ಮುಂದೆ ಅವನೊಬ್ಬ… ನಿವೃತ್ತಿ ಬೆನ್ನಲ್ಲೇ ತನ್ನಿಂದ ದೂರವಿರುವ ಪುತ್ರನನ್ನು ನೆನೆದು ಶಿಖರ್​ ಭಾವುಕ!

ನವದೆಹಲಿ: ಟೀಂ ಇಂಡಿಯಾದ ಮಾಜಿ ಕ್ರಿಕೆಟಿಗ, ಆರಂಭಿಕ ಎಡಗೈ ಬ್ಯಾಟ್ಸ್​ಮನ್ ಶಿಖರ್ ಧವನ್​ ಇಂದು ತಮ್ಮ ಅಂತಾರಾಷ್ಟ್ರೀಯ ದೇಶೀಯ ಕ್ರಿಕೆಟ್​ಗೆ ವಿದಾಯ ಘೋಷಿಸಿದ್ದು, ವಿಡಿಯೋ ಮೂಲಕ ಕ್ರಿಕೆಟ್​ ಲೋಕಕ್ಕೆ ಗುಡ್​ಬೈ ತಿಳಿಸಿದರು. ಪಂಜಾಬ್ ಕಿಂಗ್ಸ್​ ನಾಯಕನಾಗಿ ನೋಡುಗರ ಮನಗೆದ್ದ ಸ್ಟಾರ್​ ಕ್ರಿಕೆಟಿಗ ಇದೀಗ ದಿಢೀರ್​ ನಿವೃತ್ತಿ ವಿಷಯ ಹಂಚಿಕೊಂಡಿದ್ದು, ಅಭಿಮಾನಿಗಳಿಗೆ ಭಾರೀ ಅಚ್ಚರಿ ಉಂಟಾಗಿದೆ. ರಿಟೈರ್​ ಸುದ್ದಿ ತಿಳಿಯುತ್ತಿದ್ದಂತೆ ಅವರ ಮುಂದಿನ ದಿನಗಳು ಚೆನ್ನಾಗಿರಲಿ ಎಂದು ಶುಭಕೋರುತ್ತಿದ್ದ ನೆಟ್ಟಿಗರಿಗೆ ಇದೀಗ ಮತ್ತೊಂದು ಬೇಸರದ ಸಂಗತಿ ಎದುರಾಗಿದೆ.

ಇದನ್ನೂ ಓದಿ: ರೋಟರಿ ಕ್ಲಬ್‌ದಿಂದ ಜನಮುಖಿ-ಸಮಾಜಮುಖಿ ಕಾರ್ಯ

ತನ್ನಿಂದ ದೂರವಾಗಿರುವ ಪುತ್ರನನ್ನು ನೆನೆದು ಶಿಖರ್​ ಭಾವುಕರಾಗಿದ್ದಾರೆ. 3-4 ವರ್ಷಗಳ ಹಿಂದೆ ಧವನ್​ ಅವರಿಂದ ವಿಚ್ಛೇದನ ಪಡೆದುಕೊಂಡ ಪತ್ನಿ ಅಯೇಷಾ ಮುಖರ್ಜಿ, ತಮ್ಮಿಬ್ಬರಿಗೆ ಜನಿಸಿದ ಮಗನನ್ನು ತಮ್ಮೊಂದಿಗೆ ಇರಿಸಿಕೊಳ್ಳುವ ಮೂಲಕ ಮಾಜಿ ಪತಿಗೆ ಮಗನ ಮುಖ ಕಾಣದಂತೆ ನೋಡಿಕೊಳ್ಳುತ್ತಿದ್ದಾರೆ. ಇಬ್ಬರ ಮಧ್ಯೆಯಿದ್ದ ದಾಂಪತ್ಯ ಜೀವನ ಮುರಿದುಬಿದ್ದ ನಂತರ ಧವನ್​ ಆಗಾಗ್ಗೆ ತಮ್ಮ ಪುತ್ರನನ್ನು ಕಣ್ತುಂಬಿಕೊಳ್ಳಲು ಕಾತರ ವ್ಯಕ್ತಪಡಿಸುತ್ತಿರುತ್ತಾರೆ. ಈ ವಿಷಯಕ್ಕೆ ಸಂಬಂಧಿಸಿದಂತೆ ಅವರು ತಮ್ಮ ಸೋಷಿಯಲ್ ಮೀಡಿಯಾದಲ್ಲಿ ಪುತ್ರನ ಫೋಟೋ ಹಾಕಿ ಭಾವನಾತ್ಮಕ ಸಂದೇಶ ಹಂಚಿಕೊಳ್ಳುತ್ತಾರೆ.

ಇದೀಗ ನಿವೃತ್ತಿ ಘೋಷಿಸಿದ ಬೆನ್ನಲ್ಲೇ ಪುತ್ರನ ಭವಿಷ್ಯವನ್ನು ನೆನಪಿಸಿಕೊಂಡ ಶಿಖರ್​, "ಒಬ್ಬ ಉತ್ತಮ ಆಟಗಾರ ತನ್ನ ತಂಡಕ್ಕೆ ಹಾಗೂ ದೇಶಕ್ಕೆ ಒಳ್ಳೆಯ ಕೊಡುಗೆ ಮತ್ತು ಸೇವೆ ಸಲ್ಲಿಸಿದ್ದಾನೆ. ಅದೇ ರೀತಿ ನನ್ನ ಮಗ ಕೂಡ ಬೆಳೆಯಬೇಕು. ಈ ಸಮಾಜಕ್ಕೆ ಅತ್ಯುತ್ತಮ ಕೊಡುಗೆ ನೀಡಬೇಕು, ಎಲ್ಲರಿಗೂ ಒಳಿತನ್ನೇ ಬಯಸುವಂತ ಮನುಷ್ಯನಾಗಬೇಕು. ಕರಿಯರ್​ಗಿಂತಲೂ ಜೀವನದಲ್ಲಿ ಇದೇ ಬಹಳ ಮುಖ್ಯವಾದದ್ದು. ಇಲ್ಲಿ ನಾನು ಕಣ್ಣೀರಾಕಲು ಬಯಸುವುದಿಲ್ಲ" ಎಂದು ಮತ್ತೊಮ್ಮೆ ಈ ಸನ್ನಿವೇಶದಲ್ಲಿ ಪುತ್ರನೊಂದಿಗಿದ್ದ ಕ್ಷಣಗಳನ್ನು ನೆನದು ಭಾವುಕರಾಗಿದ್ದಾರೆ,(ಏಜೆನ್ಸೀಸ್).

https://www.vijayavani.net/this-three-indian-cricketers-who-strictly-avoid-alcohol