ಸೆನ್ಸೆಕ್ಸ್ 582 ಅಂಕ ಕುಸಿತ: ಬಿದ್ದ ಪ್ರಮುಖ ಷೇರುಗಳು ಇವೇ ನೋಡಿ..

ಮುಂಬೈ: ಭಾರತದ ಷೇರುಪೇಟೆ ಆ.8(ಗುರುವಾರ) ದಿನವಿಡೀ ಏರಿಳಿತಗೊಂಡು ಕೊನೆಗೆ ಸಂಜೆ ವೇಳೆಗೆ ನಷ್ಟದೊಂದಿಗೆ ಅಂತ್ಯಗೊಂಡವು. ಸೆನ್ಸೆಕ್ಸ್ 582 ಅಂಕ ಕುಸಿದು 78,886ಕ್ಕೆ ಕೊನೆಗೊಂಡಿತು. ನಿಫ್ಟಿ 181 ಅಂಕ ಕುಸಿದು 24,117ಕ್ಕೆ ತಲುಪಿದೆ. ನಿಫ್ಟಿ ಬ್ಯಾಂಕ್ 38 ಪಾಯಿಂಟ್ ಏರಿಕೆ ಕಂಡು 50,157ಕ್ಕೆ ಸ್ಥಿರವಾಯಿತು.

ಇದನ್ನೂ ಓದಿ: ಲೋಕಸಭೆ ಸ್ಪೀಕರ್ ಮೇಲೆ ಅಖಿಲೇಶ್ ಗಂಭೀರ ಆರೋಪ..ಅಮಿತ್ ಶಾ ತಿರುಗೇಟು

ಇನ್ನು ನಿಫ್ಟಿ ಮಿಡ್ ಕ್ಯಾಪ್ 150 ಸೂಚ್ಯಂಕ ಸಹ 193 ಅಂಕ ಕಳೆದುಕೊಂಡು 56,681 ಮಟ್ಟವನ್ನು ತಲುಪಿದೆ. ಆರ್‌ಬಿಐ ನೀತಿ ಪ್ರಕಟವಾದ ಬೆನ್ನಲ್ಲೇ ಸೆನ್ಸೆಕ್ಸ್, ನಿಫ್ಟಿ ಕುಸಿತ ಕಂಡಿರುವುದು ವಿಶೇಷವಾಗಿದೆ.

ಭಾರತದ ಬೆಂಚ್ಮಾರ್ಕ್ ಸೂಚ್ಯಂಕ ನಿಫ್ಟಿ ಅತ್ಯಂತ ಅಸ್ಥಿರವಾದ ಅವಧಿಯಲ್ಲಿ 24,100 ಕ್ಕಿಂತ ಕಡಿಮೆಯಾಗಿದೆ. ಇದೇ ಸಂದರ್ಭ ಸೆನ್ಸೆಕ್ಸ್‌ನ 30 ಷೇರುಗಳಲ್ಲಿ 23 ಕುಸಿತ ಕಂಡಿವೆ. ನಿಫ್ಟಿಯ 50 ಷೇರುಗಳ ಪೈಕಿ 39 ಷೇರುಗಳು ಇಳಿಕೆ ಕಂಡಿವೆ.

ನಿಫ್ಟಿಯಲ್ಲಿ ಬಿದ್ದ ಪ್ರಮುಖ ಷೇರುಗಳಲ್ಲಿ ಎಲ್​ಟಿಐ ಮೈಂಡ್​ಟ್ರೀ, ಗ್ರಾಸಿಂ ಇಂಡಸ್ಟ್ರೀಸ್​, ಏಷಿಯನ್​ ಪೈಂಟ್ಸ್​, ಪವರ್​ ಗ್ರಿಡ್​ ಕಾರ್ಪೋರೇಷನ್​, ಇನ್ಫೋಸಿಸ್​ ಸೇರಿವೆ. ಎಚ್‌ಡಿಎಫ್‌ಸಿ ಲೈಫ್, ಟಾಟಾ ಮೋಟಾರ್ಸ್, ಎಸ್‌ಬಿಐ ಲೈಫ್, ಎಚ್‌ಡಿಎಫ್‌ಸಿ ಬ್ಯಾಂಕ್ ಮತ್ತು ಸಿಪ್ಲಾ ಟಾಪ್ 5 ಏರುತ್ತಿರುವ ಷೇರುಗಳಾಗಿವೆ.

ಸೆನ್ಸೆಕ್ಸ್ ಮತ್ತು ನಿಫ್ಟಿ ಶೇ.0.5ರಷ್ಟು ನಷ್ಟವಾಯಿತು. ಮಿಡ್ ಕ್ಯಾಪ್ ಮತ್ತು ಸ್ಮಾಲ್ ಕ್ಯಾಪ್ ಸೂಚ್ಯಂಕಗಳಲ್ಲಿ ಒತ್ತಡ ಕಂಡುಬಂದಿದೆ. ಮತ್ತೊಂದೆಡೆ, ಭಾರತೀಯ ರೂಪಾಯಿ ಇಂದು ಸ್ಥಿರವಾಗಿ ಕೊನೆಗೊಂಡಿದೆ. ರೂಪಾಯಿ ಗುರುವಾರ ಡಾಲರ್‌ಗೆ 83.96 ಕ್ಕೆ ತಲುಪಿದ್ದರೆ, ಬುಧವಾರ 83.95 ಕ್ಕೆ ಹೋಲಿಸಿದರೆ. ಜಗತ್ತಿನಾದ್ಯಂತ ಅಸ್ಥಿರ ಸಿಗ್ನಲ್ ಗಳಿಂದ ಷೇರುಪೇಟೆ ನಷ್ಟಕ್ಕೆ ಜಾರಿದೆ ಎಂದು ವ್ಯಾಪಾರ ಮೂಲಗಳು ಹೇಳುತ್ತವೆ.

https://www.vijayavani.net/waqf-board-amendment-bill-introduced-in-lok-sabha-amid-opposition-protests