ತೆರೆಯ ಮೇಲೆ ಬ್ಯಾಡ್ಮಿಂಟನ್ ಲೋಕ ತೋರಿಸುವ 'ಸೈನಾ'

ಮುಂಬೈ : ಬ್ಯಾಡ್ಮಿಂಟನ್ ಚಾಂಪಿಯನ್ ಸೈನಾ ನೇಹ್ವಾಲ್ ಅವರ ಜೀವನಗಾಥೆಯಾದ ಹಿಂದಿ ಚಲನಚಿತ್ರ "ಸೈನಾ" ಇಂದು ಚಿತ್ರಮಂದಿರಗಳಲ್ಲಿ ಬಿಡುಗಡೆಗೊಂಡಿದೆ. ಬ್ಯಾಡ್ಮಿಂಟನ್​ನ ಮಿನಿಜಗತ್ತನ್ನೇ ಸೃಷ್ಟಿಸುವ ಈ ಚಿತ್ರದಲ್ಲಿ ನಟಿ ಪರಿಣೀತಿ ಚೋಪ್ರಾ ಅವರನ್ನು ಮುಖ್ಯ ಪಾತ್ರದಲ್ಲಿ ನೋಡಬಹುದು.

'ತಾರೆ ಜಮೀನ್ ಪರ್​', 'ಹವಾ ಹವಾಯಿ' ಚಿತ್ರಗಳ ಖ್ಯಾತಿಯ ಅಮೋಲ್ ಗುಪ್ತೆ ಈ ಚಿತ್ರಕ್ಕೆ ಚಿತ್ರಕಥೆ ಒದಗಿಸಿ, ನಿರ್ದೇಶನ ನೀಡಿದ್ದಾರೆ. ಟಿ-ಸಿರೀಸ್ ಮತ್ತು ಫ್ರಂಟ್ ಫೂಟ್ ಪಿಕ್ಚರ್ಸ್​ ನಿರ್ಮಿಸಿರುವ ಈ ಚಿತ್ರದಲ್ಲಿ ಮಾನವ್​ ಕೌಲ್ ಸೈನಾರ ಕೋಚ್ ಪಾತ್ರ ವಹಿಸಿದ್ದಾರೆ. ಈಶಾನ್ ನಖ್ವಿ ಮತ್ತು ಮೇಘನಾ ಮಲಿಕ್ ಕೂಡ ನಟಿಸಿದ್ದಾರೆ.

ಇದನ್ನೂ ಓದಿ: ಬಿಡುಗಡೆಯ ಬೆನ್ನಲ್ಲೇ ನೆಟ್ಟಿಗರ ಹುಬ್ಬೇರಿಸಿದ “ಮುಂಬೈ ಸಗಾ”

ಚಿತ್ರದಲ್ಲಿ ಜಿಲ್ಲಾ ಮಟ್ಟದ ಬಾಡ್ಮಿಂಟನ್ ಆಟಗಾರ್ತಿಯಾಗಿದ್ದ ಸೈನಾರ ತಾಯಿ ಉಷಾರಾಣಿ ಅವರ ಪಾತ್ರಕ್ಕೆ ಹೆಚ್ಚಿನ ಮನ್ನಣೆ ಸಿಕ್ಕಿದೆ. ಜೊತೆಗೆ ಕ್ರೀಡೆ ಕುರಿತಾದ ಈ ಸಿನಿಮಾದಲ್ಲಿ ಆಟಗಾರರು ಮತ್ತು ಅವರ ಕುಟುಂಬಗಳಿಗೆ ಅಗತ್ಯವಾದ ಬದ್ಧತೆ ಮತ್ತು ತ್ಯಾಗಗಳ ಬಗ್ಗೆ ತೋರಿಸಿದ್ದಾರೆ. ತರಬೇತಿಯಿಂದ ಹಿಡಿದು ಮುಖ್ಯವಾದ ಪಂದ್ಯಾವಳಿಗಳನ್ನು ತೆರೆಯ ಮೇಲೆ ಕ್ರಿಯಾಶೀಲವಾಗಿ ಚಿತ್ರಿಸಲಾಗಿದೆ. (ಏಜೆನ್ಸೀಸ್)

https://www.vijayavani.net/kidnappers-demand-2-crore-rs-to-return-college-owners-son/

https://www.vijayavani.net/festival-celebrations-in-public-places-prohibited-in-karnataka/

https://www.vijayavani.net/farhan-has-to-follow-rancho-says-madhavan-as-he-breaks-news-about-corona/