ಇಬ್ಬರು ಪತ್ನಿಯರಿದ್ದರೆ ಆಸ್ತಿ ಹಂಚಿಕೆ ಹೇಗೆ? ಅಕ್ರಮ ಸಂಬಂಧದ ಮಕ್ಕಳಿಗೂ ಪಾಲು ಇದ್ಯಾ? ಕಾನೂನು ಹೀಗೆ ಹೇಳಿದೆ...

ನಮ್ಮ ತಂದೆಯ ಪಿತ್ರಾರ್ಜಿತ ಆಸ್ತಿ ಮತ್ತು ಸ್ವಯಾರ್ಜಿತ ಆಸ್ತಿ ನನಗಿಂತ ಮೊದಲೇ ಹುಟ್ಟಿದ ನಮ್ಮ ತಂದೆಯ ಅನೈತಿಕ ಸಂಬಂಧ ಮುಖಾಂತರ ಹುಟ್ಟಿದ ಮಗು ನನಗಿಂತ 12ವರ್ಷ ದೊಡ್ಡವನಿಗೆ ಆಸ್ತಿ ವರ್ಗಾಯಿಸಿದ್ದಾರೆ ಮತ್ತು ನಾನು 2016ರಲ್ಲಿ O.S ಕೇಸ್ ದಾಖಲು ಮಾಡಿದ್ದೇನೆ. ಈಗ ನಮ್ಮ ತಾಯಿ ಎರಡನೇ ಹೆಂಡತಿ ಅಂದರೆ ನಮಗೆ ಅವರ ಆಸ್ತಿಯಲ್ಲಿ ಪಾಲು  ಸಿಗುತ್ತದೆಯೇ ತಿಳಿಸಿ.

ಉತ್ತರ: ನಿಮ್ಮ ತಂದೆ ಬದುಕಿದ್ದಾರೆಯೇ ತೀರಿಕೊಂಡಿದ್ದಾರೆಯೇ ಎನ್ನುವುದನ್ನು ನೀವು ತಿಳಿಸಿಲ್ಲ. ನಿಮ್ಮ ತಂದೆ ಬದುಕಿರುವಾಗ ಅವರ ಸ್ವಯಾರ್ಜಿತ ಹಾಗೂ ಪಿತ್ರಾರ್ಜಿತ ಆಸ್ತಿಯಲ್ಲಿ ನಿಮ್ಮ ತಂದೆಯ ಎರಡನೇ ಹೆಂಡತಿಯ ಮಕ್ಕಳಿಗೆ ಪಾಲು ಕೇಳುವ ಹಕ್ಕು ಬರುವುದಿಲ್ಲ. (ಈ ಕುರಿತಾದ ಅರ್ಜಿಯ ವಿಚಾರಣೆಯೊಂದು ಸುಪ್ರೀಂಕೋರ್ಟ್​ನಲ್ಲಿ ಇತ್ಯರ್ಥಕ್ಕೆ ಬಾಕಿ ಇದೆ).

ನಿಮ್ಮ ತಂದೆ ತೀರಿಕೊಂಡಿದ್ದರೆ ಅವರ ಎರಡನೆಯ ಹೆಂಡತಿಯ ಮಕ್ಕಳು ಪಾಲು ಕೇಳಬಹುದು. ಮೊದಲನೆಯ ಪತ್ನಿ ಇರುವಾಗ ಎರಡನೇ ಮದುವೆ ಆಗಿದ್ದರೆ, ಎರಡನೇ ಪತ್ನಿಗೆ ಮೃತರ ಆಸ್ತಿಯಲ್ಲಿ ಭಾಗ ಬರುವುದಿಲ್ಲ. ಎರಡನೇ ಹೆಂಡತಿಯ ಮಕ್ಕಳಿಗೆ, ಮೃತರ ಸ್ವಯಾರ್ಜಿತ ಆಸ್ತಿಯಲ್ಲಿ ಸಮಪಾಲು ಇರುತ್ತದೆ. ಪಿತ್ರಾರ್ಜಿತ ಆಸ್ತಿಯಲ್ಲಿ ಮೃತರಿಗೆ ಒಂದು ಭಾಗ ತೆಗೆದು, ಆ ಭಾಗದಲ್ಲಿ ಮೃತರ ಒಂದು ಮತ್ತು ಎರಡನೆಯ ಹೆಂಡತಿಯ ಮಕ್ಕಳ ಮತ್ತು ಮೃತರ ಮೊದಲ ಹೆಂಡತಿಯ ಪಾಲಿಗೆ ಸಮವಾಗಿ , ಮೃತರ ಭಾಗ ಹಂಚಿಕೆ ಆಗುತ್ತದೆ.

ನಿಮ್ಮ ಪ್ರಕರಣದಲ್ಲಿ ಯಾರು ಮೊದಲನೆಯ ಹೆಂಡತಿ ಎನ್ನುವುದು ತೀರ್ಮಾನವಾಗಬೇಕಾಗುತ್ತದೆ. ಪತ್ನಿ ಎನ್ನುವುದು ತೀರ್ಮಾನವಾಗಲು ವಿವಾಹವನ್ನು ಕಾನೂನಿನಲ್ಲಿ ತಿಳಿಸಿರುವಂತೆಯೇ ಸಾಬೀತು ಪಡಿಸಬೇಕು.

https://www.vijayavani.net/s-hijab-issue-in-supreme-court-what-are-all-points/

https://www.vijayavani.net/s-tiktok-influencer-dies-following-sky-diving/