'ಸಾರೆ ಜಹಾನ್ ಸೆ ಅಚ್ಚಾ'; ಭೂಮಿಗೆ ಮರಳುವ ಮುನ್ನ 'ಶುಭಾಂಶು ಶುಕ್ಲಾ' ಅವರ ಭಾವನಾತ್ಮಕ ವಿದಾಯ |shubhanshu-shukla

ನವದೆಹಲಿ ; ಆಕ್ಸಿಯಮ್ -4 ಕಾರ್ಯಾಚರಣೆಯ ನಂತರ ಭಾರತೀಯ ವಾಯುಪಡೆಯ ಗ್ರೂಪ್ ಕ್ಯಾಪ್ಟನ್ ಮತ್ತು ಗಗನಯಾತ್ರಿ ಶುಭಾಂಶು ಶುಕ್ಲಾ ಅವರು ಭಾವನಾತ್ಮಕ ಸಂದೇಶವನ್ನು ರವಾನಿಸಿದ್ದಾರೆ. ಅವರು ಭಾರತವನ್ನು ಬಾಹ್ಯಾಕಾಶದಿಂದ "ಸಾರೆ ಜಹಾಂ ಸೆ ಅಚ್ಚಾ" ಎಂದು ಬಣ್ಣಿಸಿದ್ದಾರೆ.

ಇದನ್ನೂ ಓದಿ: ಪಾಟ್ನಾದ ಪೊಲೀಸ್ ಠಾಣೆ ಬಳಿ ಹಾಡಹಗಲೇ ವಕೀಲನ ಗುಂಡಿಕ್ಕಿ ಹತ್ಯೆ| dead

ಅಂತರರಾಷ್ಟ್ರೀಯ ಬಾಹ್ಯಾಕಾಶ ನಿಲ್ದಾಣ (ಐಎಸ್‌ಎಸ್) ನಲ್ಲಿನ ತಮ್ಮ ಸಮಯವನ್ನು "ಅದ್ಭುತ ಪ್ರಯಾಣ" ಎಂದು ಕರೆದ ಅವರು ಆಧುನಿಕ ಭಾರತದ ಶಕ್ತಿ ಮತ್ತು ಚೈತನ್ಯವನ್ನು ಶ್ಲಾಘಿಸಿದರು.

ತಮ್ಮ ವಿದಾಯ ಭಾಷಣದಲ್ಲಿ ದೇಶವಾಸಿಗಳನ್ನು ಉದ್ದೇಶಿಸಿ ಹಿಂದಿಯಲ್ಲಿ ಮಾತನಾಡಿದ ಅವರು, ನನ್ನ ಬಾಹ್ಯಾಕಾಶ ಪ್ರಯಾಣ ಕೊನೆಗೊಳ್ಳುತ್ತಿದೆ ಆದರೆ ಭಾರತದ ಮಾನವ ಬಾಹ್ಯಾಕಾಶ ಯಾನದ ಪ್ರಯಾಣ ಇನ್ನೂ ದೀರ್ಘ ಮತ್ತು ಕಷ್ಟಕರವಾಗಿದೆ. ನಿಮ್ಮ ಮತ್ತು ನನ್ನ ಪ್ರಯಾಣ ಇನ್ನೂ ನಿರಂತರವಾಗಿರುತ್ತದೆ. ನಾವು ದೃಢನಿಶ್ಚಯದಿಂದ ಇದ್ದರೆ ಏನನ್ನಾದರೂ ಸಹ ಸಾಧಿಸಬಹುದು ಎಂದು ನಾನು ನಿಮಗೆ ಭರವಸೆ ನೀಡುತ್ತೇನೆ ಎಂದು ಹೇಳಿದರು.

ವಿದಾಯದ ಸಮಾರಂಭದಲ್ಲಿ ಮಾತನಾಡಿದ ಶುಕ್ಲಾ, ತಮ್ಮ ಬಾಹ್ಯಾಕಾಶ ಪ್ರಯಾಣದ ಬಗ್ಗೆ ಚಿಂತಿಸುತ್ತಾ ಈ ಕಾರ್ಯಾಚರಣೆಯನ್ನು ಸಾಧ್ಯವಾಗಿಸಿದ ತಂಡವನ್ನು ಶ್ಲಾಘಿಸುತ್ತೇನೆ, ಇದರಲ್ಲಿ ಭಾಗಿಯಾಗಿರುವ ಜನರಿಂದಾಗಿ ಇದು ಅದ್ಭುತ ಪ್ರಯಾಣವಾಗಿತ್ತು ಎಂದು ಹೇಳಿದರು.

ಒದನ್ನೂ ಓದಿ: ಉಜ್ವಲ್ ನಿಕಮ್, ಮೀನಾಕ್ಷಿ ಜೈನ್ ಸೇರಿ ನಾಲ್ವರು ರಾಜ್ಯಸಭೆಗೆ ನಾಮನಿರ್ದೇಶನ| Rajya Sabha

18 ದಿನಗಳ ತೀವ್ರ ವೈಜ್ಞಾನಿಕ ಪ್ರಯೋಗಗಳು ಮತ್ತು ಸಂಶೋಧನೆಯ ನಂತರ, ಆಕ್ಸಿಯಮ್ -4 ಮಿಷನ್ ಈಗ ಅದರ ಮುಕ್ತಾಯದತ್ತ ಸಾಗುತ್ತಿದೆ. ಶುಕ್ಲಾ ಮತ್ತು ಅವರ ಮೂವರು ಅಂತರರಾಷ್ಟ್ರೀಯ ಸಹೋದ್ಯೋಗಿಗಳಾದ ಕಮಾಂಡರ್ ಪೆಗ್ಗಿ ವಿಟ್ಸನ್, ಮಿಷನ್ ಸ್ಪೆಷಲಿಸ್ಟ್‌ಗಳಾದ ಸ್ಲಾವೋಜ್ ಉಜ್ನಾನ್ಸ್ಕಿ-ವಿಸ್ನಿಯೆವ್ಸ್ಕಿ ಮತ್ತು ಟಿಬೋರ್ ಕಪಸ್ ಸೋಮವಾರ ಭೂಮಿಗೆ ಮರಳಲಿದ್ದಾರೆ.

(ಏಜೆನ್ಸೀಸ್)

ಭಾರತೀಯ ಕಾಲಮಾನದ ಪ್ರಕಾರ ಜುಲೈ 15 ರಂದು ಮಧ್ಯಾಹ್ನ 3:00 ಗಂಟೆಗೆ ಭೂಮಿಗೆ ಮರಳಲು ಸಮಯ ನಿಗದಿಪಡಿಸಲಾಗಿದೆ ಎಂದು ವಿಜ್ಞಾನ ಮತ್ತು ತಂತ್ರಜ್ಞಾನ ಸಚಿವ ಡಾ. ಜಿತೇಂದ್ರ ಸಿಂಗ್ ಸಾಮಾಜಿಕ ತಿಳಿಸಿದ್ದಾರೆ.

https://www.vijayavani.net/not-feeding-specially-prepared-food-to-stray-dogs-bbmp-dogs