ಮಹಿಳೆ ಮನೆಯಲ್ಲಿ ಹಲ್ಲಿ ಓಡಿಸಲು ಹೋದ ಇನ್ಸ್​ಪೆಕ್ಟರ್​ ದುರಂತ ಸಾವು: ಸಿಸಿಟಿವಿಯಲ್ಲಿ ಭಯಾನಕ ದೃಶ್ಯ!

ವಿಜಯವಾಡ: ಆಂಧ್ರ ಪ್ರದೇಶದ ನೆಲ್ಲೂರ್​ ಪಟ್ಟಣದ ವೃತ್ತ ನಿರೀಕ್ಷಕ (ಸರ್ಕಲ್​ ಇನ್ಸ್​ಪೆಕ್ಟರ್​) ಶೇಷ ರಾವ್​ ನಿಗೂಢ ಸಾವಿನ ಪ್ರಕರಣದ ರಹಸ್ಯ ಸಿಸಿಟಿವಿ ಕ್ಯಾಮೆರಾ ಸಹಾಯದಿಂದ ಬಯಲಾಗಿದೆ. ಆರಂಭದಲ್ಲಿ ಸಾವಿನ ಬಗ್ಗೆ ಅನುಮಾನ ವ್ಯಕ್ತಪಡಿಸಿದ್ದ ಸಿಐಡಿಗ ಸಿಸಿಟಿವಿ ದೃಶ್ಯಾವಳಿ ಮಹತ್ವದ ತಿರುವು ನೀಡಿದೆ.

ಸಿಐ ಶೇಷ ರಾವ್​ ಸಾವಿಗೆ ಹಲ್ಲಿ ಕಾರಣ ಎಂದು ತಿಳಿದುಬಂದಿದೆ. ಶೇಷ ರಾವ್​ ಅವರು ತಮ್ಮ ಪರಿಚಯದ ಮಹಿಳೆ ಮನೆಗೆ ತೆರಳಿದ್ದಾರೆ. ಈ ವೇಳೆ ನಿರ್ಮಾಣ ಹಂತದಲ್ಲಿದ್ದ ಎಲೆವೇಟರ್​ ಬಳಿ ಹಲ್ಲಿಯೊಂದನ್ನು ನೋಡಿದ್ದಾರೆ. ಅದನ್ನು ಓಡಿಸಲು ಎಂದು ಕಸಬರಿಕೆ ತೆಗೆದುಕೊಂಡು ಹೋಗಿ ಗುಡಿಸುವಾಗ ಕಾಲು ಜಾರಿ ಕಟ್ಟದಿಂದ ಕೆಳಗೆ ಬಿದ್ದಿದ್ದಾರೆ. ಈ ಎಲ್ಲ ಘಟನೆಯೂ ಸಿಸಿಟಿವಿಯಲ್ಲಿ ದಾಖಲಾಗಿದೆ.

ತಕ್ಷಣ ಶೇಷ ರಾವ್​ ಅವರನ್ನು ಆಸ್ಪತ್ರೆಗೆ ದಾಖಲಿಸಿದಾದರೂ ತೀವ್ರ ಗಾಯಗೊಂಡಿದ್ದರಿಂದ ಆಸ್ಪತ್ರೆಯಲ್ಲಿ ಮೃತಪಟ್ಟಿದ್ದಾರೆ. ಆರಂಭದಲ್ಲಿ ಪ್ರಕರಣದಲ್ಲಿ ಅನುಮಾನ ಮೂಡಿತ್ತು ಬಳಿಕ ಸಿಸಿಟಿವಿಯನ್ನು ಪರಿಶೀಲಿಸಿದಾಗ ಕೆಲವು ಮಹತ್ವದ ಸುಳಿವು ಸಿಕ್ಕಿತು.

ಇದನ್ನೂ ಓದಿರಿ: ಕಾಂಗ್ರೆಸ್ ಮನೆ ಹೊಸ್ತಿಲಿಗೆ ಬಂದ ಮಧುಬಂಗಾರಪ್ಪ! ಶಿವರಾತ್ರಿ ದಿನವೇ ಮಹತ್ವದ ಚರ್ಚೆ

ಘಟನೆ ಹಿನ್ನೆಲೆ

ನೆಲ್ಲೂರ್​ನಲ್ಲಿ ವಾಸವಿದ್ದ ಸಿಐ ಶೇಷ ರಾವ್​, ಭಾನುವಾರ (ಮಾರ್ಚ್​​ 7) ಗುಂಟೂರಿನ ಪಂಡರಿಪುರಂನಲ್ಲಿರುವ ಮಹಿಳೆ ಮನೆಗೆ ತೆರಳಿದ್ದರು. ಮಗಳ ಮೆಡಿಕಲ್​ ಸೀಟ್​ ಬಗ್ಗೆ ಮಾತನಾಡಲು ಬೆಳಗ್ಗೆ 9 ಗಂಟೆ ಸುಮಾರಿಗೆ ಹೋಗಿದ್ದರು. ಈ ವೇಳೆ ನಿರ್ಮಾಣ ಹಂತದ ಎಲೆವೇಟರ್​ ಬಳಿ ಹಲ್ಲಿ ಪತ್ತೆಯಾಗಿದೆ. ಅದನ್ನು ಓಡಿಸಲೆಂದು ಕಸಬರಿಕೆ ತೆಗೆದುಕೊಂಡು ಹೋಗಿ ಗುಡಿಸುವಾಗ ಆಕಸ್ಮಿಕವಾಗಿ ಕಟ್ಟಡದಿಂದ ಕೆಳಗೆ ಬಿದ್ದಿದ್ದಾರೆ.

ತಕ್ಷಣ ಮಹಿಳೆ ಶೇಷ ರಾವ್​ ಕುಟುಂಬಕ್ಕೆ ಮಾಹಿತಿ ನೀಡಿದ್ದಾರೆ. ತಕ್ಷಣ ಅವರನ್ನು ಗುಂಟೂರು ಆಸ್ಪತ್ರೆಗೆ ದಾಖಲಿಸಿದಾದರೂ ಚಿಕಿತ್ಸೆ ಫಲಿಸದೇ ಮೃತಪಟ್ಟಿದ್ದಾರೆ. ಮೃತದೇಹವನ್ನು ಮರಣೋತ್ತರ ಪರೀಕ್ಷೆಗೆ ಕಳುಹಿಸಲಾಗಿದೆ. ಪ್ರಕರಣ ದಾಖಲಾಗಿದ್ದು, ತನಿಖೆ ಮುಂದುವರಿದಿದೆ. (ಏಜೆನ್ಸೀಸ್​)

(ವಿಡಿಯೋ ಕೃಪೆ- ಸಾಹೋ ಟಿವಿ)

https://www.vijayavani.net/roberrt-darshan-d-boss-sandalwood-kannada-film/

https://www.vijayavani.net/different-eyewitness-versions-about-how-mamata-banerjee-got-injured/

https://www.vijayavani.net/mamata-banerjee-in-hospital-fracture-in-foot/