ಇಸ್ರೋದ ವಾಣಿಜ್ಯ ಘಟಕಕ್ಕೆ 1.2 ಶತಕೋಟಿ ಡಾಲರ್​ ದಂಡ!

ವಾಷಿಂಗ್ಟನ್​: ಮಾಡಿಕೊಂಡಿರುವ ಉಪಗ್ರಹ ಒಪ್ಪಂದವೊಂದನ್ನು ರದ್ದುಪಡಿಸಿರುವ ಹಿನ್ನೆಲೆಯಲ್ಲಿ ಇಸ್ರೋ ವಾಣಿಜ್ಯ ಘಟಕ ಆ್ಯಂಟ್ರಿಕ್ಸ್‌ ಕಾರ್ಪೊರೇಷನ್‌ ಇದೀಗ ಬೃಹತ್​ ಮೊತ್ತದ ಪರಿಹಾರ ರೂಪದ ದಂಡಕ್ಕೆ ಒಳಗಾಗಿದೆ.

ಬೆಂಗಳೂರು ಮೂಲದ ಸ್ಟಾರ್ಟ್​ಅಪ್​ ದೇವಾಸ್ ಮಲ್ಟಿಮೀಡಿಯಾಕ್ಕೆ 1.2 ಶತಕೋಟಿ ಡಾಲರ್‌ ಪರಿಹಾರ ನೀಡಬೇಕು ಎಂದು ಆ್ಯಂಟ್ರಿಕ್ಸ್‌ ಕಾರ್ಪೊರೇಷನ್​ಗೆ ಅಮೆರಿಕದ ನ್ಯಾಯಾಲಯ ಸೂಚಿಸಿದೆ.

ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆಯ (ಇಸ್ರೋ) ವಾಣಿಜ್ಯ ಘಟಕವಾಗಿರುವ ಆ್ಯಂಟ್ರಿಕ್ಸ್‌ ಕಾರ್ಪೊರೇಷನ್‌ 2005ರ ಜನವರಿಯಲ್ಲಿ ದೇವಾಸ್ ಮಲ್ಟಿಮೀಡಿಯಾದ ಜತೆ ಒಪ್ಪಂದ ಮಾಡಿಕೊಂಡಿತ್ತು. 70 ಮೆಗಾಹರ್ಟ್ಸ್ ಎಸ್‌-ಬ್ಯಾಂಡ್‌ ತರಂಗಾಂತರದ ಎರಡು ಉಪಗ್ರಹಗಳನ್ನು ನಿರ್ಮಿಸಿ, ಉಡಾವಣೆ ಮಾಡಿ, ಕಾರ್ಯಾಚರಣೆ ಮಾಡುವ ಒಪ್ಪಂದ ಇದಾಗಿದೆ. ಈ ಉಪಗ್ರಹಗಳನ್ನು ದೇವಾಸ್‌ ಭಾರತದಾದ್ಯಂತ ಸಂವಹನ ಸೇವೆ ಒದಗಿಸಲು ಬಳಸುವ ಉದ್ದೇಶ ಹೊಂದಿತ್ತು.

ಇದನ್ನೂ ಓದಿ: ಅಂದು ಅವನೆಲ್ಲಿ ತಪ್ಪಿದ..? ಇಂದು ನಾವೆಲ್ಲಿ ತಪ್ಪುತ್ತಿದ್ದೇವೆ..?

ಆದರೆ ಏಕಾಏಕಿಯಾಗಿ 2011ರ ಫೆಬ್ರುವರಿ 2011ರಲ್ಲಿ ಆ್ಯಂಟ್ರಿಕ್ಸ್‌ ಕಾರ್ಪೊರೇಷನ್​ ಈ ಒಪ್ಪಂದವನ್ನು ರದ್ದುಪಡಿಸಿತು.

ಇದನ್ನು ಪ್ರಶ್ನಿಸಿ ದೇವಾಸ್‌ ಕೋರ್ಟ್​ ಮೆಟ್ಟಿಲೇರಿತ್ತು. ಇದರ ತೀರ್ಪು ಇದೀಗ ಹೊರಕ್ಕೆ ಬಂದಿದೆ. ಆ್ಯಂಟ್ರಿಕ್ಸ್‌ ಕಾರ್ಪೊರೇಷನ್​, ದೇವಾಸ್​ಗೆ 56.5 ಕೋಟಿ ಡಾಲರ್ ಪರಿಹಾರ ನೀಡಬೇಕು. ಇದಕ್ಕೆ ಈವರೆಗಿನ ಬಡ್ಡಿ ಸೇರಿಸಿದರೆ ಒಟ್ಟು ಮೊತ್ತು 1.2 ಶತಕೋಟಿ ಡಾಲರ್‌ ಆಗುತ್ತದೆ' ಎಂದು ನ್ಯಾಯಾಧೀಶರು ಹೇಳಿದ್ದಾರೆ.

ಈ ಒಪ್ಪಂದದ ಕುರಿತಂತೆ ಅಮೆರಿಕದ ಸುಪ್ರೀಂಕೋರ್ಟ್​ ನಿರ್ದೇಶನದ ಮೇರೆಗೆ ಈ ಹಿಂದೆ ಅಂತಾರಾಷ್ಟ್ರಿಯ ಪ್ರಾಧಿಕಾರದ ರಚನೆಗೆ ಆದೇಶಿಸಿತ್ತು. ಪ್ರಾಧಿಕಾರ ಕೂಡ ಈ ಕ್ರಮದ ವಿರುದ್ಧ ಆದೇಶ ಹೊರಡಿಸಿತ್ತು. ಇದನ್ನು ಪರಿಗಣನೆಗೆ ತೆಗೆದುಕೊಂಡಿರುವ ಕೋರ್ಟ್​, ಪರಿಹಾರ ನೀಡಲು ಸೂಚಿಸಿದೆ.

'ಅಮೆರಿಕದ ನ್ಯಾಯಾಲಯವು ಈ ಪ್ರಕರಣದ ವಿಚಾರಣೆ ನಡೆಸಲು ಅಧಿಕಾರ ಹೊಂದಿಲ್ಲ ಎಂದು ಕೂಡ ಆ್ಯಂಟ್ರಿಕ್ಸ್​ ವಾದಿಸಿತ್ತು. ಆದರೆ ಅಮೆರಿಕದ ಸೀಟಲ್‌ನಲ್ಲಿ ಪ್ರಧಾನ ಕಚೇರಿ ಹೊಂದಿರುವ ದೇವಾಸ್‌, ಅಮೆರಿಕದಾದ್ಯಂತ ಸೇವೆ ಒದಗಿಸುತ್ತಿದೆ. ಹೀಗಾಗಿ ಈ ಪ್ರಕರಣದ ವಿಚಾರಣೆ ನಡೆಸಬಹುದು ಎಂದು ಕೋರ್ಟ್ ಅಭಿಪ್ರಾಯಪಟ್ಟಿದ್ದು, ಪರಿಹಾರ ರೂಪದ ದಂಡ ವಿಧಿಸಿದೆ.

https://www.vijayavani.net/s-shreeramulu-friends-daughter-marriage/

https://www.vijayavani.net/s-fack-check-jeans-ban/