ಏನೇನು ಚರ್ಚೆ?: ಬೆಲೆ ಏರಿಕೆಯಿಂದ ಜನಸಾಮಾನ್ಯರು ತತ್ತರಿಸಿದ್ದಾರೆ. ಸರ್ಕಾರ ಯಾವುದೇ ರೀತಿಯಲ್ಲಿಯೂ ಬೆಲೆ ತಗ್ಗಿಸುವ ಪ್ರಯತ್ನ ಮಾಡಿಲ್ಲ. ಪ್ರತಿಪಕ್ಷಗಳ ಬಳಿಯಲ್ಲಿರುವ ಪ್ರಮುಖ ಅಸ್ತ್ರವೇ ಇದಾಗಿದೆ. ಕರೊನಾದಿಂದ ಸಂಭವಿಸಿರುವ ಸಾವು, ಇನ್ನೂ ಸಿಗದ ಪರಿಹಾರ, ಮೂರನೇ ಅಲೆ ಎದುರಿಸಲು ಆಗದ ಸಿದ್ಧತೆ, ರಾಜ್ಯದಲ್ಲಿನ ಕಾನೂನು ಸುವ್ಯವಸ್ಥೆ, ಕುಸಿದು ಬಿದ್ದಿರುವ ಆರ್ಥಿಕ ಸ್ಥಿತಿ, ಜಾತಿಗಣತಿ ವರದಿ ಬಿಡುಗಡೆ, ಕೇಂದ್ರದಿಂದ ಸಿಗದ ನೆರವು, ನೀರಾವರಿ ವಿಚಾರಗಳು, ಪ್ರವಾಹ ಪರಿಸ್ಥಿತಿ, ಮಿತಿಮೀರಿದ ಭ್ರಷ್ಟಾಚಾರ, ದಂಧೆಯಂತಾಗಿರುವ ವರ್ಗಾವಣೆ.. ಹೀಗೆ ಸಾಲು ಸಾಲು ವಿಚಾರಗಳನ್ನಿಟ್ಟುಕೊಂಡು ಸರ್ಕಾರದ ವಿರುದ್ಧ ಮುಗಿಬೀಳಲು ಅಧಿಕೃತ ಪ್ರತಿಪಕ್ಷ ಕಾಂಗ್ರೆಸ್ ಹಾಗೂ ಜೆಡಿಎಸ್ ಸಜ್ಜಾಗಿವೆ.
