ದೇವರಿಗೆ ಆರತಿ ಮಾಡುವಾಗ ನಿಮ್ಮ ಕಣ್ಣುಗಳನ್ನು ತೆರೆದಿಡಬೇಕೇ ಅಥವಾ ಮುಚ್ಚಬೇಕೇ? ಶಾಸ್ತ್ರಗಳಲ್ಲಿ ಹೇಳಿರೋದೇನು.? aarti

aarti | ಹಿಂದೂ ಧರ್ಮದಲ್ಲಿ ದೇವರ ಆರಾಧನೆ ಸಮಯದಲ್ಲಿ ಆರತಿಗಾಗಿ ಹೆಚ್ಚಿನ ಪ್ರಾಮುಖ್ಯತೆ ನೀಡಲಾಗಿದೆ. ಅಂದಹಾಗೆ ಆರತಿ ಮಾಡುವಾಗ ಕಣ್ಣುಗಳನ್ನು ಮುಚ್ಚಬೇಕೆ ಅಥವಾ ಕಣ್ಣುಗಳನ್ನು ತೆರೆದಿಡಬೇಕೆ ಎಂಬುದು ಹಲವರ ಪ್ರಶ್ನೆಯಾಗಿದೆ. ಆರತಿ ಕೇವಲ ಪೂಜೆಯ ಒಂದು ಭಾಗವಲ್ಲ, ಅದು ದೇವರೊಂದಿಗೆ ಸಂಪರ್ಕ ಸಾಧಿಸಲು ಸುಲಭ ಮತ್ತು ಅತ್ಯಂತ ಸುಂದರವಾದ ಮಾರ್ಗವಾಗಿದೆ. ಆರತಿಯು ಪಂಚಭೂತಗಳನ್ನು ಪ್ರತಿನಿಧಿಸುತ್ತದೆ ಮತ್ತು ಕಣ್ಣು ತೆರೆದು ಆರತಿಯನ್ನು ನೋಡುವುದರಿಂದ ಆ ಶಕ್ತಿಯನ್ನು ನಾವು ಪಡೆಯಬಹುದು. ಕಣ್ಣು ಮುಚ್ಚುವುದರಿಂದ ಆ ಶಕ್ತಿಯನ್ನು ಸಂಪೂರ್ಣವಾಗಿ ಪಡೆಯಲು ಸಾಧ್ಯವಾಗುವುದಿಲ್ಲ. ಭಗವಂತನನ್ನು ಸಂಪೂರ್ಣವಾಗಿ ನೋಡುವುದರಿಂದ ಮತ್ತು ಧನಾತ್ಮಕ ಚಿಂತನೆಗಳನ್ನು ಇಟ್ಟುಕೊಳ್ಳುವುದರಿಂದ ನಮಗೆ ಅನುಗ್ರಹ ದೊರೆಯುತ್ತದೆ ಎಂದು ಹೇಳಲಾಗಿದೆ.

ಇದನ್ನೂ ಓದಿ: ಪಾಕಿಸ್ತಾನದಲ್ಲೂ ಜನ್ಮಾಷ್ಟಮಿ ಆಚರಣೆ; ಹಾಗಿದ್ರೆ ಪ್ರಪಂಚದ ಯಾವ ದೇಶಗಳಲ್ಲಿ ಶ್ರೀ ಕೃಷ್ಣನನ್ನು ಪೂಜಿಸಲಾಗುತ್ತದೆ.? Krishna Janmashtami

ಆರತಿ ಸಮಯದಲ್ಲಿ ಕಣ್ಣುಗಳನ್ನು ಏಕೆ ತೆರೆಯಬೇಕು.?

ನಾವು ಆರತಿ ಮಾಡುವಾಗ ದೇವರು ಅಲ್ಲಿ ಇರುತ್ತಾನೆ ಎಂದು ನಂಬಲಾಗಿದೆ. ಅಂತಹ ಪರಿಸ್ಥಿತಿಯಲ್ಲಿ ಕಣ್ಣು ಮುಚ್ಚುವುದು ಅವನನ್ನು ಭೇಟಿಯಾಗುವ ಅವಕಾಶವನ್ನು ಕಳೆದುಕೊಂಡಂತೆ. ಆರತಿ ಮಾಡುವಾಗ ಮತ್ತು ದೇವರ ವಿಗ್ರಹ, ಚಿತ್ರ ಅಥವಾ ಬೆಳಕನ್ನು ನೋಡುವಾಗ ನಿಮ್ಮ ಕಣ್ಣುಗಳನ್ನು ತೆರೆದಿಟ್ಟುಕೊಳ್ಳುವುದು ಭಕ್ತಿಯ ಭಾವನೆಯನ್ನು ಹೆಚ್ಚಿಸುತ್ತದೆ ಮತ್ತು ಮನಸ್ಸು ಸಂಪೂರ್ಣವಾಗಿ ದೇವರ ಮೇಲೆ ಕೇಂದ್ರೀಕೃತವಾಗಿರುತ್ತದೆ. ಜೊತೆಗೆ ನಾವು ದೇವರ ಪ್ರತಿರೂಪವನ್ನು ನೋಡಿದಾಗ, ಹಲವು ಬಾರಿ ನಮಗೆ ದೈವಿಕ ಅನುಭವವೂ ಆಗುತ್ತದೆ. ನಾವು ನಮ್ಮ ಕಣ್ಣುಗಳನ್ನು ತೆರೆದಿಟ್ಟಾಗ ಮಾತ್ರ ಈ ಅನುಭವ ಸಾಧ್ಯ. ಆದರೆ ಮಂತ್ರ ಪಠಣ ಅಥವಾ ಧ್ಯಾನದ ಸಮಯದಲ್ಲಿ ಕಣ್ಣುಗಳನ್ನು ಮುಚ್ಚಿಕೊಂಡಿರುವುದು ಒಳ್ಳೆಯದು ಎಂದು ಹೇಳಲಾಗುತ್ತದೆ. ಆದರೆ ಆರತಿಯ ಸಮಯದಲ್ಲಿ ಕಣ್ಣುಗಳನ್ನು ತೆರೆದಿಡುವುದರಿಂದ ನಾವು ದೇವರ ಶಕ್ತಿ ಮತ್ತು ಆಶೀರ್ವಾದಗಳನ್ನು ಅನುಭವಿಸಬಹುದು.

ಪೂಜೆ ಸಮಯದಲ್ಲಿ ಆರತಿಗೆ ವಿಶೇಷ ಪ್ರಾಮುಖ್ಯತೆ ಇದೆ ಎಂದು ನಮಗೆಲ್ಲರಿಗೂ ತಿಳಿದಿದೆ. ಅಂದಹಾಗೆ ದೇವಸ್ಥಾನವಾಗಲಿ ಅಥವಾ ಮನೆಯಾಗಲಿ, ಪೂಜೆಯ ಕೊನೆಯಲ್ಲಿ ಆರತಿಯನ್ನು ತಪ್ಪದೆ ಮಾಡಲಾಗುತ್ತದೆ. ಆರತಿಯ ಸಮಯದಲ್ಲಿ ದೇವರನ್ನು ನೋಡುವುದು ಮತ್ತು ಅವನ ಬೆಳಕನ್ನು ಅನುಭವಿಸುವುದು ಪೂಜೆಯ ನಿಜವಾದ ಸಾರವಾಗಿದೆ. ನಾವು ನಮ್ಮ ಕಣ್ಣುಗಳನ್ನು ಮುಚ್ಚಿದರೆ, ದೇವರು ನಮ್ಮ ಮುಂದೆಯೇ ಇದ್ದರೂ ಅದನ್ನು ನಿರ್ಲಕ್ಷಿಸಿದಂತೆ ಎಂದು ನಂಬಲಾಗಿದೆ.

ಇದನ್ನೂ ಓದಿ:  ಯೂಟ್ಯೂಬರ್ 'ಜ್ಯೋತಿ ಮಲ್ಹೋತ್ರಾ' ಐಎಸ್‌ಐ ಏಜೆಂಟ್‌ಗಳ ಸಂಪರ್ಕ ಪತ್ತೆ; 2,500 ಪುಟಗಳ ಚಾರ್ಜ್‌ಶೀಟ್ ಸಲ್ಲಿಕೆ| youtuber

ಆರತಿ ಮಾಡಲು ಸರಿಯಾದ ನಿಯಮಗಳು:

4. ಆರತಿಯ ನಂತರ ಶಂಖವನ್ನು ಊದುವುದು ಬಹಳ ಶುಭವೆಂದು ಪರಿಗಣಿಸಲಾಗುತ್ತದೆ. ಇದು ನಕಾರಾತ್ಮಕ ಶಕ್ತಿಯನ್ನು ತೆಗೆದುಹಾಕುತ್ತದೆ.

3. ಮೊದಲು, ದೀಪವನ್ನು ನಾಲ್ಕು ಬಾರಿ ಭಗವಂತನ ಪಾದಗಳ ಕಡೆಗೆ, ಎರಡು ಬಾರಿ ಹೊಕ್ಕುಳಿನ ಕಡೆಗೆ ಮತ್ತು ಒಮ್ಮೆ ಮುಖದ ಕಡೆಗೆ ತಿರುಗಿಸಿ. ಇದರ ನಂತರ ಇಡೀ ವಿಗ್ರಹದ ಮುಂದೆ ಆರತಿ ಮಾಡಿ.

2. ಆರತಿ ತಟ್ಟೆಯಲ್ಲಿ ಹೂ, ಕರ್ಪೂರ, ಅಕ್ಷತೆ ಸೇರಿದಂತೆ ಅಗತ್ಯ ವಸ್ತುಗಳನ್ನು ಇರಿಸಿ

1. ನಿಂತಿಕೊಂಡು ಆರತಿ ಮಾಡಿ

(ಏಜೆನ್ಸೀಸ್)

https://www.vijayavani.net/astronaut-shubhanshu-shukla-to-return-to-india-tomorrow-pm-narendra-modi-likely-to-meet-him-shubhanshu-shukla