ರಷ್ಯಾ ಪಡೆಗಳನ್ನು ತಡೆಯಲು ಅಣೆಕಟ್ಟು ತೆರೆದು ಊರನ್ನೇ ಮುಳುಗಿಸಿದ ಯೂಕ್ರೇನ್​: ಅಬ್ಬಾ ಇದೆಂಥ ಪ್ಲ್ಯಾನ್​!

ಕೀವ್: ತಿಂಗಳುಗಳೇ ಕಳೆದರೂ ರಷ್ಯಾ-ಯೂಕ್ರೇನ್​ ಯುದ್ಧ ನಿಲ್ಲುವಂತೆ ಕಾಣುತ್ತಿಲ್ಲ. ರಷ್ಯಾ ಅಂತೂ ಬೆಂಬಡದೇ ಯೂಕ್ರೇನ್​ನನ್ನು ಕಾಡುತ್ತಿತ್ತು, ಬಹುತೇಕ ಯೂಕ್ರೇನ್​ನಲ್ಲಿ ಸ್ಮಶಾನ ವಾತಾವರಣ ಸೃಷ್ಟಿಯಾಗಿದೆ. ಅಲ್ಲಿನ ಎಲ್ಲಾ ಪ್ರದೇಶಗಳನ್ನು ತನ್ನ ವಶಕ್ಕೆ ಪಡೆಯಲು ರಷ್ಯಾ ಹೊಸ ಹೊಸ ಯೋಜನೆಗಳನ್ನು ರೂಪಿಸುತ್ತಲೇ ಇದೆ.

ಇವುಗಳ ನಡುವೆ, ಚಿಕ್ಕಪ್ರದೇಶ ಯೂಕ್ರೇನ್​ ರಷ್ಯಾ ಪಡೆಗಳನ್ನು ಎದುರಿಸಲು ಹೊಸ ಪ್ಲ್ಯಾನ್​ ಮಾಡಿದೆ, ಅದೇನೆಂದರೆ ಪ್ರವಾಹ ಸೃಷ್ಟಿ! ರಷ್ಯಾ ಸೈನಿಕರನ್ನು ಓಡಿಸುವ ಸಲುವಾಗಿ ಬೃಹತ್ ಆಣೆಕಟ್ಟನ್ನೇ ತೆರೆದು ಅಗಾಧ ಪ್ರಮಾಣದ ನೀರನ್ನು ಹೊರಬಿಡಲಾಗಿದೆ. ಯೂಕ್ರೇನ್​ನ ರಾಜಧಾನಿ ಕೀವ್‌ನ ಉತ್ತರದ ಒಂದು ಸಣ್ಣ ಹಳ್ಳಿಯಲ್ಲಿ ಈ ಪ್ರವಾಹ ಸೃಷ್ಟಿ ಮಾಡಲಾಗಿದೆ.

ಹೀಗೆ ಮಾಡಿದ್ದರಿಂದ ಪ್ರವಾಹ ಉಂಟಾಗಿದ್ದು, ನೆಲಮಾಳಿಗೆಗಳು ಮತ್ತು ಹೊಲಗಳು ಮುಳುಗಿಹೋಗಿವೆ. ಆದರೆ ಈ ಪ್ರವಾಹಕ್ಕೆ ಸಿಲುಕಿ ರಷ್ಯಾದ ಸೈನಿಕರು ಪ್ರವಾಹಕ್ಕೆ ಸಿಲುಕಿ ತತ್ತರಿಸಿ ಹೋಗಿದ್ದಾರೆ ಎಂದು ವರದಿಯಾಗಿದೆ. ಡೆಮಿಡಿವ್‌ ಎಂಬಲ್ಲಿ ಕೂಡ ಯೂಕ್ರೇನ್​ ಪಡೆಗಳು ಅಣೆಕಟ್ಟನ್ನು ತೆರೆದಿದ್ದರಿಂದ ಇರ್ಪಿನ್ ಎಂಬ ನದಿಯ ನೀರು ಸುತ್ತಮುತ್ತಲಿನ ಹಳ್ಳಿಗಳನ್ನು ಮತ್ತು ಸಾವಿರಾರು ಎಕರೆಗಳನ್ನು ಮುಳುಗಿಸಿದೆ.

ಈ ಪ್ರವಾಹದಿಂದಾಗಿ ರಷ್ಯಾದ ಸೈನಿಕರು ಮತ್ತು ಟ್ಯಾಂಕ್‌ಗಳು ಇನ್ನೂ ಮುನ್ನುಗ್ಗಿ ಬರಲು ಸಾಧ್ಯವಾಗಲಿಲ್ಲ. ತಮಗೆ ಒಂದಿಷ್ಟು ಹಾನಿ ಮಾಡಿಕೊಂಡು ರಷ್ಯಾ ಆಕ್ರಮಣವನ್ನು ತಡೆಯಲು ಇದು ಅಗತ್ಯವಾಗಿತ್ತು ಎಂದೇ ಹೇಳಲಾಗುತ್ತಿದೆ.

https://www.vijayavani.net/s-mysore-doctor-death-case-reveladed/

https://www.vijayavani.net/s-sbi-employee-clerical-error-leads-to-rs-1-5-cro/

https://www.vijayavani.net/s-brother-death-by-ssister-in-hubli/