ಏ. 9ರ ಶಬ್​ ಇ ಬರಾತ್​ ಪ್ರಾರ್ಥನೆ ರದ್ದುಗೊಳಿಸಿದ ವಕ್ಫ್​ಬೋರ್ಡ್: ಮನೆಯಲ್ಲೇ ಪ್ರಾರ್ಥನೆ ಮಾಡುವಂತೆ ಸೂಚನೆ

ಬೆಂಗಳೂರು: ಕರೊನಾ ಸೋಂಕು ಹರಡಿರುವ ಹಿನ್ನೆಲೆಯಲ್ಲಿ ರಾಜ್ಯ ವಕ್ಫ್​ಬೋರ್ಡ್​ ಶಬ್​ ಇ ಬರಾತ್​ ಪ್ರಾರ್ಥನೆಗೆ ಬ್ರೇಕ್​ ಹಾಕಿದೆ.

ಏಪ್ರಿಲ್ 9 ರಂದು ಶಬ್​ ಇ ಬರಾತ್​ ಪ್ರಾರ್ಥನೆ ಇದ್ದು, ಮಸೀದಿಯಲ್ಲಿ ಪ್ರಾರ್ಥನೆ ಮಾಡುವ ಬದಲು ಮನೆಯಲ್ಲೇ ಪ್ರಾರ್ಥನೆ ಮಾಡಬೇಕು ಹಾಗೂ ಖಬರ್ಸ್ತಾನಕ್ಕೆ ಪ್ರವೇಶ ನಿಷೇಧಿಸಲಾಗಿದೆ ಎಂದು ವಕ್ಫ್​ಬೋರ್ಡ್​ ತಿಳಿಸಿದೆ.

ಪ್ರಾರ್ಥನೆ ರದ್ದು ಮಾಡಿರುವ ವಿಷಯವನ್ನು ಬೋರ್ಡ್​ ರಾಜ್ಯದ ಎಲ್ಲ ಮಸೀದಿ ಹಾಗೂ ಖಬರ್ಸ್ತಾನ ಮುಖ್ಯಸ್ಥರಿಗೆ ರವಾನಿಸಿದೆ.

ರಾಜ್ಯದಲ್ಲಿ ಕರೊನಾ ವೈರಸ್​ ಸೋಂಕು ತೀವ್ರವಾಗಿ ಹರಡಿರುವ ಹಿನ್ನೆಲೆಯಲ್ಲಿ ಪ್ರಾರ್ಥನೆ ಹಾಗೂ ಖಬರ್ಸ್ತಾನಕ್ಕೆ ಭೇಟಿ ನೀಡುವುದನ್ನು ನಿಷೇಧಿಸಲಾಗಿದೆ.

ದೆಹಲಿಯಲ್ಲಿ ನಡೆದ ಪ್ರಾರ್ಥನಾ ಸಭೆಯಲ್ಲಿ ಭಾಗವಹಿಸಿದ್ದವರಿಗೆ ಕರೊನಾ ಸೋಂಕು ಹರಡಿ ತೀವ್ರ ವಿವಾದ ಸೃಷ್ಟಿಯಾದ ಹಿನ್ನೆಲೆಯಲ್ಲಿ ಬೋರ್ಡ್​ ಈ ನಿರ್ಧಾರ ಕೈಗೊಂಡಿದೆ.

https://www.vijayavani.net/dd-sports-to-telecast-cricket-matches-from-the-2000s/