ಗಡಿ ಭದ್ರತಾ ಪಡೆಯಲ್ಲಿವೆ 72 ಹುದ್ದೆಗಳು- 81 ಸಾವಿರ ರೂ.ವರೆಗೆ ಸಂಬಳ

ಗೃಹ ಸಚಿವಾಲಯದ ಅಧೀನದಲ್ಲಿ ಕಾರ್ಯನಿರ್ವಹಿಸುವ ಗಡಿ ಭದ್ರತಾ ಪಡೆಯ (ಬಿಎಸ್​ಎಫ್) ಇಂಜಿನಿಯರಿಂಗ್ ವಿಭಾಗದಲ್ಲಿ 2020-21ನೇ ಸಾಲಿನ ಗ್ರೂಪ್ ಸಿ (ನಾನ್ ಗೆಜೆಟೆಡ್- ನಾನ್ ಮಿನಿಸ್ಟ್ರಿಯಲ್) ಹುದ್ದೆಗಳಿಗೆ ಅರ್ಹ ಮಹಿಳಾ ಹಾಗೂ ಪುರುಷ ಅಭ್ಯರ್ಥಿಗಳಿಂದ ಆನ್​ಲೈನ್ ಅರ್ಜಿ ಆಹ್ವಾನಿಸಲಾಗಿದೆ.

ಒಟ್ಟು ಹುದ್ದೆಗಳು: 72

ಹುದ್ದೆ ವಿವರ

* ಅಸಿಸ್ಟೆಂಟ್ ಸಬ್ ಇನ್​ಸ್ಪೆಕ್ಟರ್ ದರ್ಜೆ (ಡಿಎಂ ಗ್ರೇಡ್-ಐಐಐ) - 1

* ಹೆಡ್ ಕಾನ್​ಸ್ಟೆಬಲ್ (ಕಾರ್ಪೆಂಟರ್) - 4

* ಹೆಡ್ ಕಾನ್​ಸ್ಟೆಬಲ್ (ಪ್ಲಂಬರ್) - 2

* ಕಾನ್​ಸ್ಟೆಬಲ್

- ಸೀವರ್​ವåನ್- 2

- ಜನರೇಟರ್ ಆಪರೇಟರ್ - 24

- ಜನರೇಟರ್ ಮೆಕಾನಿಕ್ - 28

- ಲೈನ್​ವೆುನ್ - 11

ಶೈಕ್ಷಣಿಕ ಅರ್ಹತೆ: ಎಲ್ಲ ಹುದ್ದೆಗೂ ಮೆಟ್ರಿಕ್ಯುಲೇಷನ್ ಉತ್ತೀರ್ಣರಾಗಿರಬೇಕು. ಎಎಸ್​ಐಗೆ ಇಂಡಸ್ಟ್ರಿಯಲ್ ಟ್ರೇನಿಂಗ್ ಇನ್​ಸ್ಟಿಟ್ಯೂಟ್​ನಿಂದ ಡ್ರಾಫ್ಟ್​ಮನ್​ಶಿಪ್​ನಲ್ಲಿ (ಸಿವಿಲ್) ಡಿಪ್ಲೊಮಾ ಮಾಡಿರಬೇಕು. ಕಾರ್ಪೆಂಟರ್, ಪ್ಲಂಬಿಂಗ್​ನಲ್ಲಿ ಐಟಿಐ ಪ್ರಮಾಣಪತ್ರ, ಕಾನ್​ಸ್ಟೆಬಲ್ ಹುದ್ದೆಗೆ ಸಂಬಂಧಿತ ವಿಭಾಗದಲ್ಲಿ ವೃತ್ತಿ ಅನುಭವ ಕೇಳಲಾಗಿದೆ.

ವಯೋಮಿತಿ: ಎಲ್ಲ ಹುದ್ದೆಗಳಿಗೂ ಕನಿಷ್ಠ 18 ವರ್ಷ ಗರಿಷ್ಠ 25 ವರ್ಷ ವಯೋಮಿತಿ ನಿಗದಿಪಡಿಸಲಾಗಿದೆ. ಮೀಸಲಾತಿ ಅಭ್ಯರ್ಥಿಗಳಿಗೆ ಸರ್ಕಾರದ ನಿಯಮದನ್ವಯ ವಯೋ ಸಡಿಲಿಕೆ ಇದೆ.

ಮೀಸಲಾತಿ: ಸಾಮಾನ್ಯವರ್ಗದ ಅಭ್ಯರ್ಥಿಗಳಿಗೆ 32 ಸ್ಥಾನ, ಆರ್ಥಿಕವಾಗಿ ದುರ್ಬಲವಾಗಿರುವ ಅಭ್ಯರ್ಥಿಗಳಿಗೆ 5, ಇತರ ಹಿಂದುಳಿದ ವರ್ಗಕ್ಕೆ 19, ಎಸ್​ಸಿ- 12, ಎಸ್​ಟಿ ಪ್ರವರ್ಗಕ್ಕೆ 4 ಸ್ಥಾನ ಮೀಸಲಿರಿಸಲಾಗಿದೆ. ಇದರಲ್ಲಿ ಮಾಜಿ ಸೈನಿಕರಿಗೆ 5 ಸ್ಥಾನ, ಮಹಿಳಾ ಅಭ್ಯರ್ಥಿಗೆ 8 ಸ್ಥಾನ ಕಾಯ್ದಿರಿಸಲಾಗಿದೆ.

ವೇತನ: 7ನೇ ವೇತನ ಆಯೋಗದ ಅನ್ವಯ ಎಎಸ್​ಐಗೆ ಮಾಸಿಕ 5ನೇ ಶ್ರೇಣಿ ಅನ್ವಯ 29,200-92,300 ರೂ., ಹೆಡ್​ಕಾನ್​ಸ್ಟೆಬಲ್​ಗೆ 4ನೇ ಶ್ರೇಣಿ ಅನ್ವಯ ಮಾಸಿಕ 25,500-81,100 ರೂ., ಕಾನ್​ಸ್ಟೆಬಲ್​ಗೆ 3ನೇ ಶ್ರೇಣಿ ಅನ್ವಯ ಮಾಸಿಕ 21,700-69,100 ರೂ. ವೇತನ ಇದೆ.

ದೈಹಿಕ ಅರ್ಹತೆ: ಮಹಿಳೆಯರಿಗೆ ಎತ್ತರ 157 ಸೆಂ. ಮೀಟರ್, ಪುರುಷರಿಗೆ 165-167.5 ಸೆಂ.ಮೀ ಇರಬೇಕು. ಎದೆಯ ಸುತ್ತಳತೆ (ಮಹಿಳೆಯರಿಗೆ ಅನ್ವಯವಾಗುವುದಿಲ್ಲ) ಪುರುಷರಿಗೆ 76-85 ಸೆಂ.ಮೀ., ಎತ್ತರಕ್ಕೆ ಅನುಗುಣವಾಗಿ ತೂಕದ ಮಾನದಂಡ ನಿರ್ಧರಿಸಲಾಗುವುದು. ದೃಷ್ಟಿದೋಷ ಇರಬಾರದು, ಹೊರಗೆ ಕಾಣಿಸುವ ದೇಹದ ಯಾವುದೇ ಭಾಗದಲ್ಲಿ ಟ್ಯಾಟೂ ಇರಬಾರದು.

ಆಯ್ಕೆ ಪ್ರಕ್ರಿಯೆ: ಲಿಖಿತ ಪರೀಕ್ಷೆಯಲ್ಲಿ ಉತ್ತೀರ್ಣರಾದ ಅಭ್ಯರ್ಥಿಗಳಿಗೆ ದೈಹಿಕ ಪರೀಕ್ಷೆ, ವೈದ್ಯಕೀಯ ಪರೀಕ್ಷೆ, ದಾಖಲೆ ಪರಿಶೀಲನೆ ನಡೆಸಲಾಗುವುದು.

ಅರ್ಜಿ ಶುಲ್ಕ: ಎಸ್ಸಿ, ಎಸ್ಟಿ, ಮಹಿಳಾ, ಮಾಜಿ ಸೈನಿಕ, ಬಿಎಸ್​ಎಫ್​ನ ಸಿಬ್ಬಂದಿ ಹೊರತುಪಡಿಸಿ ಉಳಿದ ಅಭ್ಯರ್ಥಿಗಳು 100 ರೂ. ಶುಲ್ಕ ಪಾವತಿಸಬೇಕು.

ಅರ್ಜಿ ಸಲ್ಲಿಸಲು ಕೊನೇ ದಿನ: 29.12.2021

ಅಧಿಸೂಚನೆಗೆ: https://bit.ly/3wWrdsD

ಮಾಹಿತಿಗೆ: http://rectt.bsf.gov.in

https://www.vijayavani.net/s-ramachandra-guruji-will-talk-to-puneeth-rajkumars-soul/

https://www.vijayavani.net/s-tamil-acotr-simbu-cried-in-function/

.