ಮೊದಲ ಮಗುವಿನ ನಿರೀಕ್ಷೆಯಲ್ಲಿ ಸಚಿನ್-ಸೀಮಾ ಹೈದರ್​ ದಂಪತಿ! ನೆನಪಿದೆಯಾ ಈ ಜೋಡಿ?

ಉತ್ತರಪ್ರದೇಶ: ಬಹುತೇಕ ಜನರಿಗೆ ಸೀಮಾ ಹೈದರ್ ಯಾರೆಂಬುದು ನೆನಪಿದೆ. ಯಾಕಂದರೆ ಕೆಲವು ತಿಂಗಳುಗಳ ಹಿಂದೆಯಷ್ಟೇ ಈ ಹೆಸರು ಮಾಧ್ಯಮ ಸೇರಿದಂತೆ ಸಾಮಾಜಿಕ ಜಾಲತಾಣದಲ್ಲಿ ವ್ಯಾಪಕವಾಗಿ ಹರಿದಾಡಿತ್ತು ಹಾಗೂ ಸಿಕ್ಕಾಪಟ್ಟೆ ಚರ್ಚೆಗೆ ಗ್ರಾಸವಾಗಿತ್ತು.

ಇದನ್ನೂ ಓದಿ: ಅಯೋಧ್ಯೆ ರಾಮಮಂದಿರದಲ್ಲಿ ಪ್ರತಿಷ್ಠಾಪನೆಯಾಗುತ್ತಿದೆ ಮೈಸೂರಿನ ರಾಮಲಲ್ಲಾ ಮೂರ್ತಿ

ಪಾಕಿಸ್ತಾನದಲ್ಲಿದ್ದ ಈ ಮಹಿಳೆ, ಭಾರತದ ಯುವಕ ಸಚಿನ್ ಎಂಬಾತನನ್ನು ಪ್ರೀತಿಸಿ, ಆತನಿಗೋಸ್ಕರ ಭಾರತದ ಗಡಿಯನ್ನು ದಾಟಿ ಬಂದಿದ್ದೇ ರೋಚಕ! ತನ್ನ ನಾಲ್ಕು ಮಕ್ಕಳೊಂದಿಗೆ ಪ್ರೇಮಿ ಸಚಿನ್‌ನೊಂದಿಗೆ ಜೀವಿಸಲು ಭಾರತಕ್ಕೆ ಬಂದ ಸೀಮಾ ಹೈದರ್, ಸಚಿನ್​ನನ್ನು ವಿವಾಹವಾಗಿ ಇದೀಗ ತಮ್ಮ ಮೊದಲ ಮಗುವಿನ ನಿರೀಕ್ಷೆಯಲಿದ್ದಾರೆ ಎಂಬ ಸುದ್ದಿ ಸದ್ಯ ಜಾಲತಾಣಗಳನ್ನು ಸುತ್ತವರೆದಿದೆ.

ಶೀಘ್ರದಲ್ಲೇ ಮಗುವಿಗೆ ಜನ್ಮ ನೀಡುವ ಮೂಲಕ ತಂದೆ-ತಾಯಿಯಾಗಲಿರುವ ಸೀಮ್​ ಹೈದರ್​ ಮತ್ತು ಸಚಿನ್​, ಅತೀವ ಸಂತಸದಿಂದ ನಿರೀಕ್ಷಿಸುತ್ತಿದ್ದಾರೆ. ಇನ್ನು ಈ ಬಗ್ಗೆ ಸ್ವತಃ ಸೀಮಾ ಮಾತನಾಡಿದ್ದು, 2024ರ ವರ್ಷ ನಮಗೆ ಒಳ್ಳೆಯ ಸುದ್ದಿಯನ್ನು ತರುತ್ತದೆ ಎಂದು ಹೇಳಿದ್ದಾರೆ.

ಇದನ್ನೂ ಓದಿ:  ಚೆನ್ನಕೇಶವ ದೇಗುಲ ಯುನೆಸ್ಕೋ ಪಟ್ಟಿಗೆ ಸೇರಲು ಜಕ್ಕಣಚಾರಿ ಅವರ ವಾಸ್ತುಶಿಲ್ಪವೇ ಕಾರಣ:ಡಿಸಿ. ಸಿ.ಸತ್ಯಭಾಮಾ

ಇವರಿಬ್ಬರ ಲವ್​ಸ್ಟೋರಿ ಸಂಭವಿಸಿದ್ದೇಗೆ? ಪಾಕಿಸ್ತಾನದಲ್ಲಿ ವಾಸವಿದ್ದ ಸೀಮಾ ಹೈದರ್ 2019ರಲ್ಲಿ ಆನ್‌ಲೈನ್ ಗೇಮ್ ಪಬ್​ಜಿಯ ಮೂಲಕ ಸಚಿನ್ ಅವರನ್ನು ಮೊದಲ ಬಾರಿಗೆ ಭೇಟಿಯಾದರು. ಸೀಮಾ ಮತ್ತು ಸಚಿನ್ ಅವರು ನಡುವೆ ಆಗಾಗ್ಗೆ ಸಂಭಾಷಣೆಗಳು ನಡೆಯುತ್ತಿತ್ತು. ಇಬ್ಬರಲ್ಲೂ ಸ್ನೇಹ ಬೆಳೆದು, ನಂತರ ಸ್ನೇಹ ಪ್ರೀತಿಗೆ ತಿರುಗಿ ಅಂತಿಮವಾಗಿ ಸೀಮಾ ಸಚಿನ್​ಗಾಗಿ 2023ರಲ್ಲಿ ಭಾರತಕ್ಕೆ ಬರುವಂತೆ ಆಯಿತು,(ಏಜೆನ್ಸೀಸ್).

https://www.vijayavani.net/pm-narendra-modi-modi-seeks-people-feedback