ರಾಜ್ಯ ಕಬ್ಬು ಬೆಳೆಗಾರರ ಸಂಘದ ಅಧ್ಯಕ್ಷ ಕುರುಬೂರು ಶಾಂತಕುಮಾರ್ ಮಾತನಾಡಿ, ರಾಷ್ಟ್ರೀಯ ಹೆದ್ದಾರಿ ಪ್ರಾಧಿಕಾರ ಟೋಲ್ ವಸೂಲಿಗೆ ಅನುಮತಿ ನೀಡಿರುವುದು ಕಾನೂನು ಬಾಹಿರವಾಗಿದೆ. ಟೋಲ್ ಸಂಗ್ರಹ ನಿಲ್ಲಿಸಿ ವಾಹನಗಳ ಮುಕ್ತ ಸಂಚರಕ್ಕೆ ಅನುಕೂಲ ಕಲ್ಪಿಸಬೇಕು. ಟೋಲ್ ಸಂಗ್ರಹಣಾಕಾರರು ಸಾರ್ವಜನಿಕರೊಂದಿಗೆ ಗೂಂಡಾ ದುರ್ವರ್ತನೆ ತೋರುತ್ತಿದ್ದು, ಮನಬಂದಂತೆ ವಾಹನ ಮಾಲೀಕರೊಂದಿಗೆ ಅಸಭ್ಯವಾಗಿ ನಡೆದುಕೊಳ್ಳುತ್ತಿದ್ದಾರೆ ಎಂದು ಆರೋಪಿದರು.
ಇದೇ ವೇಳೆ ಪ್ರತಿಭಟನೆಯ ರೂಪುರೇಷೆ ಸಿದ್ಧಪಡಿಸಲು ತಿ.ನರಸೀಪುರ ತಾಲೂಕು ಸರ್ವ ಸಂಘಟನೆಗಳ ಒಕ್ಕೂಟದ ಸಮಿತಿಯನ್ನು ಸಭೆಯಲ್ಲಿ ರಚಿಸಲಾಯಿತು. ರೈತ ಮುಖಂಡ ಕಿರಗಸೂರು ಶಂಕರ್, ಮಣಿಕಂಠರಾಜ ಗೌಡ, ಬಾಳೆಎಲೆ ಕುಮಾರ್, ಆಲಗೂಡು ಚಂದ್ರಶೇಖರ್, ಕುಕ್ಕೂರು ರಾಜು, ಎಚ್.ಆರೀಫ್, ಸೋಸಲೆ ಪರಶಿವ ಮೂರ್ತಿ, ಯೋಗೇಶ್ ಅವರನ್ನು ಸಮಿತಿಗೆ ಆಯ್ಕೆ ಮಾಡಲಾಯಿತು.
