ಕನ್ನಡದ ಜತೆಗೆ ಈ ಭಾಷೆಯಲ್ಲೂ ಬರಲಿದೆ ವಿಷ್ಣುಪ್ರಿಯಾ ಸಿನಿಮಾ...

ಈಗಾಗಲೇ ಬಹುತೇಕ ಶೂಟಿಂಗ್​ ಕೆಲಸಗಳನ್ನು ಮುಗಿಸಿಕೊಂಡಿರುವ ಶ್ರೇಯಸ್​ ಮಂಜು ನಾಯಕತ್ವದ ವಿಷ್ಣು ಪ್ರಿಯಾ ಸಿನಿಮಾ ಓಣಂ ಹಬ್ಬದ ಪ್ರಯುಕ್ತ ಹೊಸ ಸುದ್ದಿಯನ್ನು ಹಂಚಿಕೊಂಡಿದೆ.

ಅಂದರೆ, ವಿಷ್ಣು ಪ್ರಿಯಾ ಸಿನಿಮಾ ಈ ಮೊದಲು ಕನ್ನಡದಲ್ಲಷ್ಟೇ ತೆರೆಕಾಣಲಿದೆ ಎನ್ನಲಾಗಿತ್ತು. ಇದೀಗ ಕನ್ನಡದ ಜತೆಗೆ ಮಲಯಾಳಂನಲ್ಲಿಯೂ ಸಿನಿಮಾ ರಿಲೀಸ್​ ಆಗಲಿದೆಯಂತೆ. ಈ ವಿಚಾರವನ್ನು ಸ್ವತಃ ಚಿತ್ರದ ನಾಯಕ ಶ್ರೇಯಸ್​ ಮಂಜು ಸೋಷಿಯಲ್​ ಮೀಡಿಯಾದಲ್ಲಿ ಹೇಳಿಕೊಂಡಿದ್ದಾರೆ.

ಒರು ಅಡಾರ್ ಲವ್​ ಸಿನಿಮಾ ಮೂಲಕ ಸ್ಯಾಂಡಲ್​ವುಡ್​ಗೆ ಪ್ರವೇಶ ಪಡೆದಿದ್ದ ಕಣ್ಸನ್ನೇ ಹುಡುಗಿ ಪ್ರಿಯಾ ವಾರಿಯರ್​, ವಿಷ್ಣುಪ್ರಿಯಾ ಸಿನಿಮಾದಲ್ಲಿ ಶ್ರೇಯಸ್​ ಮಂಜುಗೆ ನಾಯಕಿಯಾಗಿದ್ದಾರೆ. ‘ಈ ವಿಚಾರವನ್ನು ಹಂಚಿಕೊಳ್ಳು ಖುಷಿ ಎನಿಸುತ್ತಿದೆ. ನನ್ನ ಮುಂದಿನ ಸಿನಿಮಾ ವಿಷ್ಣುಪ್ರಿಯಾ ಚಿತ್ರ ಕನ್ನಡದ ಜತೆಗೆ ಮಲಯಾಳಂನಲ್ಲಿಯೂ ಬಿಡುಗಡೆಯಾಗಲಿದೆ. ಅದರ ಫಸ್ಟ್​ಲುಕ್​ ಇಲ್ಲಿದೆ’ ಎಂದಿದ್ದಾರೆ.

ಇದನ್ನೂ ಓದಿ: ಸಿನಿರಂಗದಲ್ಲಿ ಮಾದಕ ವ್ಯಸನಿಗಳಿದ್ದಾರೆ: ಸರ್ಜಾ ಕುಟುಂಬದ ಆಪ್ತ ಪ್ರಶಾಂತ್ ಸಂಬರಗಿ ಹೇಳಿಕೆ

ಶಬ್ಬೀರ್​ ಪಠಾಣ್​ ಚಿತ್ರಕ್ಕೆ ನಿರ್ಮಾಪಕರಾಗಿದ್ದು, ವಿಕೆ ಪ್ರಕಾಶ್ ನಿರ್ದೇಶನ ಮಾಡಿದ್ದಾರೆ. ಗೋಪಿ ಸುಂದರ್​ ಸಂಗೀತ ನೀಡಿದ್ದು, ಕೆ. ಮಂಜು ಅರ್ಪಿಸಿದ್ದಾರೆ. ಸದ್ಯ ಲಾಕ್​ಡೌನ್​ ಹಿನ್ನೆಲೆಯಲ್ಲಿ ಸಿನಿಮಾ ಬಿಡುಗಡೆ ಮುಂದೂಡಲ್ಪಟ್ಟಿದ್ದು, ಯಾವಾಗ ಎಂಬುದನ್ನು ಶೀಘ್ರದಲ್ಲಿ ಬಹಿರಂಗಪಡಿಸಲಿದೆ ಚಿತ್ರತಂಡ.

https://www.vijayavani.net/sandalwood-actor-darshan-at-suttur-math/

https://www.vijayavani.net/sandalwood-druga-ncb-bengaluru-police-actor-pawan-shourya/