ಮುದ್ದು ಕಂದನ ಜೀವ ಉಳಿಸಲು ₹6 ಕೋಟಿ ಜಿಎಸ್​ಟಿ ಮನ್ನಾ ಮಾಡಿದ ಪ್ರಧಾನಿ ಮೋದಿ

ಮುಂಬೈ: ಈ ಚಿತ್ರದಲ್ಲಿ ಕಾಣಿಸುತ್ತಿರುವ ಮುಗ್ಧಮುಖದ ಬೊಗಸೆಕಂಗಳ ಐದು ತಿಂಗಳ ಮಗುವಿನ ಹೆಸರು ಟೀರಾ. ಆದರೆ ಈ ನಗುವಿನ ಹಿಂದೆ ಭಯಾನಕ ಕಾಯಿಲೆ ಮನೆಮಾಡಿದೆ. ಈ ಪುಟಾಣಿ ಇದೀಗ ಅಪರೂಪದ ಕಾಯಿಲೆಯಿಂದಾಗಿ ಜೀವನ್ಮರಣಗಳ ನಡುವೆ ಹೋರಾಟ ನಡೆಸುತ್ತಿದ್ದಾಳೆ.

ಸುಮಾರು 16 ಕೋಟಿ ಮೌಲ್ಯದ ಔಷಧ ಈ ಮಗುವಿನ ಜೀವಕ್ಕಾಗಿ ಬೇಕಿದೆ. ಅದನ್ನು ಈಕೆಯ ಪಾಲಕರು ಅಮೆರಿಕದಿಂದ ಆಮದು ಮಾಡಿಕೊಳ್ಳಬೇಕಿದೆ. ಈ ಮಗುವಿಗೆ ಜೀವ ನೀಡಲು ಕೇಂದ್ರ ಸರ್ಕಾರ ನೆರವಾಗಿದ್ದು, ಔಷಧಿಯ ಆಮದಿಗೆ ತಗುಲುತ್ತಿರುವ ಆರು ಕೋಟಿ ರೂಪಾಯಿಗಳ ಜಿಎಸ್​ಟಿಯನ್ನು ಮನ್ನಾ ಮಾಡಿದೆ.

ಅಂದಹಾಗೆ ಟೀರಾ, ಅಪರೂಪದ ಅನುವಂಶಿಕ ಕಾಯಿಲೆಯಿಂದ ಬಳಲುತ್ತಿದ್ದಾಳೆ. ಸ್ಪೈನಲ್​ ಮಸ್ಕ್ಯುಲಾರ್​ ಅಸ್ಟ್ರಾಫಿಸ್​ (Spinal Muscular Astrophys -SMA) ಎಂಬ ಕಾಯಿಲೆ ಇದಾಗಿದೆ. ಈಕೆಯ ಚಿಕಿತ್ಸೆಗೆ ಬಲುದುಬಾರಿ ಮೊತ್ತ ಬೇಕಿದೆ. ಮಗುವಿನ ಜೀನ್ ಬದಲಿಸಿ ಚಿಕಿತ್ಸೆ ನೀಡಬೇಕಿದೆ. ಇದಕ್ಕೆ ತಗಲುವ ಔಷಧ ಲಭ್ಯವಿರುವುದು ಅಮೆರಿಕದಲ್ಲಿ ಮಾತ್ರ. ಅದನ್ನು ತರಿಸಿಕೊಳ್ಳಲು ಈಕೆಯ ಪಾಲಕರು ಇದಾಗಲೇ ಕ್ರೌಡ್-ಫಂಡಿಂಗ್ ಮೂಲಕ 16 ಕೋಟಿ ರೂಪಾಯಿಯನ್ನು ಸಂಗ್ರಹಿಸಿದ್ದಾರೆ. ಆದರೆ ಈ ಔಷಧಕ್ಕೆ 6 ಕೋಟಿ ರೂಪಾಯಿ ಹೆಚ್ಚುವರಿ ಜಿಎಸ್​ಟಿ ಕಟ್ಟುವ ಅಗತ್ಯವಿದೆ.

ಈ ಹಿನ್ನೆಲೆಯಲ್ಲಿ ಅವರು ಪ್ರತಿಪಕ್ಷದ ನಾಯಕ ಮತ್ತು ಬಿಜೆಪಿ ಶಾಸಕ ದೇವೇಂದ್ರ ಫಡ್ನವೀಸ್ ಅವರ ಮೊರೆ ಹೋಗಿದ್ದರು. ಫಡ್ನವೀಸ್​ ಅವರು ಪ್ರಧಾನಿ ಮೋದಿ ಮತ್ತು ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್ ಅವರಿಗೆ ಪಾಲಕರು ಬರೆದಿರುವ ಮನವಿ ಪತ್ರವನ್ನು ರವಾನೆ ಮಾಡಿದ್ದರು. ತೆರಿಗೆ ವಿನಾಯಿತಿಗೆ ಪರಿಶೀಲನೆ ಮಾಡುವಂತೆ ಕೋರಿದ್ದರು.

ಪಾಲಕರ ಈ ಕೋರಿಕೆಯನ್ನು ಸರ್ಕಾರ ಪುರಸ್ಕರಿಸಿದ್ದು, ಆರು ಕೋಟಿ ರೂಪಾಯಿ ಜಿಎಸ್​ಟಿಯನ್ನು ಮನ್ನಾ ಮಾಡಲಾಗಿದೆ.

https://www.vijayavani.net/s-car-drawon-in-canal-4-death/

https://www.vijayavani.net/s-sister-finds-unique-way-to-overcome-late-fathers-shortage/

https://www.vijayavani.net/s-owl-pose-as-marilyn-monrowl/

https://www.vijayavani.net/s-chhattisgarh-girl-kidnapped-sold-7-times/