‘‘ಇದರ ಹಿಂದಿನ ಮರ್ಮ ತಿಳಿದು ಹೊಸ ಬದುಕಿನೆಡೆಗೆ ನಾವೆಲ್ಲ ಹೆಜ್ಜೆ ಇಡಬೇಕಾಗಿದೆ. ದೇಸಿತನವನ್ನು ರೂಢಿಸಿಕೊಳ್ಳಬೇಕಾಗಿದೆ. ನಗರವಾಸಿಗಳೂ ಇತ್ತ ಗಮನ ಹರಿಸಬೇಕಾಗಿದೆ. ದೊಡ್ಡ ದೊಡ್ಡ ಆಸ್ಪತ್ರೆಗಳೂ ಕೆಲಸಕ್ಕೆ ಬರುವುದಿಲ್ಲ ಎಂಬುದು ಈಗ ಸಾಬೀತಾಗಿದೆ. ಕೊನೆಗೂ ನಮ್ಮ ಅಡುಗೆ ಮನೆಯಲ್ಲಿರುವ ಶುಂಠಿ, ಬೆಳ್ಳುಳ್ಳಿ, ಉಪ್ಪು, ನಿಂಬೆ ಮುಂತಾದವುಗಳೇ ಪ್ರಯೋಜನಕಾರಿ ಎಂಬುದು ಮನವರಿಕೆಯಾಗುತ್ತಿದೆ. ಹಾಗಾಗಿ ನಾವೆಲ್ಲ ನಮ್ಮ ಜೀವನಶೈಲಿ, ಆಹಾರ ಶೈಲಿಯನ್ನು ಮುಂದಿನ ದಿನಗಳಲ್ಲಿ ಬದಲಿಸಿಕೊಳ್ಳಬೇಕಿದೆ. ಕೃಷಿ, ಶಾಲಾ-ಕಾಲೇಜು ಮುಂತಾದವುಗಳ ಕಾರ್ಯ ಚಟುವಟಿಕೆಯನ್ನು ಮಾರ್ಪಡಿಸಿಕೊಳ್ಳಬೇಕಾಗಿದೆ. ಕಾಯಕ, ದುಡಿಮೆಯ ಮಹತ್ವವನ್ನು ಅರಿತುಕೊಳ್ಳಬೇಕಾಗಿದೆ’’ ಎಂದು ಹೇಳಿದ್ದಾರೆ.
