ಚಿತ್ರದುರ್ಗದ ಮೊಳಕಾಲ್ಮೂರು ಕೈಮಗ್ಗ ಕ್ಷೇತ್ರದಲ್ಲಿ ವಿಶ್ವವಿಖ್ಯಾತವಾಗಿದೆ. ಇಲ್ಲಿ ತಯಾರಿಸುವ ಸಾಂಪ್ರದಾಯಿಕ ರೇಷ್ಮೆ ಸೀರೆಗಳ ಮೇಲೆ ದೇವಸ್ಥಾನ, ಹಂಸ, ರುದ್ರಾಕ್ಷಿ, ತಾವರೆ, ನವಿಲು, ಮಾವಿನಕಾಯಿ, ಗಂಡಭೇರುಂಡ ಮುಂತಾದ ವಿನ್ಯಾಸಗಳ ಕುಸುರಿ ಕಲೆ ಗಮನ ಸೆಳೆಯುವಂಥದ್ದು. ಸೋಕುಲ ಸಾಲಿ, ಪಟ್ಟು ಸಾಲಿ ಮತ್ತು ಪದ್ಮ ಸಾಲಿ ಸಂಪ್ರದಾಯದ ಸಾಂಪ್ರದಾಯಿಕ ನೇಕಾರರಿಂದ ನೇಯ್ಗೆ ನಡೆಯುತ್ತದೆ. ತನ್ನ ವಿಶಿಷ್ಟ ವಿನ್ಯಾಸಗಳಿಂದಾಗಿ ಇಲ್ಲಿನ ರೇಷ್ಮೆ ಸೀರೆಗಳು ಕರ್ನಾಟಕ ಮಾತ್ರವಲ್ಲದೆ ಭಾರತದೆಲ್ಲಡೆ ಜನಪ್ರಿಯವಾಗಿವೆ. ಈ ಭಾಗದಲ್ಲಿ 440ಕ್ಕೂ ಅಧಿಕ ಕೈಮಗ್ಗ ರೇಷ್ಮೆ ಸೀರೆಯ ತಯಾರಕರಿದ್ದು, ಈ ಪ್ರದೇಶದ ಮುಖ್ಯ ಉದ್ಯಮವಾಗಿ ಬೆಳೆದಿದೆ. ನಾಲ್ವಡಿ ಕೃಷ್ಣರಾಜೇಂದ್ರ ಒಡೆಯರ ಕಾಲದಲ್ಲಿ ವಿಶೇಷ ಪ್ರೋತ್ಸಾಹ ಪಡೆದು, ಬೆಳೆದು ಬಂದಿದೆ. ಜಿಯೋಗ್ರಾಫಿಕ್ ಇಂಡೆಕ್ಸ್ ಹೊಂದಿರುವ ಮೊಳಕಾಲ್ಮೂರು ಸೀರೆ ಅಮೆರಿಕ ಮತ್ತು ಆಸ್ಟ್ರೇಲಿಯಾಕ್ಕೆ ರಫ್ತಾಗುತ್ತಿದೆ.
