ಸುಶಾಂತ್​ ರಜಪೂತ್​ ಜತೆ ನಟಿಸಿದ್ದ ಬಾಲಿವುಡ್​ ನಟ ನೇಣಿಗೆ ಶರಣು!

ನವದೆಹಲಿ: ಇತ್ತೀಚೆಗೆ ಚಿತ್ರರಂಗದ ಪ್ರಮುಖರ ಆತ್ಮಹತ್ಯೆಗಳು ಹೆಚ್ಚುತ್ತಿವೆ. ಇದಾಗಲೇ ವಿವಿಧ ಭಾಷೆಗಳ ನಟ-ನಟಿಯವರು ಆತ್ಮಹತ್ಯೆಯ ಹಾದಿ ಹಿಡಿದಿದ್ದಾರೆ. ಇದೀಗ ಬಾಲಿವುಡ್ ನಟ ಆಸಿಫ್ ಬಸರಾ ನೇಣಿಗೆ ಶರಣಾಗಿದ್ದಾರೆ!

ಹಿಮಾಚಲ ಪ್ರದೇಶದ ಕಾಂಗ್ರಾ ಜಿಲ್ಲೆಯ ಧರ್ಮಶಾಲಾದಲ್ಲಿ ಬಾಸ್ರಾ ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ. ಆತ್ಮಹತ್ಯೆಗೆ ಕಾರಣ ತಿಳಿದು ಬಂದಿಲ್ಲ. ಸಾಕು ನಾಯಿ ಜತೆ ಹೊರಗೆ ಹೋಗಿದ್ದರು. ವಾಪಸ್ ಬಂದವರು ನೇಣಿಗೆ ಶರಣಾಗಿದ್ದಾರೆ.

ಇದನ್ನೂ ಓದಿ: ‘ಉಗ್ರಾವತಾರ’ ಮೋಷನ್ ಪೋಸ್ಟರ್ ಬಿಡುಗಡೆ ಮಾಡಿದ ಉಪೇಂದ್ರ

ಇವರು ಐದು ವರ್ಷಗಳಿಂದ ಬಾಡಿಗೆ ಮನೆಯಲ್ಲಿ ವಾಸಿಸುತ್ತಿದ್ದರು. ಹಿಮಾಚಲ ಪ್ರದೇಶದ ಮೆಕ್ಲಿಯಾಡ್ಗಂಜ್​ ಎಂಬಲ್ಲಿ ಸ್ನೇಹಿತೆಯ ಜತೆಗೆ ಲಿವ್​ ಇನ್​ ರಿಲೇಷನ್​ನಲ್ಲಿ ಇದ್ದರು ಎನ್ನಲಾಗಿದೆ. ಇಂಗ್ಲೇಂಡ್​ ಮೂಲಕ ಮಹಿಳೆಯ ಜತೆ ಇದೇ ಮನೆಯಲ್ಲಿ ಮೊದಲಿನಿಂದಲೂ ಇವರು ವಾಸವಾಗಿದ್ದರು.

ಇವರು ಇತ್ತೀಚೆಗೆ ನಿಗೂಢವಾಗಿ ಮೃತಪಟ್ಟಿರುವ ನಟ ಸುಶಾಂತ್​ ರಜಪೂತ್​ ಜತೆ 'ಕಾಯ್​ ಪೋ ಛೆ' ಸಿನಿಮಾದಲ್ಲಿ ನಟನೆ ಮಾಡಿ ಪ್ರಸಿದ್ಧಿ ಪಡೆದಿದ್ದರು. ​ ಇದರ ಜತೆಗೆ ಕೆಲವು ಹಿರಿತೆರೆ, ಕಿರುತೆರೆಗಳಲ್ಲಿಯೂ ನಟಿಸಿದ್ದಾರೆ. ಮಾತ್ರವಲ್ಲದೇ ಹಾಲಿವುಡ್​ ಚಿತ್ರದಲ್ಲಿಯೂ ಕಾಣಿಸಿಕೊಂಡಿದ್ದಾರೆ.

ಇವರು ಕೆಲ ದಿನಗಳಿಂದ ಖಿನ್ನತೆಯಿಂದ ಬಳಲುತ್ತಿದ್ದರು ಎನ್ನಲಾಗಿದೆ. ಎಲ್ಲಾ ನಿಟ್ಟಿನಿಂದಲೂ ಪೊಲೀಸರು ತನಿಖೆ ಕೈಗೊಂಡಿದ್ದಾರೆ.

https://www.vijayavani.net/s-west-bengal-tmc-leader/

https://www.vijayavani.net/s-west-bengal-ministers-missing-from-cabinet/

.