ಖಾಸಗಿ ಆಸ್ಪತ್ರೆಗಳಲ್ಲಿ ಲಸಿಕೆ ಹಾಕಿಸಿಕೊಳ್ಳುವಿರಾ? ಸರ್ಕಾರ ನಿಗದಿ ಮಾಡಿರುವ ಈ ದರಗಳನ್ನೊಮ್ಮೆ ನೋಡಿ...

ನವದೆಹಲಿ: ಖಾಸಗಿ ಆಸ್ಪತ್ರೆಗಳಲ್ಲಿ ಕರೊನಾ ಲಸಿಕೆಯ ಹೆಸರಿನಲ್ಲಿ ಲೂಟಿ ಮಾಡುತ್ತಿರುವ ಆರೋಪ ಕೇಳಿಬಂದ ಬೆನ್ನಲ್ಲೇ ಕೇಂದ್ರ ಸರ್ಕಾರ ಎಲ್ಲಾ ಲಸಿಕೆಗಳಿಗೆ ದರವನ್ನು ನಿಗದಿ ಮಾಡಿದೆ. ಈಗ ನಿಗದಿ ಮಾಡಿರುವ ದರಕ್ಕಿಂತ ಸರ್ವೀಸ್‌ ಚಾರ್ಜ್‌ ಎಂದು 150 ರೂಪಾಯಿಗಳಷ್ಟೇ ಹೆಚ್ಚಿಗೆ ಪಡೆಯಬೇಕು ಎಂದು ಆದೇಶಿಸಿದೆ.

ಈ ಮೊದಲು ಸರ್ಕಾರ ದರವನ್ನು ನಿಗದಿ ಮಾಡಿತ್ತು. ಇದೀಗ ಅದನ್ನು ಪರಿಷ್ಕರಣೆ ಮಾಡಿದೆ. ಈ ದರಕ್ಕಿಂತ ಹೆಚ್ಚಿಗೆ ದರವನ್ನು ಯಾವುದೇ ಕಾರಣಕ್ಕೂ ವಸೂಲಿ ಮಾಡುವಂತಿಲ್ಲ ಎಂದು ಸರ್ಕಾರ ಎಚ್ಚರಿಕೆ ನೀಡಿದೆ. ಪ್ರಧಾನಿ ನರೇಂದ್ರ ಮೋದಿ ಅವರು ಜೂನ್ 7ರಂದು ದೇಶವನ್ನು ಉದ್ದೇಶಿಸಿ ಮಾತನಾಡಿ, ನೂತನ ಲಸಿಕಾ ನೀತಿ ಪ್ರಕಟಿಸಿದ್ದರು. ಇದೀಗ ಖಾಸಗಿ ಅಸ್ಪತ್ರೆಗಳಿಗೆ ಈ ದರಗಳನ್ನು ನೀಡಲಾಗಿದೆ.

ಯಾವ್ಯಾವುದಕ್ಕೆ ಎಷ್ಟೆಷ್ಟು ದರ? (ಪ್ರತಿ ಡೋಸ್‌ಗೆ)

ಕೋವಿಶೀಲ್ಡ್ - 780 ರೂ

ದೇಸಿ ನಿರ್ಮಿತ ಕೋವ್ಯಾಕ್ಸಿನ್ - 1,410 ರೂ

ರಷ್ಯಾ ನಿರ್ಮಿತ ಸ್ಪುಟ್ನಿಕ್ ವಿ - 1145 ರೂ.

ಇವುಗಳ ಜತೆಗೆ ಸರ್ವಿಸ್‌ ಚಾರ್ಜ್‌ ರೂಪದಲ್ಲಿ 150 ರೂಪಾಯಿ ಹೆಚ್ಚುವರಿ ದರ.

https://www.vijayavani.net/s-bank-ifsc-and-chequebook-will-change/

https://www.vijayavani.net/s-rohini-sindhoori-biopic-after-lockdown/

https://www.vijayavani.net/s-theft-of-90lakhs-arrested-by-police/