1974ರ ಕರ್ನಾಟಕ ಸಿವಿಲ್ ಸೇವಾ (ಸೇವಾ ಮತ್ತು ಕನ್ನಡ ಭಾಷಾ ಪರೀಕ್ಷೆಗಳು) ನಿಯಮಾವಳಿಯ ನಿಯಮ 3ರ ಮೇರೆಗೆ ಪ್ರತಿಯೊಬ್ಬ ಸರ್ಕಾರಿ ನೌಕರನು ಇಲಾಖಾ ಪರೀಕ್ಷೆಗಳಲ್ಲಿ ತೇರ್ಗಡೆ ಹೊಂದುವುದು ಕಡ್ಡಾಯವಾಗಿರುತ್ತದೆ. ಆದರೆ, ಕಾನೂನು ಪದವೀಧರರು ಜನರಲ್ ಲಾ ಭಾಗ 1ರ ಪತ್ರಿಕೆ 1 ಹಾಗೂ ಜನರಲ್ ಲಾ ಭಾಗ 2 ಅನ್ನು ಸಂಪೂರ್ಣವಾಗಿ ವಿನಾಯಿತಿ ಹೊಂದಿರುತ್ತಾರೆ. ಜನರಲ್ ಲಾ ಭಾಗ 1ರ ಪತ್ರಿಕೆ 2ಕ್ಕೆ ಮಾತ್ರ ಕರ್ನಾಟಕ ಲೋಕಸೇವಾ ಆಯೋಗವು ಇಲಾಖಾ ಪರೀಕ್ಷೆಗಳಿಗಾಗಿ ಪ್ರಕಟಿಸಿದ ಅಧಿಸೂಚನೆಯಲ್ಲಿ ತಿಳಿಸಿದಂತೆ ಅರ್ಜಿ ನಮೂನೆಯನ್ನು ಆನ್ಲೈನ್ ಮೂಲಕ ಸಲ್ಲಿಸುವಾಗ ಸಂಬಂಧಿತ ಅಂಕಣದಲ್ಲಿ ಈ ಬಗ್ಗೆ ವಿನಾಯಿತಿ ಕೋರಬಹುದು ಹಾಗೂ ಕಾನೂನು ಪದವಿ ಬಗ್ಗೆ ಮಾಹಿತಿ ನೀಡಿ ವಿನಾಯಿತಿ ಪಡೆಯಬಹುದು.
