ಆ.5ರ ಮಧ್ಯಾಹ್ನ 12:15:15 ಸುಮುಹೂರ್ತದಲ್ಲಿ ಸಲ್ಲುವ ರಾಮ ಮಂದಿರ ಶಿಲ್ಯಾನ್ಯಾಸಕ್ಕೆ ಬಂತು 22 ಕೆ.ಜಿ. ಬೆಳ್ಳಿ ಇಟ್ಟಿಗೆ

ನವದೆಹಲಿ: ಅಯೋಧ್ಯೆಯಲ್ಲಿ ಶ್ರೀ ರಾಮ ಮಂದಿರಕ್ಕಾಗಿ ಆ.5ರ ಮಧ್ಯಾಹ್ನ 12:15:15ರ ಸುಮುಹೂರ್ತದಲ್ಲಿ ಶಿಲ್ಯಾನ್ಯಾಸ ನೆರವೇರುತ್ತಿದೆ. ಇದಕ್ಕಾಗಿ ಸಿದ್ಧವಾಗಿರುವ 22 ಕೆ.ಜಿ. ಬೆಳ್ಳಿ ಇಟ್ಟಿಗೆ ಅಯೋಧ್ಯೆಗೆ ರವಾನೆಗೊಂಡಿದೆ.

ಬಿಜೆಪಿಯ ವಕ್ತಾರ ಸುರೇಶ್​ ನಕುವಾ 22,600 ಗ್ರಾಂ ಭಾರವಿರುವ ಬೆಳ್ಳಿ ಇಟ್ಟಿಗೆಯ ಎರಡು ಚಿತ್ರಗಳನ್ನು ಟ್ವಿಟ್ಟರ್​ನಲ್ಲಿ ಬಿಡುಗಡೆ ಮಾಡಿದ್ದು, ಅದರ ಮೇಲೆ, ಪ್ರಧಾನಿ ನರೇಂದ್ರ ದಾಮೋದರ ದಾಸ್​ ಮೋದಿಜಿ ಅವರು ಶಿಲ್ಯಾನ್ಯಾಸ ನೆರವೇರಿಸಿದರು... ಜೈ ಶ್ರೀರಾಮ್​... ಆಗಸ್ಟ್​ 5, 2020, ಸಮಯ 12:15:15 ಎಂದು ಕೆತ್ತನೆ ಮಾಡಲಾಗಿದೆ.

ಲಭ್ಯ ಮಾಹಿತಿಯ ಪ್ರಕಾರ ಶಿಲ್ಯಾನ್ಯಾಸ ಕಾರ್ಯಕ್ರಮ ಆ.5ರ ಬೆಳಗ್ಗೆ 11 ಗಂಟೆಗೆ ಆರಂಭವಾಗಲಿದೆ. 200 ಜನ ಅತಿಗಣ್ಯರು ಕಾರ್ಯಕ್ರಮದಲ್ಲಿ ಪಾಲ್ಗೊಳ್ಳುತ್ತಿದ್ದು, ಪ್ರಧಾನಿ ನರೇಂದ್ರ ಮೋದಿ 11.30ಕ್ಕೆ ಆಗಮಿಸಲಿದ್ದಾರೆ. ಭೂಮಿ ಪೂಜೆ 1 ಗಂಟೆ ನಡೆಯಲಿದ್ದು, ನಂತರ ಪ್ರಧಾನಿ ಮೋದಿ ಮಾತನಾಡಲಿದ್ದಾರೆ.

https://www.vijayavani.net/bank-employee-hacks-customer-account/