ಬ್ರೇಕ್ ಇನ್ಸ್ಪೆಕ್ಟರ್ಗಳ ಕೊರತೆ ನಿವಾರಣೆಗಾಗಿ ಕರ್ನಾಟಕ ಸಾಮಾನ್ಯ ಸೇವೆಗಳು (ಮೋಟಾರು ವಾಹನ ಶಾಖೆ) ನೇಮಕಾತಿ ನಿಯಮ -2022ಕ್ಕೆ ತಿದ್ದುಪಡಿ ತಂದಿದ್ದು, ಸಚಿವ ಸಂಪುಟದಲ್ಲಿ ಅನುಮೋದನೆಯೂ ದೊರೆತಿದೆ. ಇದರನ್ವಯ ಸಿ ಗ್ರೂಪ್ನ ಎಫ್ಡಿಎ, ಶೀಘ್ರಲಿಪಿಗಾರ, ಹಿರಿಯ ಬೆರಳಚ್ಚುಗಾರ ಹಾಗೂ ಹಿರಿಯ ಚಾಲಕರಿಗೆ ಮೋಟಾರು ವಾಹನ ನಿರೀಕ್ಷಕ ಹುದ್ದೆಗೆ ಮುಂಬಡ್ತಿ ಕೊಡಲು ಅವಕಾಶ ಸಿಕ್ಕಿದೆ. ಆದರೆ, ಕ್ಲರಿಕಲ್ ಸಿಬ್ಬಂದಿಗೆ ಬಡ್ತಿ ಪ್ರಕ್ರಿಯೆಯನ್ನು ಇಲಾಖೆ ಆರಂಭಿಸಿಯೇ ಇಲ್ಲ. ತಿದ್ದುಪಡಿ ನಿಯಮದ ಪ್ರಕಾರ 3 ವರ್ಷಗಳ ಅವಧಿಯ ಅಟೋಮೊಬೈಲ್ ಇಂಜಿನಿಯರಿಂಗ್, ಮೆಕಾನಿಕಲ್ ಇಂಜಿನಿಯರಿಂಗ್ ಡಿಪ್ಲೊಮಾ ಆಗಿರುವ ಎಫ್ಡಿಎ, ಶೀಘ್ರಲಿಪಿಗಾರ, ಬೆರಳಚ್ಚುಗಾರ, ಹಿರಿಯ ಚಾಲಕರಿಗೆ ಬಡ್ತಿ ಕೊಡಲು ಅವಕಾಶವಿದೆ. ಆದ್ದರಿಂದ ಅರ್ಹತೆ ಹೊಂದಿರುವ ಕ್ಲರಿಕಲ್ ಸಿಬ್ಬಂದಿಗೆ ಆದಷ್ಟು ಬೇಗ ಮುಂಬಡ್ತಿ ಕೊಟ್ಟರೆ ಇನ್ಸ್ಪೆಕ್ಟರ್ಗಳ ಅಭಾವ ಸ್ವಲ್ಪವಾದರೂ ನೀಗುತ್ತದೆ ಎಂದು ಸಾರಿಗೆ ಇಲಾಖೆ ಹಿರಿಯ ಅಧಿಕಾರಿಗಳು ಅಭಿಪ್ರಾಯಪಟ್ಟಿದ್ದಾರೆ.
