ರಾತ್ರಿ 10:30ಕ್ಕೆ... ನಟಿ ಶೆಫಾಲಿ ಸಾವಿನ ಬಗ್ಗೆ ಅಪಾರ್ಟ್​ಮೆಂಟ್​ ಸೆಕ್ಯೂರಿಟಿ ಗಾರ್ಡ್ ಹೇಳಿದ್ದಿಷ್ಟು​ | Shefali Jariwala

Shefali Jariwala: ಕನ್ನಡ ಚಿತ್ರರಂಗದ ನಟ, ಪವರ್​ಸ್ಟಾರ್ ಪುನೀತ್ ರಾಜ್​ಕುಮಾರ್ ಅಭಿನಯದ 'ಹುಡುಗರು' ಚಿತ್ರದಲ್ಲಿ 'ತೊಂದ್ರೆ ಇಲ್ಲ ಪಂಕಜಾ' ಹಾಡಿಗೆ ಜಬರ್ದಸ್ತ್​ ಹೆಜ್ಜೆ ಹಾಕಿದ್ದ ಬಾಲಿವುಡ್​ ಬೆಡಗಿ ಶೆಫಾಲಿ ಜರಿವಾಲಾ (42) ನಿನ್ನೆ (ಜೂ.27) ತಡರಾತ್ರಿ ಹಠಾತ್ ಹೃದಯಾಘಾತಕ್ಕೆ ಕೊನೆಯುಸಿರೆಳೆದಿದ್ದಾರೆ.

ಇದನ್ನೂ ಓದಿ: ಹೆದರಿ ತಂದೆ ಬಳಿ ಓಡಿದ್ದು ಇಸ್ರೇಲ್​! ಟ್ರಂಪ್​ ಮಾತಿಗೆ ಇರಾನ್ ಖಡಕ್ ತಿರುಗೇಟು | Iran

ನಟಿ ಮತ್ತು ರೂಪದರ್ಶಿಯಾಗಿದ್ದ ಶೆಫಾಲಿ, ನಿನ್ನೆ ರಾತ್ರಿ ನಿಧನರಾಗಿದ್ದಾರೆ. ನಟಿಯ ಅಕಾಲಿಕ ಮರಣಕ್ಕೆ ಅಭಿಮಾನಿಗಳು ಸೇರಿದಂತೆ ಚಿತ್ರರಂಗದ ಗಣ್ಯರು ಕಂಬನಿ ಮಿಡಿದಿದ್ದಾರೆ. ಶೆಫಾಲಿ ಮತ್ತು ಅವರ ಪತಿ ಪರಾಗ್ ತ್ಯಾಗಿ ಮುಂಬೈನ ಅಂಧೇರಿ ಲೋಖಂಡ್​ವಾಲಾ ಪ್ರದೇಶದ ಅಪಾರ್ಟ್​ಮೆಂಟ್​ನಲ್ಲಿ ವಾಸವಿದ್ದರು. ನಟಿ ಸಾಯುವ ಮುನ್ನ ಅವರನ್ನು ನೋಡಿದ್ದ ಸೆಕ್ಯೂರಿಟಿ ಗಾರ್ಡ್ ಶತ್ರುಘ್ನ​, ಏನಾಯಿತು ಎಂಬುದರ ಬಗ್ಗೆ ತಮ್ಮ ಹೇಳಿಕೆಯನ್ನು ನೀಡಿದ್ದಾರೆ.

"ಸಮಯ ಸುಮಾರು ರಾತ್ರಿ 10:30 ಆಸುಪಾಸು. ಅವರ ಪತಿ ಶೆಫಾಲಿ ಅವರನ್ನು ಕೂಡಲೇ ಆಸ್ಪತ್ರೆಗೆ ಕರೆದೊಯ್ದರು. ಅದಕ್ಕೂ ಮೊದಲು, ರಾತ್ರಿ 9 ಗಂಟೆ ಸುಮಾರಿಗೆ, ಅವರ ಪತಿ ಪರಾಗ್ ತ್ಯಾಗಿ ಬೈಕ್​ನಲ್ಲಿ ಅಪಾರ್ಟ್​ಮೆಂಟ್​ಗೆ ಆಗಮಿಸಿದರು. ಈ ವೇಳೆ ನಾನೇ ಅವರಿಗೆ ಗೇಟ್ ಓಪನ್ ಮಾಡಿದೆ. ನಿನ್ನೆ ಸಂಜೆಯಷ್ಟೇ, ಶೆಫಾಲಿ ಮತ್ತು ಪರಾಗ್ ಅವರು ಸೊಸೈಟಿ ಕಾಂಪೌಂಡ್‌ನಲ್ಲಿ ತಮ್ಮ ಶ್ವಾನದೊಂದಿಗೆ ಓಡಾಡುತ್ತಿದ್ದರು. ಇದಕ್ಕೂ ಮುನ್ನ ಈ ವಾರದ ಆರಂಭದಲ್ಲಿ ದಂಪತಿಗಳನ್ನು ಒಟ್ಟಿಗೆ ನೋಡಿದ್ದೆ" ಎಂದು ಸೆಕ್ಯೂರಿಟಿ ಗಾರ್ಡ್​ ಹೇಳಿದ್ದಾರೆ.

ಆಸ್ಪತ್ರೆಗೆ ಹೋಗುವ ಮುನ್ನವೇ ಸಾವು

ಹೃದಯಾಘಾತದ ಬೆನ್ನಲ್ಲೇ ಶೆಫಾನಿಯನ್ನು ಆಸ್ಪತ್ರೆಗೆ ದಾಖಲಿಸಲಾಯಿತು. ಈ ವೇಳೆ ವೈದ್ಯರು ಆಕೆ ಮೃತಪಟ್ಟಿರುವುದಾಗಿ ಪತಿ ಪರಾಗ್​​ಗೆ ದೃಢಪಡಿಸಿದ್ದಾರೆ. ನಟಿಯ ಮೃತದೇಹವನ್ನು ಇದೀಗ ಮರಣೋತ್ತರ ಪರೀಕ್ಷೆಗಾಗಿ ಮುಂಬೈನ ಕೂಪರ್ ಆಸ್ಪತ್ರೆಗೆ ಕಳುಹಿಸಲಾಗಿದೆ,(ಏಜೆನ್ಸೀಸ್).

https://www.vijayavani.net/air-india-venture-sacks-4-senior-employees