ಸ್ವಾಮಿ ವಿವೇಕಾನಂದರೇ ನರೇಂದ್ರ ಮೋದಿಯ ರೂಪದಲ್ಲಿ ಜನ್ಮ ತಾಳಿದ್ದಾರೆ, ಪ್ರಧಾನಿ ಶ್ರೀರಾಮನ ಸ್ವರೂಪ: ಸಚಿವೆ ಜೊಲ್ಲೆ

ತುಮಕೂರು: ಪ್ರಧಾನಮಂತ್ರಿ ನರೇಂದ್ರ ಮೋದಿಯವರು ಬೇರೆ ಅಲ್ಲ, ಸ್ವಾಮಿ ವಿವೇಕಾನಂದರು ಬೇರೆ ಅಲ್ಲ. ಅದೇ ವಿವೇಕಾನಂದರೇ ಮೋದಿಯ ರೂಪದಲ್ಲಿ ಜನ್ಮ ತಳೆದಿದ್ದಾರೆ ಮಾತ್ರವಲ್ಲ, ಅವರು ಶ್ರೀರಾಮನಸ್ವರೂಪ ಎಂಬ ಅಭಿಪ್ರಾಯ ಬಿಜೆಪಿಯ ಕಾರ್ಯಕ್ರಮವೊಂದರಲ್ಲಿ ವ್ಯಕ್ತವಾಗಿದೆ.

ತುಮಕೂರಿನಲ್ಲಿ ನಡೆಯುತ್ತಿರುವ ಬಿಜೆಪಿ ಮಹಿಳಾ ಮೋರ್ಚಾದ ರಾಷ್ಟ್ರೀಯ ಕಾರ್ಯಕಾರಿಣಿ ಸಭೆಯಲ್ಲಿ ಸಚಿವೆ ಶಶಿಕಲಾ ಜೊಲ್ಲೆ ತಮ್ಮ ಭಾಷಣದಲ್ಲಿ ಇಂಥದ್ದೊಂದು ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ. ಮಹಿಳಾ ಮೋರ್ಚಾದ ಸೇವೆಯನ್ನು ಭಾರತೀಯ ಜನತಾ ಪಕ್ಷ ಯಾವತ್ತೂ ಮರೆತಿಲ್ಲ ಎಂದ ಅವರು ನಂತರ ವಿವೇಕಾನಂದರ ಕುರಿತು ಮಾತನಾಡುತ್ತ ಈ ಹೋಲಿಕೆಯನ್ನು ಮಾಡಿದ್ದಾರೆ.

ಇದನ್ನೂ ಓದಿ: ಶಾಲೆಯಲ್ಲಿ ಹೃದಯಾಘಾತಕ್ಕೊಳಗಾಗಿ ಸಾವಿಗೀಡಾದ್ಲು 8ನೇ ತರಗತಿ ವಿದ್ಯಾರ್ಥಿನಿ

ನಮ್ಮ ದೇಶಕ್ಕೆ ಸ್ವಾತಂತ್ರ್ಯ ಬಂದು 75 ವರ್ಷ ಆಗಿದೆ. ಅಟಲ್ ಬಿಹಾರಿ ವಾಜಪೇಯಿ ಅವರ ನಂತರ ದೈವೀಪುರುಷ ಸಿಕ್ಕಿದ್ದಾರೆ. ನಾವೆಲ್ಲ ಸ್ವಾಮಿ ವಿವೇಕಾನಂದ ಅವರನ್ನು ನೋಡಿಲ್ಲ. ಸ್ವಾಮಿ ವಿವೇಕಾನಂದರ ಪೂರ್ವಾಶ್ರಮದ ಹೆಸರು ನರೇಂದ್ರ. ಅದೇ ವಿವೇಕಾನಂದರು ಮತ್ತೊಂದು ಜನ್ಮ ತಾಳಿ ಮೋದಿಯವರ ರೂಪದಲ್ಲಿ ಬಂದಿದ್ದಾರೆ ಎಂದು ನನಗೆ ಅನಿಸುತ್ತಿದೆ ಎಂದು ಜೊಲ್ಲೆ ಹೇಳಿದ್ದಾರೆ.

ರಾಮಾಯಣದಲ್ಲಿ ರಾಮನ ಸೇವೆಗೆ ವಾನರ ಸೇನೆ ಇತ್ತು. ಈಗ ನಾವು ಮಹಿಳಾ ಮೋರ್ಚಾ ಮೂಲಕ ರಾಮಸ್ವರೂಪನಾದ ಮೋದಿ ಅವರ ಕಾರ್ಯಸಾಧನೆಗೆ ಸೇವೆ ಸಲ್ಲಿಸಬೇಕಿದೆ ಎಂದೂ ಅವರು ಹೇಳಿದರು.

https://www.vijayavani.net/mla-tanveer-sait-rejected-to-write-on-the-paper-which-was-having-om/

https://www.vijayavani.net/dgca-slaps-rs-30-lakh-fine-on-air-india-suspends-pilots-licence-for-3-months/

https://www.vijayavani.net/man-fakes-his-own-death-to-claim-rs-6-crore-insurance-arrested-for-murder/