿದೆ, ಹಿಂಸೆ ನಮ್ಮದೇ ಅಹಿಂಸೆಯಲ್ಲಿ ಅಡಗಿದೆ, ಕಾಮವಾಸನೆ ನಮ್ಮ ಬ್ರಹ್ಮಚರ್ಯದಲ್ಲಿ ಅಡಗಿದೆ. ಹಿಂಸೆ ಅಹಿಂಸೆಯ ಬಟ್ಟೆಯನ್ನು ಹಾಕಿಕೊಂಡು ವ್ಯವಹರಿಸುತ್ತಿದೆ. ಅಸತ್ಯ ಸತ್ಯದ ಮಾತುಗಳ ಮೂಲಕ ವ್ಯವಹಾರವನ್ನು ಮಾಡುತ್ತಿದೆ. ನಮ್ಮ ಅಜ್ಞಾನ ಪಂಡಿತರ ಭಾಷೆಯ ಉಪಯೋಗವನ್ನು ಮಾಡುತ್ತದೆ. ದುಷ್ಟ ಶಕ್ತಿಗಳು ಈ ಜಗತ್ತಿನಲ್ಲಿ ಬದುಕಲು ಸಾಧ್ಯವಿಲ್ಲ. ಅವುಗಳು ಬದುಕಬೇಕು ಎಂದರೆ ದೇವಸ್ಥಾನ ಮಂದಿರಗಳ ಆಸರೆಯನ್ನು ಪಡೆಯಲೇಬೇಕು. ಆದ್ದರಿಂದ ಪಾಪದ ನಿಜವಾದ ಪ್ರಶ್ನೆ ಕೃತ್ಯದಲ್ಲಿಲ್ಲ, ನಮ್ಮ ತಿಳುವಳಿಕೆಯಲ್ಲಿದೆ, ಜ್ಞಾನದಲ್ಲಿದೆ, ನಮ್ಮ ತಿಳುವಳಿಕೆ ಸರಿಯಾಗಿಲ್ಲವಾದ್ದರಿಂದ ಪಾಪಕೃತ್ಯಗಳು ಘಟಿಸುತ್ತವೆ.
