ಬ್ರಾಹ್ಮಣರ ಬೀದಿಯಿಂದ ರಥೋತ್ಸವ ಎಚ್.ಡಿ. ಕೋಟೆ ವೃತ್ತದ ಮೂಲಕ ಗಣೇಶನಗುಡಿ ಬೀದಿಯನ್ನು ಹಾದು ವಿಶ್ವೇಶ್ವರಯ್ಯ ವೃತ್ತವನ್ನು ತಲುಪಿ ಅಲ್ಲಿಂದ ಜೆ.ಎಲ್.ಬಿ.ರಸ್ತೆಯ ಮೂಲಕ ದೇವಾಲಯದ ಆವರಣವನ್ನು ತಲುಪಿತು. ದಾರಿಯುದ್ದಕ್ಕೂ ಭಕ್ತರು ರಥದ ಹಗ್ಗ ಎಳೆದ ಕೃತಾರ್ಥಭಾವ ಅನುಭವಿಸಿದರು. ಪ್ರತಿ ಮನೆ ಮನೆಯಿಂದಲೂ ದೇವರಿಗೆ ಹೂ ಹಣ್ಣು, ಕಾಯಿ ಒಡೆದು ಪೂಜೆ ಸಲ್ಲಿಸಿ ಭಕ್ತಿ ಭಾವ ತೋರಿದರು. ರಥೋತ್ಸವದಲ್ಲಿ ಅಲಂಕೃತ ಜೋಡೆತ್ತುಗಳು, ತಮಟೆ ವಾದನ, ಡೊಳ್ಳುಕುಣಿತ ಸೇರಿದಂತೆ ಮಂಗಳವಾದ್ಯದ ತಂಡ ಪಾಲ್ಗೊಂಡಿದ್ದವು. ಮಧ್ಯಾಹ್ನ 2 ಗಂಟೆಗೆ ದೇವಾಲಯದ ಆವರಣದಲ್ಲಿ ಆಯೋಜಿಸಿದ್ದ ಸಾರ್ವಜನಿಕ ಅನ್ನಸಂತರ್ಪಣೆಯಲ್ಲಿ ನೂರಾರು ಭಕ್ತರು ಪ್ರಸಾದ ಸ್ವೀಕರಿಸಿದರು.
