Shreya Ghoshal​ ಗಾಯನಕ್ಕೆ ರ್‍ಯಾಪರ್ ಫಿದಾ; ಹಾಡನ್ನು ಕೇಳಿ ಭಾವುಕರಾದ ಬಾದ್​ ಷಾ

ಮುಂಬೈ: ತಮ್ಮ ಗಾಯನದ ಮೂಲಕವೇ ವಿಶ್ವದಾದ್ಯಂತ ಅಪಾರ ಸಂಖ್ಯೆಯ ಅಭಿಮಾನಿಗಳನ್ನು ಹೊಂದಿರುವ ಖ್ಯಾತ ಗಾಯಕಿ ಶ್ರೇಯಾ ಘೋಷಾಲ್​ (Sherya Ghoshal) ಯಾರಿಗೆ ತಾನೇ ಇಷ್ಟವಾಗುವುದಿಲ್ಲ. ಪುಟ್ಟ ಮಕ್ಕಳಿಂದ ಹಿಡಿದು ವಯಸ್ಸಾದವರು ಕೂಡ ಇವರ ಧ್ವನಿಗೆ ಫಿದಾ ಆಗಿದ್ದು, ತಮ್ಮ ಧ್ವನಿಯ ಮೂಲಕವೇ ಗಾಯನ ಲೋಕದಲ್ಲಿ ದೊಡ್ಡ ಮ್ಯಾಜಿಕ್​ ಮಾಡಿದ್ದಾರೆ ಎಂದರೆ ತಪ್ಪಾಗಲಾರದು.

ಹಿಂದಿ ಕಿರುತೆರೆಯ ಪ್ರಖ್ಯಾತ ರಿಯಾಲಿಟಿ ಶೋ ಇಂಡಿಯನ್ಸ್​ ಐಡಲ್​ನಲ್ಲಿ ಶ್ರೇಯಾ ಘೋಷಾಲ್​ ಅತಿಥಿಯಾಗಿ ಭಾಗಿಯಾಗಿದ್ದು, ತಮ್ಮ ಮಾತುಗಳ ಮೂಲಕವೇ ಹೊಸ ಪ್ರತಿಭೆಗಳಿಗೆ ಸ್ಫೂರ್ತಿ ತುಂಬಿದ್ದಾರೆ. ಇದೀಗ ಶ್ರೇಯಾ ಘೋಷಾಲ್​ (Shreya Ghoshal) ಅವರ ಮಧುರ ಧ್ವನಿಗೆ ಖ್ಯಾತ ರ್‍ಯಾಪರ್​ ಬಾದ್​ ಷಾ (Rapper Badshah) ಭಾವುಕರಾಗಿದ್ದು, ಈ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್​ ಆಗಿದೆ.

ವೈರಲ್​ ಆಗಿರುವ ವಿಡಿಯೋ ನೋಡುವುದಾದರೆ ದಢಕ್​ ಚಿತ್ರದ ಹಾಡನ್ನು ಶ್ರೇಯಾ ಘೋಷಾಲ್​ (Shrya Ghoshal) ಹಾಡಿದ್ದು, ಅಲ್ಲೇ ಪಕ್ಕದಲ್ಲೇ ಕುಳಿತಿರುವ ಖ್ಯಾತ ರ್‍ಯಾಪರ್​ ಬಾದ್​ ಷಾ (Badshah) ಕಣ್ಣಲ್ಲಿ ನೀರು ಬರುತ್ತಿರುವುದನ್ನು ನೋಡಬಹುದಾಗಿದೆ. ಜಡ್ಜ್​ಗಳಾದ ಗೀತಾ ಕಪೂರ್, ಕರಿಷ್ಮಾ ಕಪೂರ್ ಶ್ರೇಯಾ ಅವರನ್ನು ಹಾಡಿ ಹೊಗಳುತ್ತಿರುವುದನ್ನು ನೋಡಬಹುದಾಗಿದೆ. ಈ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್​ ಆಗಿದೆ. 

ಇನ್ನೂ ಇತ್ತೀಚಿಗೆ ಕಲ್ಕತ್ತಾದಲ್ಲಿ ನಡೆದ ಕಾರ್ಯಕ್ರಮದಲ್ಲಿ ವಿಶೇಷ ಪ್ರದರ್ಶನ ನೀಡಿದ್ದ ಗಾಯಕಿ ಶ್ರೇಯಾ ಘೋಷಾಲ್​ (Shreya Ghoshal) ಪ್ರೇಕ್ಷಕರಿಗೆ ಚಪ್ಪಾಳೆ ಹೊಡೆಯದಂತೆ ಮನವಿ ಮಾಡಿದ್ದರು. ಈ ವಿಚಾರ ಸಾಮಾಜಿಕ ಜಾಲತಾಣಗಳಲ್ಲಿ ಸಖತ್​ ವೈರಲ್​ ಆಗಿತ್ತು. ಈ ಬಗ್ಗೆ ಸ್ಪಷ್ಟನೆ ನೀಡಿದ್ದ ಗಾಯಕಿ ಟ್ರೈನಿ ವೈದ್ಯೆ ಅತ್ಯಾಚಾರ ಹಾಗೂ ಹತ್ಯೆ ಪ್ರಕರಣವನ್ನು ಖಂಡಿಸಲು ತಾವು ಈ ರೀತಿ ಮಾಡಿದ್ದಾಗಿ ಹೇಳಿಕೊಂಡಿದ್ದರು. ಈ ವಿಚಾರ ವ್ಯಾಪಕ ಮೆಚ್ಚುಗೆಗೆ ಪಾತ್ರವಾಗಿತ್ತು.

https://www.vijayavani.net/doesnt-matter-one-bit-gautam-gambhirs-fiery-take-on-kl-rahul-vs-sarfaraz-khan-debate

https://www.vijayavani.net/death-toll-rises-to-7-in-bengaluru-building-collapse-case