ಬಿರಿಯಾನಿ, ಕೇಕ್, ದೋಸೆ, ಚಾಕೋಲೇಟ್ಸ್... ಆಹಾ! 9ರ ಈ ಪೋರ ಏನು ಮಾಡಿದ್ದಾನೆ ನೋಡಿ...

ತಿರುವನಂತಪುರ: ಕೇರಳದ 9 ವರ್ಷದ ಈ ಬಾಲಕ ಮಾಡಿರುವ ಸಾಧನೆ ನೋಡಿದರೆ ನೀವು ದಂಗಾಗುವುದು ಗ್ಯಾರೆಂಟಿ. ಏಕೆಂದರೆ ಈತ ಮಾಡಿರುವ ಸಾಧನೆಯೇ ಅಂಥದ್ದು.

ಕೇವಲ ಒಂದೇ ಒಂದು ಗಂಟೆಯಲ್ಲಿ 172 ವಿಧದ ಭಕ್ಷ್ಯ ತಯಾರಿಸಿದ್ದಾನೆ ಈತ. ಈ ಮೂಲಕ ಏಷ್ಯಾ ಬುಕ್ ಆಫ್ ರೆಕಾರ್ಡ್ಸ್ ಮತ್ತು ಇಂಡಿಯಾ ಬುಕ್ ಆಫ್ ರೆಕಾರ್ಡ್ಸ್​ನಲ್ಲಿ ತನ್ನ ಹೆಸರನ್ನು ದಾಖಲಿಸಿಕೊಂಡಿದ್ದಾನೆ.

ಈ ಬಾಲಕನ ಹೆಸರು ಹಯನ್ ಅಬ್ದುಲ್ಲಾ. ನಾಲ್ಕನೇ ವಯಸ್ಸಿನಿಂದಲೇ ಈತನಿಗೆ ಅಡುಗೆ ಮಾಡುವುದು ಎಂದರೆ ಪಂಚಪ್ರಾಣ. ಆಗಿನಿಂದಲೇ ಅಡುಗೆಯಲ್ಲಿ ಆಸಕ್ತಿ ಬೆಳೆಸಿಕೊಂಡ ಬಾಲಕ, ಇದೀಗ 1 ಗಂಟೆಯಲ್ಲಿ ಬಿರಿಯಾನಿ, ಜ್ಯೂಸ್, ಪ್ಯಾನ್ ಕೇಕ್, ದೋಸೆ, ಮಿಲ್ಕ್ ಶೇಕ್, ಮತ್ತು ಚಾಕೋಲೇಟ್ಸ್ ಸೇರಿದಂತೆ ಹಲವಾರು ಬಗೆಯ ಖಾದ್ಯಗಳನ್ನು ಫಟಾಫಟ್​ ತಯಾರಿಸಬಲ್ಲ. ಚೆನ್ನೈನ ಶೆರ್ವುಡ್ ಹಾಲ್ ಸೀನಿಯರ್ ಸೆಕೆಂಡರಿ ಶಾಲೆಯ ಮೂರನೇ ತರಗತಿ ವಿದ್ಯಾರ್ಥಿಯಾಗಿರುವ ಹಯನ್ ಕರೊನಾದಿಂದಾಗಿ ನಡೆಸಿದ್ದ ಆನ್​ಲೈನ್​ ಸ್ಪರ್ಧೆಯಲ್ಲಿ ಭಾಗವಹಿಸಿದ್ದ. ಅಲ್ಲಿ ದಾಖಲೆ ನಿರ್ಮಿಸಿದ್ದಾನೆ.

ಅಂದಹಾಗೆ ಈತನ ಪಾಲಕರು ಚೆನ್ನೈನಲ್ಲಿ ರೆಸ್ಟೋರೆಂಟ್​ ನಡೆಸುತ್ತಿದ್ದಾರೆ. ಅವರ ತಂದೆ ಹಶ್ನಾಸ್ ಅಬ್ದುಲ್ಲಾ ಪಯೋಲಿಯವರು ಮತ್ತು ತಾಯಿ ಫಿರೋಕ್ ಮೂಲದವರಾಗಿದ್ದಾರೆ. ಮೊದಲಿನಿಂದಲೂ ಈತನಿಗೆ ಅಡುಗೆ ಮಾಡುವುದು ಎಂದರೆ ಬಲು ಇಷ್ಟ. ಮೊದಲು ತನಗೆ ಅಡುಗೆಗೆ ಸಹಾಯ ಮಾಡುತ್ತಿದ್ದ ಎನ್ನುತ್ತಾರೆ ಬಾಲಕನ ತಾಯಿ.

ಮೊದಲಿನಿಂದಲೂ ಅಪ್ಪ- ಅಮ್ಮ ಅಡುಗೆ ಮಾಡುವುದನ್ನು ನೋಡುತ್ತಾ ಇದನ್ನು ಕಲಿತಿದ್ದೇನೆ. ಆದರೆ ರೆಕಾರ್ಡ್​ ಮಾಡುತ್ತೇನೆ ಎಂದು ಅಂದುಕೊಂಡಿರಲಿಲ್ಲ. ಈ ರೆಕಾರ್ಡ್​ ಮಾಡಲು ವಿಶೇಷ ತಯಾರಿ ನಡೆಸಿಲ್ಲ ಎಂದು ಹಯನ್ ಹೇಳಿದ್ದಾನೆ.

ಈತ ಇಷ್ಟು ಚಿಕ್ಕ ವಯಸ್ಸಿನಲ್ಲಿಯೇ ಹಯನ್ ಡೆಲಿಕೇಟ್ಸ್ ಎಂಬ ಯೂಟ್ಯೂಬ್ ಚಾನೆಲ್​ ಹೊಂದಿದ್ದಾನೆ. ಈ ಚಾನೆಲ್​ನಲ್ಲಿ ವಿವಿಧ ಅಡುಗೆಗಳ ಬಗ್ಗೆ ಇಂಗ್ಲಿಷ್, ಮಲಾಯಾಳಿ ಮತ್ತು ತಮಿಳು ಭಾಷೆಗಳಲ್ಲಿ ವಿವರಣೆ ದೊರೆಯುತ್ತದೆ, ಪೈಲಟ್ ಆಗಬೇಕೆಂಬುದು ಹಯಾನ್ ಮಹಾದಾಸೆಯಾಗಿದೆ. ಪಾಸ್ತಾ ಬಾರ್ ಸ್ಥಾಪಿಸಬೇಕೆನ್ನುವುದೂ ಈತನ ಕನಸು.

ಕ್ಷಣಕ್ಷಣದ ಮಾಹಿತಿಗಾಗಿ ವಿಜಯವಾಣಿ ಫೇಸ್​ಬುಕ್​ ಪೇಜ್​ ಲೈಕ್ಸ್​ ಮಾಡಿ

https://www.vijayavani.net/s-nandondukathe-magana-ee-guna-nikha/

https://www.vijayavani.net/s-shabanam-death-sentennce-petition-to-governor/

https://www.vijayavani.net/s-whistle-in-women-lever-operation-after-25years/

https://www.vijayavani.net/s-delhi-hc-directs-police-to-ensure-no-media-leaks/

https://www.vijayavani.net/s-software-engineer-death-police-case/