‌‌ಇಂಜಿನಿಯರಿಂಗ್‌ ಪದವೀಧರರಾ? ಪರಮಾಣು ಶಕ್ತಿ ಇಲಾಖೆಯಲ್ಲಿದೆ 150 ಹುದ್ದೆಗಳು

‌ಪರಮಾಣು ಶಕ್ತಿ ಇಲಾಖೆಯ ಅಧೀನದಲ್ಲಿ ಕಾರ್ಯನಿರ್ವಹಿಸುವ ಎಲೆಕ್ಟ್ರಾನಿಕ್ಸ್ ಕಾರ್ಪೋರೇಷನ್‌ ಆಫ್ ಇಂಡಿಯಾ ಲಿಮಿಟೆಡ್ (ಇಸಿಐಎಲ್) ಹೈದರಾಬಾದ್​ನಲ್ಲಿರುವ ಪ್ರಾದೇಶಿಕ ಕಚೇರಿಯಲ್ಲಿ ಇಂಜಿನಿಯರಿಂಗ್ ವಿಭಾಗದಲ್ಲಿ ಅಪ್ರೆಂಟೀಸ್ ತರಬೇತಿ ನೀಡಲು ಸಿದ್ಧತೆ ನಡೆಸಿದ್ದು, ಅರ್ಹ ಅಭ್ಯರ್ಥಿಗಳಿಂದ ಅರ್ಜಿ ಅಹ್ವಾನಿಸಲಾಗಿದೆ.

ಒಟ್ಟು ಸ್ಥಾನಗಳು: 150

ಇಸಿಐಎಲ್​ನ ಇಸಿಇ , ಸಿಎಸ್​ಇ, ಎಂಇಸಿಎಚ್, ಇಇಇ ವಿಭಾಗಗಳಲ್ಲಿ ನೇಮಕ ಮಾಡಿಕೊಳ್ಳಲಾಗುವುದು. ಈ ತರಬೇತಿಯು 1 ವರ್ಷದ ಅವಧಿಗೆ ಒಳಪಟ್ಟಿದ್ದು, 2022ರ ಫೆಬ್ರವರಿ 1 ರಿಂದ ತರಬೇತಿ ನಡೆಯಲಿದೆ. ಸರ್ಕಾರದ ನಿಯಮದನ್ವಯ ಸ್ಥಾನಗಳಲ್ಲಿ ಮೀಸಲಾಗಿ ಇರುತ್ತದೆ. ಅಭ್ಯರ್ಥಿಗಳಿಗೆ ಇಸಿಐಎಲ್​ನೊಂದಿಗೆ ತರಬೇತಿಗೆ ಸಂಬಂಧಿಸಿದ ಒಪ್ಪಂದಕ್ಕೆ ಸಹಿ ಹಾಕಬೇಕಿದ್ದು, ಒಂದುವೇಳೆ ಅಭ್ಯರ್ಥಿಗಳು ತರಬೇತಿಯನ್ನು ಅರ್ಧಕ್ಕೆ ಮೊಟಕುಗೊಳಿಸಿದರೆ, ಆ ಅಭ್ಯರ್ಥಿಗಳು ತರಬೇತಿ ಕೊನೆಯವರೆಗೆ ಪಡೆದ ಸ್ಟೈಪೆಂಡ್ ಹಾಗೂ ಸಂಸ್ಥೆ ತನಗಾಗಿ ಮಾಡಿದ ಖರ್ಚಿನ ಮೊತ್ತವನ್ನು ಪಾವತಿಸಬೇಕಿರುತ್ತದೆ ಎಂದು ಅಧಿಸೂಚನೆಯಲ್ಲಿ ತಿಳಿಸಲಾಗಿದೆ.

ಸ್ಥಾನಗಳ ವಿವರ

* ಗ್ರಾಜುಯೇಟ್ ಇಂಜಿನಿಯರ್ ಅಪ್ರೆಂಟೀಸ್ (ಜಿಇಎ) - 145

* ಟೆಕ್ನೀಷಿಯನ್ (ಡಿಪ್ಲೊಮಾ) ಅಪ್ರೆಂಟೀಸ್ (ಟಿಎ) - 5

ಶೈಕ್ಷಣಿಕ ಅರ್ಹತೆ: 2019ರ ಏಪ್ರಿಲ್ 1ರ ಒಳಗೆ ನಮೂದಿಸಿರುವ ವಿಭಾಗಗಳ ವಿಷಯದಲ್ಲಿ 3 ವರ್ಷದ ಡಿಪ್ಲೊಮಾ, 4 ವರ್ಷದ ಬಿಇ, ಬಿ.ಟೆಕ್ ಪದವಿ ಪಡೆದಿರಬೇಕು.

ವಯೋಮಿತಿ: 31.1.2022ಕ್ಕೆ ಅನ್ವಯವಾಗುವಂತೆ ಕನಿಷ್ಠ 18 ವರ್ಷ. ಗರಿಷ್ಠ 25 ವರ್ಷ ವಯೋಮಿತಿ ನಿಗದಿಪಡಿಸಿದ್ದು, ಮೀಸಲಾತಿ ಅಭ್ಯರ್ಥಿಗಳಿಗೆ ನಿಯಮದನ್ವಯ 3 ರಿಂದ 10 ವರ್ಷ ವಯೋ ಸಡಿಲಿಕೆ ಇದೆ.

ಗೌರವಧನ: ಗ್ರಾಜುಯೇಟ್ ಇಂಜಿನಿಯರ್ ಅಪ್ರೆಂಟೀಸ್​ಗೆ ಮಾಸಿಕ 9,000 ರೂ., ಡಿಪ್ಲೊಮಾ ಅಪ್ರೆಂಟೀಸ್​ಗೆ ಮಾಸಿಕ 8,000 ರೂ. ಗೌರವ ಧನ (ಸ್ಟೈಪೆಂಡ್) ನೀಡಲಾಗುವುದು.

ಸೂಚನೆ: ಆಸಕ್ತ ಅಭ್ಯರ್ಥಿಗಳು ನ್ಯಾಟ್ ಪೋರ್ಟ್​ಲ್ http://-www.mhrdnats.gov.in

ನಲ್ಲಿ ನೋಂದಾಯಿತರಾಗಿ, ಅಲ್ಲಿಂದಲೇ ಆನ್​ಲೈನ್ ಅರ್ಜಿ ಸಲ್ಲಿಸಲು ಸೂಚಿಸಲಾಗಿದೆ.

ಆಯ್ಕೆ ಪ್ರಕ್ರಿಯೆ: ಅಭ್ಯರ್ಥಿಗಳ ಶೈಕ್ಷಣಿಕ ಅಂಕ, ಮೆರಿಟ್ ಆಧರಿಸಿ ಆಯ್ಕೆ ಮಾಡಲಾಗುವುದು. ಈಗಾಗಲೇ ಅಪ್ರೆಂಟೀಸ್ ತರಬೇತಿ ಪಡೆದಿರುವ ಅಥವಾ ತರಬೇತಿ ಪಡೆಯುತ್ತಿರುವ ಅಭ್ಯರ್ಥಿಗಳಿಗೆ ಅವಕಾಶ ಇರುವುದಿಲ್ಲ. ಅಭ್ಯರ್ಥಿಗಳು ತರಬೇತಿಗೆ ದಾಖಲಾಗುವ ಸಂದರ್ಭದಲ್ಲಿ ಸಿವಿಲ್ ಅಸಿಸ್ಟೆಂಟ್ ಸರ್ಜನ್​ನಿಂದ ಪಡೆದ ದೈಹಿಕ ದೃಢತೆ ಪ್ರಮಾಣಪತ್ರ ಸಲ್ಲಿಸಬೇಕು.

ಅರ್ಜಿ ಸಲ್ಲಿಸಲು ಕೊನೆಯ ದಿನ: 18.1.2022

ವೆಬ್​ಸೈಟ್​ನಲ್ಲಿ ಆಯ್ಕೆ ಪಟ್ಟಿ ಪ್ರಕಟ: 20.1.2022

ಅಧಿಸೂಚನೆಗೆ:  https://bit.ly/3tlqHVm

ಮಾಹಿತಿಗೆ: http://careers.ecil.co.in

https://www.vijayavani.net/s-udyo0gamitra-jute/

https://www.vijayavani.net/s-udyogamitra-job-in-plasma-research/