ದುಬಾರಿ ಮೊತ್ತದ ಸಂಭಾವನೆ, ದಿನಕ್ಕೆ 6 ಗಂಟೆಗಳ ಚಿತ್ರೀಕರಣ ಸಮಯ ಮತ್ತು ಚಿತ್ರ ತೆರೆಕಂಡ ಬಳಿಕ ಲಾಭದ ಪಾಲು ಕೇಳಿದ ಹಿನ್ನೆಲೆ ದೀಪಿಕಾರನ್ನು ಚಿತ್ರದಿಂದ ತೆಗೆದುಹಾಕಲು ಸಂದೀಪ್ ಕಠಿಣ ನಿರ್ಧಾರ ಕೈಗೊಂಡರು. ದೀಪಿಕಾ ಎಕ್ಸಿಟ್ ಆದ ಬೆನ್ನಲ್ಲೇ ನಿರ್ದೇಶಕರಿಗೆ ಪ್ರಭಾಸ್ ಎದುರು ಅಭಿನಯಿಸುವ ನಾಯಕಿ ಸ್ಥಾನಕ್ಕೆ ಯಾರನ್ನು ಕರೆತರಬೇಕು ಎಂಬ ಗೊಂದಲ ಶುರುವಾಗಿತ್ತು. ಈ ವಿಚಾರ ಸಿನಿ ವಲಯದಲ್ಲಿ ತೀವ್ರ ಚರ್ಚೆಗೆ ಗ್ರಾಸವಾಗುತ್ತಿದ್ದಂತೆ, ಬಾಲಿವುಡ್ ನಟಿ ಶ್ರದ್ಧಾ ಕಪೂರ್, ತೆಲುಗು ನಟಿ ಮೃಣಾಲ್ ಠಾಕೂರ್ ಮತ್ತು ಕನ್ನಡದ ಬೆಡಗಿ ರುಕ್ಮಿಣಿ ವಸಂತ್ ಹೆಸರು ಮುನ್ನೆಲೆಗೆ ಬಂದಿತು. ಬಹುಬೇಡಿಕೆ ನಟಿಯರ ಹೆಸರನ್ನು ಬದಿಗಿಟ್ಟ ಸಂದೀಪ್, ತಮ್ಮದೇ ನಿರ್ಧಾರ ಮೂಲಕ ಕಡೆಗೂ ನಿರ್ಮಾಪಕರ ಜೇಬು ಗಟ್ಟಿ ಮಾಡಿದ್ದಾರೆ.
